Ieremia 38:2 - Te B'aib'ara

² Ana taeka te UEA ae e kaangai, “E na mate n te buaka ke n te baki ke te aoraki te aomata ane e tiku i nanon te kaawa. A na bon aki tiringaki koraki aika otinako n taenikai nako ia kaain B'aburon; a na tiringaki ngkana a biri nako n rawei maiuia.”

Ieremia 38:2 Iomraidhean Croise

Ieremia 21:4

A katobibiia Ierutarem kaain B'aburon ao a tangiria n tiringko ma am aomata. Ko butiai b'a N na kamaiuko, ma ko a tia ni kaunai.

Ieremia 24:8

Taian biiku ake a buakaka a tei i bukin uean Iuta are Tetekia, ma ana mataniwi, ao ake tekorakina ni kabaneia ake a uotaki nako B'aburon, e ngae ngke tao a tiku ikai i Iuta ke a tia n nako Aikubita.

Ieremia 27:11

Ma ngkana kam kukurei n ongotaeka ngkoe ma am botannaomata nakon Nebukaneta, ao N na kariaia b'a kam na tiku i abami, ao a na teimatoa ni maiu ami aomata ma ni m'akuri n aia oonaroka nako.

Ieremia 27:13

Ma ngkana kam rawa, ao ko na mate ma ami aomata n te buaka, te baki, ao te aoraki, n aron e a tia ni kauringngkami iai te UEA.

Ieremia 29:16

Ongora nakon te b'ai ae e taekinna te UEA ae taekan te uea ake e tautaekana te abanuea are e tautaekanaki ngkoa i roun Tawita, ao taekaia naba kaain te kaawa ae e buubura aei, ake bon ami koraki ake kam kaai n aki uotaki nako ma ngaiia nakon te kataenikaiaki.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 34:17

Kam a tia n aki ongotaeka i Rou ngkai kam a manga aki anga te inaomata nako ia ami toro. Ma ngaia are, N na anganingkami te inaomata-te inaomata ni mate n te buaka ke te mate n te baki. N na karikingkami b'a kam na rangi n ribaaki irouia botannaomata nako n te aonnaba.

Ieremia 39:18

N na kamanoingkami, ao kam na aki tiringaki. E na reke birinakomi n rawei maiumi i bukina ngkai kam onimakinai. Bon aei Au taeka Ngai ae te UEA.

Ieremia 42:17

A na bane ni mate n te buaka ke te baki ke te aoraki koraki akana a iangoa te nako Aikubita ni maeka iai. Bon akea nikiraia ae e na tiku ni maiu, ao akea naba ae e na reke birinakona man te kabuanib'ai are N nang karokoa i aoia.’

Ieremia 42:22

Ma ngaia ae, kam na mate i Aikubita n te buaka, te baki, ke te aoraki.

Ieremia 44:13

I katuaaea Ierutarem n te buaka, te baki, ao te aoraki, ao anne naba aron ae N na katuaaingkami iai.

Ieremia 45:5

N nang karokoa te kabuanib'ai n taabo nako, ma ngaia are, kam na aki kabanea ami tai ni iangoa te b'ai teuana ma teuana. I berita b'a N na kaawakiningkami man te mate. Bon aei Au taeka Ngai ae te UEA.

Etekiera 14:21

Boni Ngai ae te UEA ae te Atua, ae I berita b'a e na kakorakoraaki katuaaean Ierutarem. N na kanakoa te buaka, te baki, maan aika aki manana, ao te aoraki ae e kamaamate b'a e na tiringiia kaaina ma aia nanai ni man.

Etekiera 6:11

Ao E a manga taku te UEA: Etekiera, kaaioroi am timoi ao kabukibuki waem i bukin korakain nanom! Ko na tang n nanokawaki, i bukina ngkai a tia Iteraera ni karaoi m'akuri aika a rangi n ribaaki ao ngkai a nang tiringaki irouia te taanga ni buaka, ke ni mate man te baki ao te aoraki.

Etekiera 7:15

A mena n taabo nako te buaka, te aoraki, ao te baki! A na tiringaki aomata akana a maeka i tinanikun te kaawa n te buaka, ao akana a maeka i nanon taiani kaawa a na mate n te baki ke te aoraki ae e kamaamate.