Ieremia 38:16 - Te B'aib'ara

¹⁶ Ao e taku, I tuea n aran te UEA ae E maiu ae te Tia karikib'ai b'a I aki tangiria b'a ko na tiringaki. Bon akea temanna ae e konaa n ongo te b'ai ae ti taekinna, ao akea temanna ae I tuangnga b'a e na tiringko.”

Ieremia 38:16 Iomraidhean Croise

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Ieremia 34:20

A na tiringkami kairiribai aikai ma ni katikui rab'atami n aki akaaka i aon te tano b'a kanaia mannikiba ao maan aika a aki manana.

Ieremia 37:17

I mwiina riki, ao e kanaanako weteau te uea are Tetekia n te aro ni karaba, ao I anaaki nakon te bareti, ike I a titirakina iai ni kaangai, “Iai te rongorongo nakoira mai roun te UEA?” Ao I kaeka ni kaangai, “Eng teuae ko karineaki, iai. E taku te UEA b'a E nang karokoa uean B'aburon b'a e na kataenikaiko.”

Tekaria 12:1

Aio te rongorongo mairoun te UEA i bukin Iteraera: Bon te UEA Ngai! I arora nako taiani karawa; I kaaki te aonnaba i aon aana ao I anga te ikeike ni maiu nakoia aomata.

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

Warekaia Iteraera 27:16

“Bon te UEA Ngkoe ae te Atua, ao ko atai b'aai ni kabane ake i nanoia aomata. Ma ngaia are, I a butiiko b'a Ko na rinea te tia kairiri irouia Iteraera.

Ioane 3:2

E nako n Iesu n te tairiki teuana, ao e taku nakoina, “Te Tia Reirei, ti ataiko b'a te tia reirei ae Ko nako mai mairoun te Atua: b'a e aki kona te aomata ni karaoi m'akuri aika kamimii aika Ko karaoi, ngkana E aki mena i rouna te Atua.”

M'akuri 17:25

Ao bon akea te b'ai ae a karaoia aomata i bukina b'a akea te b'ai ae E kainanoia, ngkai boni Ngaia ae anga te maiu, te ikeike, ma b'aai ni kabane nakoia aomata ni kabaneia;

M'akuri 17:28

b'a boni Ngaia ae ti maiu i rouna, ti kakam'akuri i rouna, ao iai ngaira i rouna; n ai aron are a kaangai ami tia oto-kuna tabem'aang, “B'a ti riki naba mai Rouna.”

Ebera 12:9

I rarikin aei, bon iai tamara aika taman rab'atara, aika reireira ni kaeti arora, ao ti karineia; ao tiaki e raoiroi riki b'a ti na anga ngaira nakon Taman tamneira, ao ti na maiu?