Ieremia 37:10 - Te B'aib'ara

¹⁰ E ngae ngkana kam konaa ni kataenikaia aia taanga ni buaka ni kabane ma ane e na bon reke naba aia tai aika ikoaki aika nikira ni maiu ni kiitan aia autinrianna ma ni kaurarakea Ierutarem.

Ieremia 37:10 Iomraidhean Croise

Itaia 10:4

Kam na kangaa ni biri nako man te tauaki ke n te tiringaki? E bon teimatoa naba n un te UEA, ao e tuai man kab'ara nanona mairoumi!

Itaia 13:15

A na tiringaki n te kabaang koraki ake taian taenikai.

Itaia 14:19

Ma ngkoe ko na katukaki n aki taunaki, ao te mate riki temanna ae e wene i aan te wae kaanga te m'aoto ni m'aanga. Ko na riki b'a temanna mai buakoia tautia aika a mate n te buaka ao a ruorikaaki nakon b'angab'angan te b'aa ae moan te nano.

Itaia 30:17

Ngkana ti tabeman b'a ti niiman ke ti temanna, e na bon tau i bukin kakioakiia teuana tengaa mai roumi. N tokina, ti nikiraia ake a reke maiuia bon ti tabeman aika a tiku n timoimoi kaanga kain te buraeki i aon te tabuki ae e rereua aona.

Ieremia 21:10

I a tia n baaireia b'a N na aki kamaiuia Ierutarem. Ma N na kariaia uean B'aburon b'a e na kabuokia ni kamannangnga. Bon aio au taeka Ngai ae te UEA.

Ieremia 32:29

A a kaman buakana te kaawa kaain B'aburon, ao ane a na taua ma ni kaurarakea. E a tia ni kaunai kaain Ierutarem ngke a aki toki n tatam'arake nako taubukin aia auti ma ni kabuoka te b'ai ni kaboiarara nakon B'aara ao a anga te wain nako ia anti ake tabem'aang. Ao ngkai a nang kabuokaki auti aikai ni kab'akaaki!

Ieremia 37:11

Ao a tia n nako ana taanga ni buaka B'aburon i bukina ngke e nang roko ana taanga ni buaka Aikubita ni buokiira.

Ieremia 37:8

Ao i mwiin anne, ane a na manga oki kaain B'aburon ni buakana Ierutarem, ma n te tai aei, a nang taua te kaawa ae e buubura ma ni kauraarakea.

Ieremia 49:20

Kam na ongora nakon Au babaaire i bukimi aika kaain Etom. Ane a na aeaeaki nako natimi ao e na uruakaki abami.

Ieremia 50:45

Ongora n Au babaaire i bukimi, kaain B'aburon. Ane a na uaakinaki nako natimi, ao e na kamaunaaki abami.

Ieremia 51:4

Ane a na b'aka ni ikoaki aia taanga ni buaka i nanoni kawain nako nuukan B'aburon.

B'aeb'aeti 1:15

E ngareakiniia ni kabane au tautia aika a korakora te UEA; E kanakoa te taanga ni buaka b'a a na tiringiia au rorobuaka. E kamanatuaia au aomata n ai aron te kureebe n te tabo n toutou kureebe.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.