Ieremia 33:7 - Te B'aib'ara

⁷ N na manga anga riki te aba aei nako ia Iteraera ma Iuta, ao N na manga kakorakoraia n aroia are rimoa.

Ieremia 33:7 Iomraidhean Croise

Taian Areru 126:1

Ngke E kaokira te UEA nakon ana kaawa ae Ierutarem, ao ai aron ae ti mii!

Taian Areru 126:4

Te UEA, Ko na manga kaoka kab'aiara nakoira, n ai aron te raanga n ran te rereua are i maiaki.

Taian Areru 14:7

E bia reke kamaiuan Iteraera mai Tion! Ngkana E a manga kaoka te kab'aia Te UEA nakoia ana kariki Iakob'a, ake te botannaomata ake Iteraera, Ao ane a na kim'areirei!

Taian Areru 85:1

Te UEA, Ko ataataiaomata nakon abam; Ko a manga kaoka kab'aian Iteraera.

Itaia 1:26

Ierutarem, N na rinea te tia motikitaeka ao te tia iango aika ai aron ake mai m'aaina. Arami ae e boou bon “Te Eti ma te Kakaonimaki.”

Itaia 52:8

Baane anene ao kukurei ngkami aika kam tei n taratara! Nooria, kam a konaa n noora te UEA n okira Tion.

Ieremia 23:3

N na kaokiia ni kabane Au aomata nakon mwengaia man aaba ake I a tia ni kamaaenako ia nako iai, ao a na rikirake b'a te botannaomata ae e korakora.

Ieremia 24:6

ike I tarataraia iai. Ao n te bong teuana N na kaokiia nakon te aba aei. N na unikia, ao N na aki manga taewakaiia, ao N na karikirakeia, ao N na aki manga uruia ni kab'akaia.

Ieremia 29:14

ao N na kariaia ami taromauri. Ao i mwiina, N na bootingkami mairouia botannaomata nako ake I kamaaenakoingkami nako buakoia ngkoa, ao kam na manga okira Ierutarem.

Ieremia 30:18

E taku te UEA: Kaain Iteraera, N na akoingkami ma ni kanakoingkami nakoni mwengami. E a wene n uruaki ngkai Iteraera, ma kam na manga kateia, ni katiaa ma te bareti ae e boou.

Ieremia 30:20

E na riki kaanga taai ake ngkoa. Ane a na taromauriai ami botannaomata, ao N na katuuaia ni kabane akana a kabuakakaingkami.

Ieremia 30:3

N te bong teuana ao a na oki Au aomata aika uakoraki aika Iteraera ma Iuta nakon abaia are I anganiia aia bakatibu.”

Ieremia 31:28

Ni boong ake ngkoa, I baairea kouwaakaeaia, ma kab'akaia, ma uruanan aroia. Ma ngkana e roko te bong anne, ao N na manga baairea aron unikaia ao buokaia b'a a na rikirake.

Ieremia 31:38

E taku te UEA: N te bong teuana, e na manga riki b'a Au b'ai Ierutarem. E na manga kateaki ma tiana ake a biri man te Taua are Ananera nakon te Mataroa are Koona.

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Ieremia 32:44

Ma a na roko boong, are a na kabanei iai aia tirewa aomata ni kabooi iai tawaana n taabo nako—i abaia kaain Beniamin, n te aono are i rarikin Ierutarem ao kaawan nako Iuta, ao n te aba are e tabukibuki, ao n aaba ake a rinano ake i maeao, ao n Rereua ake i Maiaki. A na riki taani kaboob'ai ma taani kaboonako b'aai ao taani kakoaua b'a ngaia aika a na tiainaa ao ni kanikinaea te beeb'a i bukin kaboonakoan te tawaana, i bukina ngkai N nang kaoka te aba aei nako ia Au aomata. Bon aei Au taeka Ngai ae te UEA.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Ieremia 33:26

Ao N na bon karaoa naba aron anne; b'a N na aki katinanikuia naba ana kariki nako Aberaam, Itaaka, ao Iakob'a ke n urua Au berita are a na teimatoa n riki ana kariki Tawita b'a aia Uea. N na akoia Au aomata aika Iteraera, ao a na manga okira aroia n teetekeraoi.

Ieremia 42:10

I kab'araa Au bure ngke I a tia ni katuaaingkami, ma ngaia are, I tuangkami ngkai b'a kam na tiku ikai i Iuta, ike N na unikingkami ma ni karikirakeingkami iai, n onea mwiin are N na bwenauaingkami ni kab'akaingkami ao n na kouwakaaingkami.

Ieremia 50:4

E taku te UEA: Kaain Iteraera ma Iuta, Ngkana a riki baikai ao kam na tang, ao kam na kaai n okira abami n taromauriai, Ngai ae te UEA ae Atuami.

B'aeb'aeti 4:22

E a tia ni b'ara ana bure Tion; E nang kab'araira te UEA man te kataenikaiaki. Ma e na bon katuaeko te UEA ngkoe ae Etom, E na katereterei am m'akuri aika a kaairua.

Etekiera 39:25

Ngkai N nang kaota Au nanoanga nakoia Iteraera ma ni kaokiia mairouia ianena ake a maeka i buakoia. Bon kanoan Iakob'a ngaiia, ma ngaia ae, N na kakab'aiaia ma ni kaotia b'a I tabu.

Otea 2:15

N na kaoka am nnenaroka ni kureebe, ao i mwiina te M'arua are Kangaanga are e na riki b'a M'aruan te Kantaninga. Ane ko na kaangai “Eng” nako iu n aron are ko karaoia ngkoa ngke ko kairake, ngke ko kiitana Aikubita.

Teb'ania 3:20

E a roko te tai! N na kaokiia ake a maaenako nakon mwengaia. E na tanoata kakannatom n te aonnaba ao N na manga kaoka kab'aiam,” Bon ana taeka te UEA.

Tekaria 1:17

I bon berita naba b'a e na manga teetekeraoi au kaawa nako-e na manga riki Ierutarem b'a au kaawa ae e rineaki, ao N na anga te rau nakoia aomata aika kaain Tion.