Ieremia 33:4 - Te B'aib'ara

⁴ Bon te UEA Ngai ae Atuaia Iteraera, ae I taekinna b'a e na b'aka ni m'akoroua autin Ierutarem ao ana bareti te uea i Iuta b'a mwiin ewekakina ao buakanakina.

Ieremia 33:4 Iomraidhean Croise

Itaia 22:10

Kam wareki taian auti i Ierutarem ao kam urui ni kab'akai tabeua mai buakoia, b'a e aonga n reke ami atiibu i bukin bonobonotan taiani b'angab'anga n oon te kaawa.

Itaia 32:13

ao nakon taian auti ake a kakukurei i Ierutarem A na onrake abaia aomata n taian aroka aika a kateketeke.

Itaia 32:14

E na kiitanaki te bareti, ao a na akea aomata. Ao a na riki taian nono ma taua b'a nneia n takaakaro n aki toki taian aati aika a aki manana ao nnen tawaana n uteute ake kanaia tiibu.

Ieremia 32:24

E a buakanaki ngkai Ierutarem, ao ti a kainano ni baki ma n aoraki. A a tia kaain Aikubita ni katei b'ain ninian oon ara kaawa, ao Ko konaa n nooria b'a E nang tauaki Ierutarem n aron are Ko a tia n taekinna.

Ieremia 6:6

Bon te UEA Ngai ae Moan te M'aaka, ao I tua b'a a na bane taian taanga ni buaka aikai ni koroi aroka ni kabane ma ni katei b'ain ninian nonon Ierutarem. Kaain Ierutarem, N na katuuaingkami i bukin ami motibuaka.

B'aeb'aeti 2:7

E rangi n ribaa ana baonikarea te UEA, ao e kamaunaa ana Tembora are e tabu; E kariaia rokoia kairiribai ni kamaenikuna oon te Tembora. A tatakarua i nanon te Tembora are ti tataromauri iai kairiribai ni kaota aia tokanikai.

Etekiera 21:22

E na kanakoa baina are te atai ni kanakoa te kainikoto are e koreaki iai ae kaangai “Ierutarem”. Ao e na waekoa n anga te kanikina ae na kanakoa i bukin te takaakaa ni buaka, ma ni kateaki taian tabuki i bukin tam'arakean oon te kaawa, b'a e na uruakaki oona ni kab'akaaki ma ana mataroa n taian b'ai n uru mataroa aika boua aika a korakora, ma n tiringaki aomata.

Etekiera 26:8

Te moanib'ai are e na karaoia bon buakanakin taiani kaawa ake a mena i rarikin taari ma n tiringiia aomata ake a maeka ikekei. Ao i mwiina, e na katabuka te tano n tam'arakei oon te kaawa ake a rietaata, ma ni karaoi otangana ni katobibia.

Etekiera 4:2

Ao i mwiina, katauraoi nakon buakanakin te buriki b'a kaanga te kaawa ni koaua. Katabuka te tano ni katobibiia ao karaoa b'ain niniana aika a rietaata ao katobibia te buriki n aia maeka kairiribai. Ao kaaki taiani boua aika kaai b'a kaanga aongkoa ko nang urua mataroan te kaawa.

Ab'akuka 1:10

A mata ni kakanikoia Uea, ao a ngareakiniia ake a rietaata nakoaia. Bon akea te nano ae e na kona n totokoia, b'a a katabukirake taano i rarikiia ao a taua.

Te Tua-Kaua 20:20

Kam na bae kainanoa te kai i bukin karaoan te kaintam'arake, ao taian taua i bukin buokami n tam'arakei taian o ngkana kam na taui taiani kaawa. Ma kam na ti kamanenai taian kai akana kam atai b'a tiaki taiani kainam'arake.