Ieremia 33:2 - Te B'aib'ara

² E taetae nako iu te UEA are e karaoa te aonnaba, are e karaoia ma ni katikua ni nnena. Boni Ngai are I aranaki b'a te UEA ao I kaangai,

Ieremia 33:2 Iomraidhean Croise

Taian Areru 102:16

Ngkana E a manga katea Tion te UEA, Ao E na kaota iai kakannatona;

Taian Areru 87:5

Ao e na atongaki Tion b'a aia tabo aomata n aekaia nako, Ao e na nene ni matoatoa iroun te Atua are Moan te Rietaata

Te Otinako 15:3

Bon te tia buaka te UEA, ao bon te UEA arana.

Te Otinako 6:3

Ma ngke I kaoti nako ia Aberaam, Itaaka, ao Iakob'a, ao I roko b'a te Atua ae moan te m'aaka ao I aki kamanenaa arau.

Itaia 14:32

Ngkana e roko te tia uarongorongo man te botannaomata ae e raroa, ao ko na kaangai nakoina: “E karaoa Tion te UEA. Ao e na reke naba ikekei te rau iroun te aomata ae e rangi ni kainano.”

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Itaia 42:8

Arau bon te UEA! N na bon aki kariaia taian bouannanti ke aomata b'a a na ono ni mimitongiu ao neboau.

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 43:21

I karikiia b'a oin au botannaomata, b'a a aonga n neboai.

Itaia 62:7

ao a na aki motirawa ni karokoa e matoatoa raoi Ierutarem ma n tanoata taekana n taabo nako.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 16:21

Ao i mwiina, e kaeka te UEA ni kaangai, “Bon anne bukina are N na reireiniia iai aron m'aakau, ao ane a na ataai iai b'a bon te Atua ni koaua Ngai.”

Ieremia 32:18

Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.

Ieremia 51:19

Bon te UEA ae Atuaia Iteraera, ae Moan te M'aaka. E karaoi b'aai ni kabane, ao E rinea Iteraera b'a oin ana b'ai.

Amota 5:8

E kariki itoi te UEA, ao ni katikui n aroia. E bita te rotongitong nakon te karangaina ao te ngaina nakon te tairiki E wetei ranin marawa ao e nurakin nako aon te aba. ao Arana bon te UEA

Amota 9:6

E karaoa mwengana te UEA i karawa, ao aon te aba b'a te aana. E wetei raan mai i aan taari ao E kab'aroi i aon te aba. Bon te UEA arana!

Ebera 11:10

B'a Aberaam e kaantaninga te kawa are iai aana ae teimatoa, ae te kawa ae iangoaki arona iroun te Atua ao Ngaia naba ae kateia.

Ebera 11:16

Ma a bon tangira te tabo ae raoiroi riki, are i karawa. Ma ngaia are E aki mamaa te Atua n atongaki i rouia b'a Atuaia, b'a E a tia ni katauraoa aia kawa i bukiia.

Te Kaotioti 21:10

Ao e kairai nakon te maunga ae ab'ab'aki ae rietaata, ngke I mena i aani m'aakan ana kairiri te Tamnei; ao e kaota te kaawa are tabu are Ierutarem nako iu ngke e tabe n ruo mai karawa mairoun te Atua, ao e raneanea n raneanean te oota are nako mairoun te Atua;

Te Kaotioti 21:2

Ao I nora te kaawa are tabu, are Ierutarem ae boou, b'a e ruo mai karawa mairoun te Atua, ao e katauraoaki n ai aron te aine ae katamaroaaki i bukin teuare e na mare ma ngaia.