Ieremia 33:12 - Te B'aib'ara

¹² E taku ana taeka te UEA ae Moan te M'aaka, “N te aba aei are kaanga ai aron te rereua ao akea aomata ma maan ni maiu iai ngkoa, a na manga reke iai taabo n uteute ike a na kairiia aia tiibu taani kaawakintiibu nako iai.

Ieremia 33:12 Iomraidhean Croise

Ana Anene Toromon 1:7

Raou, I tangiriko! Ko kakaam'arakeia ia am tiibu ao ko kamotirawaia ia n te tawanou? Tai kataia n tuangiia tiibu b'a ana taraai b'a I buakaka Bon tiaki ngai temanna mai buakoia aine aika a aki mamaamaa n iririia taani kaawakintiibu.

Itaia 65:10

A na taromauriai ao N na kairiia aia tiibu ma aia nanai ni kao ni kawakinia i Aoraoin Tiaron i maeao ao i nanon M'aruan te Kaangaanga i mainiku.

Ieremia 17:26

ao tekorakina a na roko ikai man kaawa aika a uarereke ake i rarikina nako, man kaawan nako Iuta ao Beniamin, man te aba are tabukibuki ao aaba ake a rinano ake i maeao, ao man Rereuan Maiaki. Ane a na uoti taian karea b'a kakukureiau ao i bukin kaaitauau, ao ai uana naba ma taian angab'ai ake te uita ao te b'ai ni kaboiarara.

Ieremia 31:12

A na roko Au aomata n te Maunga are Tion ma ni karaoa aia bootaki ni kukurei; a na oota moaia i bukin Au kakab'aia. N na anganiia te uita, te kureebe, ao b'aan te oriwa, ao ai uana naba ma taian tiibu ao taiani kao. A na teetekeraoi Iteraera ao a na rikirake kaanga te nne n aroka ae e m'aiti te ran iai.

Ieremia 31:24

A na maeka aomata i Ierutarem ao ni kaawan nako Iuta. A na riki tabeman b'a taan ununiki ao tabeman a na riki b'a taani kaawakin tiibu.

Ieremia 32:15

E a tia n taekinna te UEA ae Moan te M'aaka, ae Atuaia Iteraera, b'a a na manga kabooi taian auti, tawaana, nne n aroka ni kureebe man te aba aei.”

Ieremia 36:29

Ao i mwiina, e tuangai b'a N na taetae ni kaangai nakon te uea are Ieoiakim: Ko aki ti kabuoka ana niira ni boki Ieremia, ma iai naba iroum te kan ataia b'a e aera ngkai e koreaki b'a e na roko uean B'aburon ni buakana ma n urua te aba, tiringiia aomata ni kabane ao ai uana naba ma taiani man.

Ieremia 50:6

Au aomata, bon atiibu ngkami aika kam m'arua nako aika a kiitanaki i roun aia tia kaawakintiibu. i aoni maunga. Kam bon aki ururinga naba ami tabo ni motirawa.

Ieremia 51:62

ao i mwiina, ko na tataro ni kaangai, “Ara UEA, Ko berita ngkoa b'a Ko na onika te tabo aei nakon te rereua ike akea aomata ke taiani man ae a na maiu iai.”

Etekiera 36:35

Ma, a na taetaekinna b'a ti te bo tikiraoina ma te nne n aroka are Eten. A na aki manga noori taian kaawa aika a wene n uruaki, ma a na noori ami kaawa aika a korakora aika a onrake irouia aomata.

Akai 1:4

Ma e bon eti b'a ko na maeka n te auti ae e boobuaka,