Ieremia 32:41 - Te B'aib'ara

⁴¹ N na kukurei ni karaoa ae e raoiroi nako ia, ao N na katea aroia b'a a na riki raoi b'a kaain te aba aei ni koaua.

Ieremia 32:41 Iomraidhean Croise

Taian Areru 80:8

Ko uota te kai ae te kureebe ni kaotinakoia mai Aikubita; Ko kakioia nako botannaomata tabeua ao ko unikia iai b'a ana abanna.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 62:4

E na aki manga atongaki aram b'a “Kiitanaki ao Kanoabo,” ma e na atongaki b'a “Mare Ma Te Kukurei.” Ko na kukurei iroun te UEA; e na riki abami b'a ana kainrou te aine.

Itaia 62:5

A na abana te aba ami aomata, kaanga te rorobuaka n ataei ngkana e anaa te kainrou. E na kukurei te UEA iroumi, kaanga te bu te m'aane ngkana e kukurei iroun ana kainrou.

Itaia 65:19

N na kaonaki n te kim'areirei i bukin Ierutarem ma ana botannaomata. Akea ae e na tang ikekei, ao akea ae e na kakaea buokana.

Ieremia 18:9

Ngkana I berita b'a N na kakorakoraa te botannaomata,

Ieremia 24:6

ike I tarataraia iai. Ao n te bong teuana N na kaokiia nakon te aba aei. N na unikia, ao N na aki manga taewakaiia, ao N na karikirakeia, ao N na aki manga uruia ni kab'akaia.

Ieremia 31:28

Ni boong ake ngkoa, I baairea kouwaakaeaia, ma kab'akaia, ma uruanan aroia. Ma ngkana e roko te bong anne, ao N na manga baairea aron unikaia ao buokaia b'a a na rikirake.

Etekiera 36:36

Ao ane a na ataia botannaomata akana nikira ni maiu akana i rarikimi b'a bon Ngai ae I a manga katei taabo ake a uruaki ao ni manga uniki taian tawaana aika akea kain aoia. Bon aei au taeka Ngai ae te UEA ae I karaoa te berita aei.

Otea 14:5

N na riki b'a kaanga te aoi ao ane kam na kaurei ueemi kaanga taiani kiebu ao a na riki wakaami b'a kaanga taian aroka.

Amota 9:15

N na unikia Au aomata i aon te aba are I a tia n anganiia, ao a na aki manga taekaki nako.” Bon Ana taeka te UEA ae Atuami.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Te Tua-Kaua 28:63

E rangi ni kukurei te UEA ni katetekeraoingkami ma ni buoka ami botannaomata ni karikirakea ngke kam buakana te aba n taua. Ma ngkana kam aki ongotaeka nakoina ao E na manga bon rangi ni kukurei naba ni koutingkami mani wakaami.

Te Tua-Kaua 30:9

ao ane E na kakab'aiaingkami ma n anganingkami natimi aika a rawata, ami nanai n tiibu, ao nanai ni kao, ao arokami taiani uita ma b'aare aika a m'aiti uaaia. E na rangi ni kukurei te UEA ni karaoi m'akuri aika a raoiroi nakoimi, n aron are E karaoia naba ngkoa nakoia ami bakatibu.