Ieremia 32:24 - Te B'aib'ara

²⁴ E a buakanaki ngkai Ierutarem, ao ti a kainano ni baki ma n aoraki. A a tia kaain Aikubita ni katei b'ain ninian oon ara kaawa, ao Ko konaa n nooria b'a E nang tauaki Ierutarem n aron are Ko a tia n taekinna.

Ieremia 32:24 Iomraidhean Croise

2.Tamuera 20:15

A roko Ioaba ma ana taanga ni buaka ao a katobibia Abera, b'a e aonga n akea ae e na konaa n otinako. A katabukirakea te tano nakon te oo ao a moana uruakan te oo ni b'ain uruanakin te oo.

Itaia 37:33

I berita b'a e na bon aki roko i nanon Ierutarem uean Aturia, ke ni katebea te kanoanikatebe nako nanon te kaawa are e buubura, ke ni katobibia ma ni katauraoia ni buakani ngkami.

Ieremia 16:4

Ane a na mate n te aoraki ae moan te kamaamate ao n te buaka ao te baki. Ao bon akea temanna ae e na karaoa te bootaki ni mate i bukiia ke n tauniia, ao e na riki rab'ataia b'a kanaia mannikiba ao maan aika a aki manana. Ao nikiran rab'ataia a na tiku i aon te tano kaanga nakotariia maan.

Ieremia 20:5

E na kaitiaka kaub'ain te uea ma n anai b'aai nako aika a kakaawaki mai Ierutarem.

Ieremia 24:10

A na oreaki n taiani buaka ma te baki ao taian aoraki, ni karokoa a mauna nako man te aba are I anganiia aia bakatibu.

Ieremia 29:17

E taku te UEA ae Moan te M'aaka, ‘N na karokoa te buaka, te baki, ao te aoraki i aoia, ao N na karaoia kaanga te biiku aika a rangi ni mori n te aro are a aki konaa ni kanaki.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 32:25

Ma ngaia are, Ko aera ngkai Ko tuangai b'a N na karekeia taani kakoaua ma ni kabooa te tawaana n au tirewa, ao ngaia bon i aon kawaina n tauaki irouia kaain B'aburon?

Ieremia 32:28

E bon koaua b'a N nang bon kam'anangaa te Uea are Nebukaneta b'a e na taua Ierutarem.

Ieremia 32:3

E a tia n tua Tetekia b'a N na tauaki ikekei i bukin b'aai ni kabane ake I tuangiia aomata ake E taekin te UEA ae a kaangai: Bon te UEA Ngai, ao N nang katokanikaia uean B'aburon i aon Ierutarem.

Ieremia 32:36

Ieremia, E boni koaua te b'ai are ko taekinna. A a rawaawata Iteraera n te baki ma te aoraki, ao e na bon taua Ierutarem Uean B'aburon are Nebukaneta.

Ieremia 32:5

Ao i mwiin anne, e na uotaki nako Tetekia nako B'aburon, ike e na tiku iai ni karokoa tian are N na karaoia nakoina. Ma ngaia are, ngkana kam buaka ngkami aika kaain Iuta ma kaain B'aburon, ao kam na konaaki. Bon aei Au taeka Ngai ae te UEA.

Ieremia 33:4

Bon te UEA Ngai ae Atuaia Iteraera, ae I taekinna b'a e na b'aka ni m'akoroua autin Ierutarem ao ana bareti te uea i Iuta b'a mwiin ewekakina ao buakanakina.

Ieremia 34:17

Kam a tia n aki ongotaeka i Rou ngkai kam a manga aki anga te inaomata nako ia ami toro. Ma ngaia are, N na anganingkami te inaomata-te inaomata ni mate n te buaka ke te mate n te baki. N na karikingkami b'a kam na rangi n ribaaki irouia botannaomata nako n te aonnaba.

Ieremia 52:4

N ana karuaiwa n ririki ni uea Tetekia, n te katebwina n nam'akaina, e a kairiia ana taanga ni buaka ae e b'anin Nebukaneta mai B'aburon ni buakana Ierutarem. A katea aia kaemb'a te taanga ni buaka arei i tinanikun te kaawa ao a katei b'ain tam'arakean oon nako te kaawa.

Ieremia 52:6

N te karuaiwa ni bongin te kaaua n nam'akaina n te ririki naba anne, ngke e a roko ni korakorana te rongo ao akea kanaia aomata,

Ieremia 6:6

Bon te UEA Ngai ae Moan te M'aaka, ao I tua b'a a na bane taian taanga ni buaka aikai ni koroi aroka ni kabane ma ni katei b'ain ninian nonon Ierutarem. Kaain Ierutarem, N na katuuaingkami i bukin ami motibuaka.

Etekiera 14:21

Boni Ngai ae te UEA ae te Atua, ae I berita b'a e na kakorakoraaki katuaaean Ierutarem. N na kanakoa te buaka, te baki, maan aika aki manana, ao te aoraki ae e kamaamate b'a e na tiringiia kaaina ma aia nanai ni man.

Etekiera 21:22

E na kanakoa baina are te atai ni kanakoa te kainikoto are e koreaki iai ae kaangai “Ierutarem”. Ao e na waekoa n anga te kanikina ae na kanakoa i bukin te takaakaa ni buaka, ma ni kateaki taian tabuki i bukin tam'arakean oon te kaawa, b'a e na uruakaki oona ni kab'akaaki ma ana mataroa n taian b'ai n uru mataroa aika boua aika a korakora, ma n tiringaki aomata.

Etekiera 21:27

N na katuka Ierutarem b'a e na urubekebeke ngkana e roko teuare e rineaki b'a e na katuaaea te kaawa aei.

Etekiera 26:8

Te moanib'ai are e na karaoia bon buakanakin taiani kaawa ake a mena i rarikin taari ma n tiringiia aomata ake a maeka ikekei. Ao i mwiina, e na katabuka te tano n tam'arakei oon te kaawa ake a rietaata, ma ni karaoi otangana ni katobibia.

Etekiera 4:2

Ao i mwiina, katauraoi nakon buakanakin te buriki b'a kaanga te kaawa ni koaua. Katabuka te tano ni katobibiia ao karaoa b'ain niniana aika a rietaata ao katobibia te buriki n aia maeka kairiribai. Ao kaaki taiani boua aika kaai b'a kaanga aongkoa ko nang urua mataroan te kaawa.

Ab'akuka 1:10

A mata ni kakanikoia Uea, ao a ngareakiniia ake a rietaata nakoaia. Bon akea te nano ae e na kona n totokoia, b'a a katabukirake taano i rarikiia ao a taua.

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”

Mataio 24:35

A na mauna karawa ma aonnaba, ma a na aki kona ni mauna au taeka.