Ieremia 32:22 - Te B'aib'ara

²² Ao i mwiina, Ko anganiia Iteraera te aba ae e rawata iai te miriki ma ana karewe te manibeeru, n aron are Ko a tia ni berita iai nako ia ara bakatibu.

Ieremia 32:22 Iomraidhean Croise

Karikani B'aai 13:15

N nang anganiko ma kanoam aaba ni kabane ane ko nooria, ao a na riki b'a am b'ai n aki toki.

Karikani B'aai 24:7

E anaai te UEA ae Atuan karawa mai abaia tamau ma au koraki, ao E berita nako iu b'a E na anga te aba aei nakoia kanoau. Ane E na bon kanakoa te anera i m'aaim b'a ko aonga ni kona ni karekea buun natiu te mm'aane.

Karikani B'aai 50:24

Ao e taku nako ia tarina, “E a kaan mateu, ma E na boni kaawakiningkami te Atua ma ni kairingkami ni kaotinakoingkami man te aba aei nakon te aba are E a tia ni berita iai nakon Aberaam, Itaaka, ao Iakob'a.”

Neemia 9:15

Ngkana a baki, ao Ko kanakoa te kariki mai karawa, ao ngkana a taka, ao Ko katiinakoa te ran man te b'a. Ao i mwiina, Ko tuangiia b'a a na taua te aba are Ko a tia ni karaoa am berita ae e matoa iai.

Te Otinako 13:5

E berita ngkoa te UEA nakoia ami bakatibu b'a E na anganingkami abaia kaain Eta, kaain Amora, kaain Iwa, ao kaain Iebuti.

Te Otinako 3:17

ao I berita b'a N na kairiia ni kaotinakoia man aia kangaanga. N na anganiia te aba ae e m'aiti iai te miriki ao ana karewe te manibeeru, ike a maeka iai ngkai kaain Kanaan, kanoan Eta, kaain Amora, kaain Berita, kaain Iwa, ao kaain Iebuti.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Ieremia 11:5

Ao i mwiina, I karaoa te b'ai are I a tia ni berita iai ao I anganiia te aba ae moan te tamaroa, ae ngaia ae kam a maeka i aona ngkai. Ao I kaeka ni kaangai, “Eng te UEA. E boni koaua anne.”

Etekiera 20:15

I aki karaoa anne ma I a tuangiia n te rereua b'a N na kairiia nakon te aba ae e tamaroa, te aba ae e maiu reirei are I a tia ni berita iai nako ia.

Etekiera 20:6

I tuea b'a N na kamaiuia mai Aikubita ma ni kairiia nakon te aba are I a kaman rineia. E mari te aba n te miriki ao ana karewe te manibeeru ao bon te aba ae te kabanea n tamaroa.

Warekaia Iteraera 14:16

A kaman ataia kaain Kanaan b'a bon Am aomata ngaira, ao ti aki toki n itaramata ma Ngkoe. A tia naba n ongo arom ni kairiira n te nang ae matenten n te ngaina, ao te ai n te tairiki. Ma ngkana Ko tiringiira, ao ane a na taku b'a e aki tau korakorani m'aakam ni kairiira nako Kanaan n aron Am berita.”

Warekaia Iteraera 14:30

ae na rin n te aba are I a tia ni berita iai b'a N na anganingkami b'a abami ni koaua; a na ti rin iai Kareb'a ma Iotua.

Te Tua-Kaua 1:35

“Kam rangi ni buakaka ngkami kaain te roro aei, ao I bon aki kariaia b'a kam na rin n te aba ae e raoiroi are I berita iai nakoia ami bakatibu.

Te Tua-Kaua 1:8

I anganingkami ngkai te aba aei n aron are I a tia ni berita iai nakoia ami bakatibu ake Aberaam, Itaaka, ao Iakob'a. Kam na nako ngkai n taua te aba.’ ”

Te Tua-Kaua 6:10

E berita te UEA nakoia ami bakatibu ake Aberaam, Itaaka, ao Iakob'a b'a E na anganingkami te aba aei. Ngkai, E na karokoingkami ikekei ma n anganingkami ami kaawa aika buubura, ma taian kateitei iai aika tamaroa aika kam aki karaoi,

Te Tua-Kaua 6:18

ao maiuakina te maiu are E tangiria. Ao kam na kona iai n rin n te aba ma n anaia mairouia ami kairiribai, n aron are E a tia ni berita iai nakoia ami bakatibu.

Te Tua-Kaua 6:23

E kainaomataira te UEA mai Aikubita b'a E aonga ni karokoira n te aba aei, n aron are E a tia ni berita iai nakoia ara bakatibu.

Te Tua-Kaua 7:13

E na tangiringkami te UEA ma ni kakab'aiaingkami n anganingkami natimi, kanami, ami wain, ao b'aan te oriwa aika m'aiti. A na kariki buniia aika bati ami kao, ao ami nanai n tiibu ana karikiia tiibu teteei aikai bati naba.

Te Tua-Kaua 8:1

Kaain Iteraera, kam tangiria ni m'ananga nakon te aba are E a tia ni beritanna te UEA nakoia ami bakatibu? Kam tangiria n taua, b'a abami ma ni maeka ikekei ma n riki b'a te botannaomata ae korakora? Ngkana ngaia anne, ao kam na kakoauaa raoi b'a kam na ongotaeka nakon taian tua ni kabane aika I anganingkami n te bong aei.

Iotua 1:6

Ko na korakora ao ko na ninikoria b'a ko na riki b'a aia tia kairiri aomata aikai ni karokoa te tai are a na tekateka raoi iai n te aba are I a tia ni berita b'a N na anganiia aia bakatibu.

Iotua 21:43

Ma ngaia are e anganiia aomatan Iteraera ni kabane abaia te UEA n aron are E a tia n taekinna n ana berita ae tabu nakoia aia bakatibu b'a E na anganiia. Ao a bon maekanna b'a ai bon abaia.