Ieremia 32:18 - Te B'aib'ara

¹⁸ Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.

Ieremia 32:18 Iomraidhean Croise

Karikani B'aai 49:24

Ma e bon tiku n ariraki ana kainikatebe ma ana kanoanikatebe. Ao a kakorakoraaki angan baina Ni m'aakan te Atua ae Moan te M'aaka, ae Atuan Iakob'a, Ae te Tia kawakin tiibu, ae te Tia kawakina Iteraera.

2.Uea 9:26

are ngai ma ngkoe are ti mena i akuun taman Ioram are Aaba, ao are E a kaangai naba te UEA nakon Aaba, ‘I noora kamatean Naabota ma natina m'aane ngkoananoa. Ao I berita nakoim b'a N na katuaaeko ni bon te tawaana naba aei.” Ma ngaia are, e tewenakoa rab'atan Ioram ikekei n aron are E a tia n tua te UEA.”

Neemia 1:5

Te UEA ae Atuan karawa, Ko kakannato ao Ko maakaki. Ao Ko bon kaakakoroa bukin am berita nakoia aomata ni kabane akana a tangiriko ma n ongotaeka n am babaaire.

Taian Areru 50:1

E taetae Teuare M'aaka, ae te Atua ae te UEA; E weteia aomata nako i aonnaba mai tabona nako tabona.

Taian Areru 89:9

Ko taua aroni marawa; Ko katoki korakoran naona.

Te Otinako 34:6

Ao i mwiina, e ri matan Moote ao e weewete ni kaangai, “Bon te UEA Ngai ae te Atua. I nanoanga ao I taotaonaki n nano nakoia au aomata. I kaota nakoim te tangira ae e korakora, ao te kakaonimaki.

Te Otinako 34:7

I kakaawakina au berita nakoia au aomata n aki toki, ma I katuaaia aomata nako aika a bure. Ngkana a bure aomata, I katuaaia ma natiia, ao tibuia naba ma tibutoruia, ao tibutarataraia.”

Itaia 10:21

A na rangi n rawata aomata kaanga m'aitin taian tano i mataniwiin taari, ma a na bon ti tabeman aika a na tiku ni maiu ma n okira Atuaia Iteraera ae e m'aaka.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 10:6

Ara UEA, ae E korakora ma ni m'aaka bon ti Ngkoe te Atua.

Ieremia 20:11

Ma bon te tautia ae e korakora Ngkoe te UEA, ae ko tei i rarikiu. Ane a na b'aka taani kakiriwe aikai ao a na mamaara a na rangi ni b'arananoia, ao e na akea tokin mamaaia.

Ieremia 31:35

Bon te UEA Ngai ae Moan te M'aaka. I tuanga taai b'a e na anga te oota ni katoa bong, nam'akaina ao itoi b'a a na oota n te tairiki, ao naao b'a a na rurunga.

Ieremia 33:2

E taetae nako iu te UEA are e karaoa te aonnaba, are e karaoia ma ni katikua ni nnena. Boni Ngai are I aranaki b'a te UEA ao I kaangai,

Ieremia 50:34

Ma bon Ngai ae te UEA ae Moan te M'aaka, ae N na kamaiuia ma ni kaawakiniia. N na kakoroa te rau i aon abaia ao N na karokoa te kangaanga i aon ami b'ai.

Taniera 2:45

Ao ko noora naba te atiibu are e buubura are e b'aka i bon i rouna man te b'aa are e rietaata ni b'akara te bouananti are e karaoaki man te biti ma te buraonti, ma te tano, ma te tirewa, ao te koora. E tuangko ma te koaua te b'ai are ko miia, b'a te Atua are e korakora, E a tuangko iai te uea ae ko karineaki baika a na kaoti nakoni boong aika a na roko.”

Ab'akuka 1:12

Te UEA, bon te Atua Ngkoe mangkoa. Bon te Atua Ngkoe ae ko tabu ae akea tokim te UEA, Atuau, ao otangau. Ko a tia n rinea B'aburon ma ni kakorakoraa b'a tabonibaim n oroira.

Warekaia Iteraera 14:18

b'a Ko tangiria ni kaota te akoi ma te nanoanga. Ao Ko taku naba b'a Ko rangi n taotaonakinano, ma Ko bon katuaaia naba aika a tia n karaoa te m'akuri ae bure, tiaki ti ngaia ma Ko katuaaia naba natiia, ao natin natiia.

Mataio 27:25

Ao a bane ni kaeka aomata ni kangai, “E na mena i aora, ao i aoia ara kariki, te bukinaki i bukini matena!”

Ruka 6:38

B'aina te angaanga, b'a te Atua e na bon manga anganiko; ane e na kanoaaki rabin kunnikaimi ni kaonrakeaki. E na kaibeaki, e na ioioaki, ao e na taonako kanoana. B'a te baire are kam anga ao ane kam na manga anganaki.”

Te Tua-Kaua 10:17

E m'aaka riki te UEA ae Atuami nakoia atua ao uea tabeman, ao E na riai ni maakaki m'aakana are rangi ni korakora. A bane n eti n taai nako Ana babaire ni kabane, ao kam aki kona ni kamaraatona b'a E aonga ni bita Ana iango.

Te Tua-Kaua 7:21

Ma ngaia are, kam na aki maaku ngkana kam aitara ni buaka ma ngaiia. E korakora Atuami ao E kakamaaku, ao E na buaka i bukimi.