Ieremia 32:17 - Te B'aib'ara

¹⁷ Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

Ieremia 32:17 Iomraidhean Croise

Karikani B'aai 18:14

Iai te b'ai ae kangaanga iroun te UEA? N aron are I a tia n taekinna, ao ruaiwa te nam'akaina mangkai, ao N na manga okirikaaki, ao e na reke natin Nei Taara te mm'aane.”

2.Uea 19:15

Ao e tataro: Te UEA ae Atuan Iteraera, e mena am kaintokanuea i aoia b'aai aika a maiu aika iai baiia ni kiba. Ko karaoa karawa ma aonnaba, ao bon ti ngkoe ae Ko tautaekani abanuean te aonnaba aei.

2.Uea 3:18

Ti aki ti anne te b'ai ae e uarereke ae E na karaoia te UEA. E na boni buokingkami naba ni kataenikaia kaain ana taanga ni buaka Moaaba.

Neemia 9:6

Bon ti ngkoe te UEA, te Tia karaoa karawa ao taiani itoi ni kabane, te Tia karaoa te aonnaba ao ake a maeka i aona, te Tia karaoa marawa ao b'aai ake a maiu iai. Boni ngkoe boton te maiu, ae e neboaki irouia taian itoi aika a kaoni taiani karawa.

Iobi 42:2

I ataia te UEA b'a Ko bon rangi ni m'aaka n te aro are Ko boni karaoi b'aai ni kabane ake Ko tangiri ni kan karaoi.

Taian Areru 102:25

Ko kawenea aan aonnaba ngkoangkoa, ao Ko karaoa karawa ni baim.

Taian Areru 136:12

E kairiia ni kaotinakoia ni m'akana ae korakora; b'a akea tokin ana tangira.

Te Otinako 20:11

I karaoa aonnaba, karawa, taari, ao b'aai ni kabane ake i nanoia Ngai ae te UEA i nanon onobong. Ao bon anne bukina Ngai ae te UEA are I karaoa te Taabati ma n tabuia.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 45:12

I karika te aonnaba ao I kaonna irouia aomata; I arora nako karawa ao I kaonna n taian itoi.

Itaia 59:1

E tuai ni bua korakoran m'aakan te UEA; E boni konaa naba n ongo ao ni kaekai taiani tataro.

Ieremia 1:6

Ao I kaeka ni kaangai, “I babanga n taetae, te UEA ao I rangi ni uarereke.”

Ieremia 14:13

Ao I kaeka ni kaangai, “A teimatoa burabeti ake tekorakina n tuangiia aomata b'a ko na bon aki karokoa te baki ke te buaka, ma Ko na anganiira te raoi.”

Ieremia 21:2

“E a tia uean B'aburon are Nebukaneta i B'aburon ao ni buakana Iuta. I butiiko b'a ko na butiia te UEA b'a e na karaoa te kakai i bukiia ara aomata, n aron are e karaoia naba ngkoa rimoa, b'a e aonga n nako ni kiitaniira Nebukaneta.”

Ieremia 27:5

ae I karika te aonnaba ni m'aakau, ma aomatana, ao maan ni kabane. I baaireia b'a antai ae e na tautaekana te aonnaba,

Ieremia 32:27

Ieremia, Bon te UEA Ngai ae te Atua, ao I bon konaa ni karaoi b'aai ni kabane!

Ieremia 33:3

“Weteai ao N na kaekako; N na tuangko b'aai aika a kamimii aika a tamaroa aika ko tuai man atai.

Ieremia 4:10

I taku, “Bon te UEA Ngkoe ae te Atua. Ko a tia n kam'aneia raoi kaain Ierutarem! Ko a tia n taekinna b'a e na roko te rau, ma e a roko te kabaang i roroaia?

Ieremia 51:15

E kamanenaa wanawanana te Atua ao m'aakana ni karika te aonnaba ao n taakin taiani karawa.

Ieremia 51:19

Bon te UEA ae Atuaia Iteraera, ae Moan te M'aaka. E karaoi b'aai ni kabane, ao E rinea Iteraera b'a oin ana b'ai.

Etekiera 11:13

I m'aain banen au taeka, ao a b'aka ni mate Beratia. I bobaraaki n takaarua n tang ni kaangai, “Taiaoka te UEA ae te Atua, ko na aki tiringiia aika taian nikira i Iteraera.”

Etekiera 9:8

Ao I tiku n ti ngai, ma ngaia are, I boobaraaki ao I tang nakon te UEA ni kaangai, “E aera ngkai Ko karaoa aei? E a bon rangi ni maraki nanom irouia kaain Ierutarem n te aro are a nang bane n tiringaki?”

Taniera 2:22

E kaoti b'aai aika a nano ao aika a raba; E atai baika a raba n te rotongitong, ao E otab'aniniaki n te ota.

Taniera 6:20

Ao ngke e roko ikekei, ao e weewete n te b'anaa ni kananoanga ao e kaangai, “Taniera ae ana toro te Atua ae e maiu! E kona ni kamaiuko te Atua ane ko toro i rouna ma te kakaonimaki mairouia raian?”

Tekaria 12:1

Aio te rongorongo mairoun te UEA i bukin Iteraera: Bon te UEA Ngai! I arora nako taiani karawa; I kaaki te aonnaba i aon aana ao I anga te ikeike ni maiu nakoia aomata.

Tekaria 8:6

E na taraa ni kangaanga aei irouia au aomata aika a tiku, ma e a aki kangaanga irou, Ngai ae te UEA ae Moan te M'aaka.

Warekaia Iteraera 11:23

Ao E taku te UEA, “I kona ni karaoi b'aai ni kabane! Ko na nooria b'a a na koro bukin Au taeka ni kabane.”

Mataio 19:26

Ao E tarataraia Iesu ao E taku nako ia, “A aki kona ni kamaiuia aomata i bon i rouia, ma a konaki b'aai nako iroun te Atua.”

Mareko 10:27

E taraia Iesu ao E taku, “E aki konaki aei irouia aomata, ma E konaki iroun te Atua: b'a a konaki b'aai nako iroun te Atua.”

Ruka 1:37

B'a akea te b'ai teuana ae na aki konaki ni karaoaki iroun te Atua.”

Ruka 18:27

Ao Ngaia E taku, “Te b'ai ae e aki konaki irouia aomata, ao e boni konaki iroun te Atua.”

M'akuri 14:15

ni kaangai, “Mm'aane, Kam aera ngkai kam karaoi baikai? Bon aomata naba ngaira aika ai aromi! Ao ti tuangngkami te rongorongo ae e raoiroi, b'a kam na rairaki mani baika akea bonganaia nakon te Atua are maiu, are karaoa karawa ma aonnaba, ma marawa, ma b'aai ni kabane ake a mena i nanoia.

M'akuri 15:18

Aei ana taeka te UEA, ae kaoti baikai ma ngkoangkoa.”

M'akuri 17:24

Te Atua, are karaoa aonnaba ma b'aai ni kabane aika i nanona, bon Ueani karawa ma aon te aba, ao E aki maeka n taabo n taromauri aika karaoaki ni baiia aomata.

Te Kaotioti 4:11

“Ara Uea ao Atuara, Ko bon riai n anganaki te neboaki ma te karineaki ma te m'aaka. B'a Ko kariki b'aai ni kabane, ao a riki i bukin nanom, ao a karikaki iai.”