Ieremia 32:10 - Te B'aib'ara

¹⁰ I tiainaia ao I kanikinaea mwiin te m'akuri, ao I anga b'a e na kakoauaaki, ao I katinea rawaawatan te m'ane i aon taiani kainikatine.

Ieremia 32:10 Iomraidhean Croise

Karikani B'aai 23:16

Ao e kariaia Aberaam, ao e anga i mataia aomata akekei te m'aiti are e a tia n taekinna Ebiron i mataia kaain Eta naba akekei are abubua te m'akoro n tirewa n aron te baaire are e b'ainaki irouia taani bitineti.

Karikani B'aai 23:20

Ma ngaia are, te katawanang are a b'ainna ngkoa kaain Eta ma te b'anga ni matang are iai, e a riki ngkai b'a ai ana tabo n taunimate Aberaam.

Iobi 14:17

A na bane ni kainaki tibanakou ni kabane, ao ni m'aninga au kaairua ni kabane.

Ana Anene Toromon 8:6

Ko na tai m'am'aninga taekau ao kanim'a te burenibai i baim b'a ko aonga n ururingai. E korakora riki uram'aakan te tangira nakoni m'aakan te mate, ao e korakora riki nakon te ruanimate.

Itaia 30:8

E tuangai te UEA b'a N na korea te rongorongo i bukiia ana Aomata aei, b'a e aonga ni meemena ikekei n aki tootoki.

Itaia 44:5

A na taromauriai ao a na riki b'a au aomata. Ane a na korea arau i akuun baiia.

Ieremia 32:12

ao I angan B'aruka are natin Neria te mm'aane are tibun Maateia, ao I anga ngaia nakoina i matan Anamera ma taani kakoaua ake a tia n tiainaa kaboakina, ao ai aomata ake tekateka ni mamataku mai nanon te katawanang.

Ieremia 32:25

Ma ngaia are, Ko aera ngkai Ko tuangai b'a N na karekeia taani kakoaua ma ni kabooa te tawaana n au tirewa, ao ngaia bon i aon kawaina n tauaki irouia kaain B'aburon?

Ieremia 32:44

Ma a na roko boong, are a na kabanei iai aia tirewa aomata ni kabooi iai tawaana n taabo nako—i abaia kaain Beniamin, n te aono are i rarikin Ierutarem ao kaawan nako Iuta, ao n te aba are e tabukibuki, ao n aaba ake a rinano ake i maeao, ao n Rereua ake i Maiaki. A na riki taani kaboob'ai ma taani kaboonako b'aai ao taani kakoaua b'a ngaia aika a na tiainaa ao ni kanikinaea te beeb'a i bukin kaboonakoan te tawaana, i bukina ngkai N nang kaoka te aba aei nako ia Au aomata. Bon aei Au taeka Ngai ae te UEA.

Taniera 8:26

Ao e na boni koro bukin te kaotioti are e a tia ni kab'araaki nakoim are i bukin te tairiki ao te moaningabong. Ma ko na aki kakaotia ngkai, i bukina b'a e na bon kiriaria te tai are e na koro bukina iai.

Mataio 27:66

Ao a nako, ao a kamatoa te nne ni mate arei, ao a kaki te kanikina i aona ni kaotia iai b'a akea ae na kam'akura te atibu; ao a katikuia tautia ikekei b'a a na tantani i rarikin te nne ni mate.

Ioane 3:33

Ane butim'aea ana rongorongo ao e kaotia ae e kakoaua b'a E koaua te Atua.

Ioane 6:27

Kam na aki m'akuri ni karekea te am'arake ae kai buakaka, ma kam na uaiakina reken te am'arake ae teimatoa, ae te am'arake i bukin te maiu are aki toki.”

2.I-Korinto 1:22

are E kanikinaira b'a ana b'ai, ao E anganira te Tamnei i nanora b'a te kakoaua i bukini baika kawakinaki i bukira.

I-Ebeto 1:13

Ao ngkami naba, ngke kam ongo taekan te koaua, are te euangkerio are b'aini kamaiuami, ao kam onimakinna naba; ao kam anganaki te Tamnei are Raoiroi b'a kanikinaean ae ana b'ai te Atua ngkami, te Tamnei aei are atongaki n te taeka n akoi.

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

Te Tua-Kaua 32:34

Ma E a tia te UEA ni koroi mwiin aia bure ma ni kainna n Ana ru ni kaawakinib'ai.

Iotua 18:9

Ma ngaia are a nako m'aane akekei n taraa aonteaba arei ni kabuta, ao n tib'aia nakon itiua te m'akoro. Ao a taui naba m'aitin kaawana ni kabane. Ao i mwiina a okira Iotua n te maeka i Tiro.

Te Kaotioti 7:2

Ao I nora te anera temanna b'a e rierake man te tabo are e kaoti taai mai iai, ao iai i rouna te b'ai ni kanikina, ae ana b'ai te Atua ae maiu; ao e taetae n te b'anaa ae korakora nakoia anera ake aman ake a anganaki te kona ni b'ainikirina aonnaba ma karawa.

Te Kaotioti 9:4

A tuangaki b'a a na aki urua uteuten aon te aba, ma te kai nako ae e mawaawa baana, ma aroka; ma a na ti kamarakiia aomata akana akea i aon ram'aia ana kanikina te Atua.

Ruuta 4:1

Ao e nako Boaati nakon te tabo ni kabowi ni mataroan te kaawa, ao e tekateka iai. Ao e ri rarikina teuare e taekinna ngkoa b'a te kabanea ni kaan ni koraki nakon Erimereka, ao e taku Boaati nakoina, “Raou, nakomai tekateka ikai.” Ma ngaia are, e roko teuarei, ao e tekateka.