Ieremia 30:9 - Te B'aib'ara

⁹ Ao i mwiina, kam na riki b'a au tia m'akuri, ao N na rinea te uea maibuakomi man ana utu Tawita.

Ieremia 30:9 Iomraidhean Croise

Taian Areru 89:49

Te Uea, tera ae Ko kona ni karaoia b'a kaotan ae Ko tangirira n ai aron are Ko tataneiai iai, Ao kaotan ae Ko kakawakin am Taeka n akoi ake a tia ni b'aka nakon Tawita?

Ieremia 23:5

N te bong teuana N na rinea te uea ae e raoiroi man ana utu Tawita, te uea ae e na wanawana ao e na tautaeka ma te eti.

Ieremia 29:11

N na kakab'aiaingkami ni boong aika a na roko aika a on te kaantaninga; boong n tokanikai, tiaki boong ni karawaawata.

Ieremia 30:21

E na riki b'a ami tia tautaeka temanna mai buakoia oin ami aomata. Ao ngkana I kaoa b'a e na roko ni kaaniai n te tabo n taromauri, e na bon karaoa anne. Bon akea ae konaa n roko ni kaaniai ngkana e aki kaoaki.

Ieremia 33:15

I berita b'a e na roko te bong anne ngkana I rinea te uea man ana utu Tawita, ae te uea ae e na karaoa ae e raoiroi ao e na tautaeka ma te eti.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Mataio 2:2

“E nga Teuare bungiaki b'a aia Uea I-Iutaia? B'a ti nora itoina i mainiku, ao ti a roko b'a ti na taromauriia.”

Ruka 1:69

Ao E katauraoa te tia Kamaiu ae m'aaka i bukira, ae kaain ana utu Tawita are ana toro.

M'akuri 13:23

Ao mairouia ana kariki teuaei, ao E a tia te Atua ni karekea te Tia Kamaiu mai buakoia, are Iesu, n ai aron ana taeka n akoi.

M'akuri 13:34

Ao aei ana taeka te Atua i bukini manga kamaiuana man te mate, n aki manga okira te mka: N na anganingkami te kab'aia are kab'aian Tawita, ae te kab'aia ae koaua ae itiaki.

M'akuri 2:30

Bon te burabeti ngaia, ao e ata ana taeka ni bau te Atua nakoina: E kaotia iai b'a E na karika temanna i buakoia ana kariki Tawita b'a te uea ngaia, n ai aron Tawita.