Ieremia 30:3 - Te B'aib'ara

³ N te bong teuana ao a na oki Au aomata aika uakoraki aika Iteraera ma Iuta nakon abaia are I anganiia aia bakatibu.”

Ieremia 30:3 Iomraidhean Croise

Etira 3:1

I nanon te kaitiua n nam'akaina n te ririki, ao a m'ananga nako Ierutarem Iteraera ake a tia n tekateka n aia kaawa nako.

Etira 3:12

Ao a tang n takaarua ibonga ake a kara, ao kanoan Rewi, ao atuun taian utu nako i bukina ngke a uringa taraan ngkoa te moan Tembora n ririki ake ngkoa. Ma a rangi ni kukurei tekorakina n te aro are a bukamarua te bootaki ma b'anaaia aika a bane takaaruaia.

Etira 3:8

I nanon te kauoua n nam'akaina n te kauoua n ririki i mwiin okiia aomata mai B'aburon, ao a moana manga karaoan ana Tembora te UEA. A moana m'akuriia Terub'abera are natin Tearetiera te m'aane, Iotua are natin Tatoka te m'aane, ibonga, kanoan Rewi, ao aomata ni kabane ake a oki. Ni kabane kanoan Rewi ake a raka aia ririki ni maiu i aon uabwi, a anganaki tib'angaia tararuakin tabeua m'akoron te m'akuri.

Taian Areru 126:4

Te UEA, Ko na manga kaoka kab'aiara nakoira, n ai aron te raanga n ran te rereua are i maiaki.

Taian Areru 53:6

E bia reke maiuia Iteraera mai Tion! Ai kukurei ra Iteraera ngkana E a manga kakab'aiaki iroun te Atua! Ana kim'areirei ana utu Iakob'a ao ana kukurei Iteraera.

Ieremia 16:15

Ma n onea mwiin anne, kam na aranai b'a te Atua ae E Maiu are e kamaiungkami mai meang ao man aaba tabeua ake I kairoroingkami iai b'a kam na nako. N te bong teuana N na manga kaokingkami nakon te aba aei are I anganiia ami bakatibu.

Ieremia 23:5

N te bong teuana N na rinea te uea ae e raoiroi man ana utu Tawita, te uea ae e na wanawana ao e na tautaeka ma te eti.

Ieremia 27:11

Ma ngkana kam kukurei n ongotaeka ngkoe ma am botannaomata nakon Nebukaneta, ao N na kariaia b'a kam na tiku i abami, ao a na teimatoa ni maiu ami aomata ma ni m'akuri n aia oonaroka nako.

Ieremia 27:22

A na uotaki nako B'aburon ao a na tiku ikekei ni karokoa te tai are N na manga m'annanoia iai. Ao i mwiina, N na uoti rikaaki ma ni kaokiia nakon te tabo aei. Bon aei Au taeka Ngai ae te UEA.

Ieremia 29:10

I mwiin rikin B'aburon b'a te kabanea ni korakora ni botannaomata i nanon itibwi te ririki, ao N na manga akoingkami ma ni kaokingkami nako Ierutarem.

Ieremia 29:14

ao N na kariaia ami taromauri. Ao i mwiina, N na bootingkami mairouia botannaomata nako ake I kamaaenakoingkami nako buakoia ngkoa, ao kam na manga okira Ierutarem.

Ieremia 3:18

Ao i mwiina, n aaba aika i meang, ngkami aika kaain Iuta ao Iteraera kam na manga ikotaki, ao kam na oki nakon te aba are I anganiia ami bakatibu.

Ieremia 30:10

Iteraera, bon au aomata ngkami, ma ngaia ae kam na aki maaku. Iteraera, kam na aki nim'atoaua. N na kamaiungkami man te aba are e raroa nako, man te aba are kam kataenikaiaki ngkoa iai kam na oki nakon mwengami ao kam na maiu ma te rau; Ane kam na mano raoi, ao akea ae e na konaa ni kakamaakuingkami.

Ieremia 30:18

E taku te UEA: Kaain Iteraera, N na akoingkami ma ni kanakoingkami nakoni mwengami. E a wene n uruaki ngkai Iteraera, ma kam na manga kateia, ni katiaa ma te bareti ae e boou.

Ieremia 30:4

E taku te UEA nako ia Iteraera ma Iuta:

Ieremia 31:16

Katoka tangim ao kaoi rannimatam. A na bane ni kabooaki mwiin b'aai ni kabane ake ko a tia ni karaoi i bukiia natim; ane a na oki man abaia kairiribai.

Ieremia 31:23

E taku te UEA ae Moan te M'aaka ae Atuaia Iteraera: I berita b'a N na kainaomataia kaain Iuta ma ni kairiia rikaaki nakon aia kaawa ni koaua. Ao ngkana I karaoa aei, a na manga taetae riki ni kaangai, “Ti tataro b'a E na kakab'aia mwengana te UEA, te maunga ae e tabu i Ierutarem ike e tei iai ana Tembora.”

Ieremia 31:27

N te bong teuana, a na riki Iteraera ma Iuta b'a Au tawaana ike a na rikirake iai Au aomata ma Au man.

Ieremia 31:31

E taku te UEA: E na roko te tai are N na karaoa iai te boraraoi ma Iteraera ao Iuta.

Ieremia 31:38

E taku te UEA: N te bong teuana, e na manga riki b'a Au b'ai Ierutarem. E na manga kateaki ma tiana ake a biri man te Taua are Ananera nakon te Mataroa are Koona.

Ieremia 32:37

E maraki nanou irouia kaain Ierutarem, ao N na kamaae nako ia nakon abaia ianena. Ma N na manga kaokiia n te bong teuana nako ikai ma ni kamaiuraoia.

Ieremia 32:44

Ma a na roko boong, are a na kabanei iai aia tirewa aomata ni kabooi iai tawaana n taabo nako—i abaia kaain Beniamin, n te aono are i rarikin Ierutarem ao kaawan nako Iuta, ao n te aba are e tabukibuki, ao n aaba ake a rinano ake i maeao, ao n Rereua ake i Maiaki. A na riki taani kaboob'ai ma taani kaboonako b'aai ao taani kakoaua b'a ngaia aika a na tiainaa ao ni kanikinaea te beeb'a i bukin kaboonakoan te tawaana, i bukina ngkai N nang kaoka te aba aei nako ia Au aomata. Bon aei Au taeka Ngai ae te UEA.

Ieremia 33:26

Ao N na bon karaoa naba aron anne; b'a N na aki katinanikuia naba ana kariki nako Aberaam, Itaaka, ao Iakob'a ke n urua Au berita are a na teimatoa n riki ana kariki Tawita b'a aia Uea. N na akoia Au aomata aika Iteraera, ao a na manga okira aroia n teetekeraoi.

Ieremia 51:60

I m'aain nako ia, I koreia i aon te niira ni boki b'aai ni kabane aika a kakamaaku ake a na riki nakon B'aburon.

Etekiera 20:42

ao kam na ataia b'a bon te UEA Ngai are I kaokingkami nako Iteraera, te aba are I berita iai nakoia ami bakatibu.

Etekiera 34:13

ma ni kaokiia man aia botannaomata ianena ake a maeka iai. N na riki b'a aia tia kawakin tiibu ao N na kaam'arakeia i aon aia maunga nako Iteraera ao i nanon taiani m'arua ao taawana aika a maiu reirei.

Etekiera 36:24

N anaingkami man aia botannaomata nako ianena ma ni bootingkami ma ni kaokingkami nakon mwengami.

Etekiera 47:14

Ko na tib'aa raoi te aba, i bukina b'a I berita ngkoa nakoia ami bakatibu b'a n te bong teuana ao e na riki te aba aei b'a aia b'ai aia kariki. Aikai tian te aba.

Ioera 3:1

N te tai anne, N na manga kaoka marin Iuta ma Iteraera ngai ae te UEA.

Teb'ania 2:7

Aomatan Iuta ake nikira ni maiu a na maekana te aba. Ana kam'arakeia aia nanai ikekei ao ana matu n autin Atikeron. Te UEA ae te Atua E na memena irouia ao E na manga kaoki kab'aiaia.

Teb'ania 3:20

E a roko te tai! N na kaokiia ake a maaenako nakon mwengaia. E na tanoata kakannatom n te aonnaba ao N na manga kaoka kab'aiam,” Bon ana taeka te UEA.

Ruka 17:22

Ao E taku nakoia ana reirei: Ane a na roko boong are kam na kan nora iai ana bong Natin te Atua, e aoria ngkana ti te bongina, ma ane kam na aki noria.

Ruka 19:43

B'a ane a na roko i roum boong ake a na karaoa iai te o am kairiribai man tanon rarikim ae a katabukirakea ni katobibiko, ao ane a na otab'aniniiko, ni buakaniko mai rarikim nako.

Ruka 21:6

“Ni kaeti ma b'aai aika kam noori aikai, ane a na roko boong are e na aki noraki n tiku ikai te atibu teuana i aon teuana. A na bane ni kab'akaki i aontano.”

Te Tua-Kaua 30:3

Ao i mwiina, E na katoka katuaaeakimi ao E na manga akoingkami. Ngkana tao E a tia ni kamaenakoingkami nakon aaba ake i tabon aonnaba, ao E na manga kaokingkami

Te Tua-Kaua 30:5

nakon te aba are aia b'ai ngkoa ami bakatibu, ao ma ni karaoingkami b'a kam na tetekeraoi riki ma ni korakora riki nakoia.

Ebera 8:8

B'a E kabuakakaia ana aomata te Atua, ngke E kangai, “Noria, a na roko boong, aika N na karaoa iai te boraraoi ae boou ma te botannaomata ae Iteraera ao te botannaomata ae Iuta.