Ieremia 30:19 - Te B'aib'ara

¹⁹ A na karineingkami ma n neboingkami botannaomata ake tabeua. A na kaonaki mwengami irouia ataei, ao kam na bukamaru, ma n anene n neboai.

Ieremia 30:19 Iomraidhean Croise

Etira 6:22

A kauringa te Toa are te Kariki ae Aki Karikaki i nanon itiua te bong. A bane ni kukurei aomata i bukina ngke e a tia te UEA ae Atuaia aomatan Iteraera ni kabobongaa raoi nanon uean Aturia b'a e boni karaoa te m'akuri n akoi ma ni buokiia ni karaoa te Tembora.

Neemia 8:12

Ao ngke a oki aomata nakon mwengaia, ao a kukurei n am'arake ao n tib'ai kanaia ma raoia aika a tangira buokaia, i bukina ngke a ataa nanon te b'ai are e a tia ni warekaki nakoia.

Neemia 8:17

A bane ni karaoi katanaia aomata ni kabane ake a oki mai B'aburon. A maeka iai ma ni kukurei ni kauringa aia moan tai ni karaoa te Toa ae M'anganikaai mai i mwiin ana bong Iotua are natin Nun te m'aane.

Taian Areru 53:6

E bia reke maiuia Iteraera mai Tion! Ai kukurei ra Iteraera ngkana E a manga kakab'aiaki iroun te Atua! Ana kim'areirei ana utu Iakob'a ao ana kukurei Iteraera.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 26:15

E a tia n rikirake ara botannaomata i bukim, te UEA ae te Atua. A m'aiti riki abara nakon ake mai m'aaina, ao ko karineaki.

Itaia 27:6

N te bong teuana ao ane e na nene wakaaia aomatan Iteraera kaanga te kureebe. Ane a na uee ma ni kariki uaa aika a na kaona te aonnaba.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 51:11

A nang oki ngkai nako Ierutarem koraki ngkoa ake ko a tia ni kamaiuia, a na anene i aoni kawaia. A na katokaaki aia baunuea ma te kukurei ae moan te korakora, ao a na aki manga karawaawataaki n te nanokaawaki ao te rawaawata n nano.

Itaia 51:3

E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Itaia 52:9

Ierutarem, teirake mai buakon uruakim! ira buakon te anene. E a tia te UEA n anga te rau nakoia ana Aomata; E roko b'a e na kamaiu.

Itaia 55:5

Ko na weewete nakoia botannaomata nako aika a tuai ni kinaaki. Ao ko tuai naba ni kinaia, ma ane a na biribiri n roko i bukina ngke bon te UEA Ngai, ae Atuaia Iteraera ae e tabu, ao I a tia ni karineko.

Itaia 60:19

Kam na aki kainanoa ootan taai ke nam'akaina. N na riki Ngai ae te UEA ae Atuami b'a ami oota n aki toki ao te tia karekea te karineaki.

Itaia 60:22

E na riki naba b'a te botannaomata ae e korakora te utu ae te kabanea ni uarereke. Bon te UEA Ngai, ao N na kawaekoaai ni karaoa aei ngkana e roko te tai.

Itaia 60:9

A tataningaai Ngai ae te UEA ami aomata n abam'akoro aika a raroa nako. A kaira te kawai kaibuke ni m'am'ananga i bukin kaokaia nakon aia auti ma aia tirewa ao aia koora. Boni Ngai ae te UEA ae I karaoa aei i bukin karineaia ami aomata, b'a aonga ni karineai.

Ieremia 17:26

ao tekorakina a na roko ikai man kaawa aika a uarereke ake i rarikina nako, man kaawan nako Iuta ao Beniamin, man te aba are tabukibuki ao aaba ake a rinano ake i maeao, ao man Rereuan Maiaki. Ane a na uoti taian karea b'a kakukureiau ao i bukin kaaitauau, ao ai uana naba ma taian angab'ai ake te uita ao te b'ai ni kaboiarara.

Ieremia 3:16

E na riki rake m'aitimi, ao e na akea manenan uringakin te Atiniberita ke ni manga karaoa ae e boou.

Ieremia 31:27

N te bong teuana, a na riki Iteraera ma Iuta b'a Au tawaana ike a na rikirake iai Au aomata ma Au man.

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Ieremia 33:22

ao a na kam'aitaki riki ana kariki Tawita ao aia kariki ibonga ake kanoan Rewi nakon taiani itoi i karawa ke tanon te bike.

Etekiera 36:37

N na manga kaeka riki ami tataro nako, ao N na karikirakea ami botannaomata kaanga te nanai n tiibu ae e korakora.

Etekiera 37:10

I mwiin taekinan arei, ao e a uki naba te ang nakon taian rab'ata akekei, ao a manga maiu! A bane n teirake, ao e bon m'aiti aia koraki n te aro are a konaa ni katea te taanga ni buaka ae e korakora.

Etekiera 37:26

I berita raoi b'a N na kakab'aiaia Iteraera n te rau ae akea tokina. N na kakawakiniia ma ni karikiia b'a te botannaomata ae e korakora. E na tei au Tembora i aon Iteraera n taai nako,

Tekaria 10:8

N na anga te kanikina nakoia b'a a na roko n ikotaki i bukina ngkai I a tia ni kamaiuia. Ao a na m'aiti aia koraki nakon are mai m'aaina.

Tekaria 12:8

N na kaawakina Ierutarem Ngai ae te Atua. E na bon korakora naba te aomata ae te kabanea ni mamaara ikekei n ai aron Tawita, ao e na tautaeka abanuean Tawita b'a kaanga bon Au anera ae e riki b'a ana tia kairiiri.

Tekaria 2:4

ao e taku, “Kawaekoako! Tuanga te m'aane anne ane e tautaua te koranibaaire b'a akea tian Ierutarem. E na rangi n onrake irouia aomata ma maan e ngae naba ngkana iai oona.

Tekaria 8:19

Kaain Iuta, I tangiria Ngai ae te UEA b'a ngkana kam aki mamatam are aron ami taromauri, ao kam na riai ni karaoia b'a te tai ni bootaki ni kukurei. E aoria ngkana te kaaua n nam'akaina, ke te kanimaua n nam'akaina, te kaitiua n nam'akaina ke te katebwina, ma kam na riai ni karaoa te toa ae e kakukurei. Ma ngaia are, kam na tangira te koaua ao maeka i nanon te rau.

Ioane 17:22

I angania te neboaki are Ko anganai, b'a a aonga n riki n teuana, n ai arora ngkai teuana Ngaira;

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,