Ieremia 30:16 - Te B'aib'ara

¹⁶ Ma ngkana a kataia ami kairiribai ni kimoaingkami ke ni uruana aromii, ao N na manga kimoaia ma n uruana aroia, ao a na uotaki nako b'a taian taenikai nakon abaia ianena.

Ieremia 30:16 Iomraidhean Croise

Taian Areru 129:5

I tataro b'a te koraki ake a ribaa te kaawa ae Tion ana bon kamamaaeaki man taumatoaaki n rairaki mani birinako

Te Otinako 23:22

N na riki b'a te kairiribai ae tiritiri nakoia ami kairiribai ngkana kam ongotaeka raoi nako ina.

Taeka n Rabakau 22:23

Bon te UEA te tia tei i bukiia, ao te b'ai are kam karaoia nakoia, e na manga karaoia nakoimi.

Itaia 14:2

A na kairaki nakon mwengaia irouia botannaomata ake tabeua, ao e na karikiia Iteraera b'a a na toro n te aba are aban te UEA.

Itaia 33:1

Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Itaia 54:15

N na aki manga kanakoa temanna b'a e na buakana am kaawa, ao ko na karikiia b'a am taenikai koraki akana a buakaniko.

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Ieremia 10:25

A rawa ara kairiribai n atongko b'a te Atua ke n taromauriiko. A a tia ni kamaunaia ara aomata ao a katuka ara botannaomata b'a te b'ai ae e wene n urubekebeke. Ma ngaia ae Ko na un irouia ao kakioia nako!

Ieremia 12:14

E taku te UEA, “Bon iai te b'ai ae N na taekinna nako ia raon Iteraera ake a tia ni kurib'aia te aba ake I a tia n anganiia Iteraera. I anga te aba aei nako ia au aomata, ma e a otab'aniniaki irouia kairiribai ma ni buakanaki ma ni kurib'aiaki. Ma ngaia ae, N na koutiia nako man abaia n aron naba ngkoa are I karaoia nako ia kaain Iuta mai abaia.

Ieremia 2:3

Bon ti ngkami au b'ai, kaanga moan m'akoron te tai, ao I rangi ni katuaaia koraki aika a karaoa ae e aki raoiroi nako imi.

Ieremia 25:12

Ngkana e a roko n tokina te tai anne, N na manga katuaaea te uea ma ana aomata i bukin taiani kairua ni kabane ake a tia ni karaoi, ao N na manga onika te aba nakon te aba ae akea manenana n aki toki.

Ieremia 30:15

Katoki ngurenguremi i bukin ikoakimi; bon akea b'ainaorakiami. N na katuaaingkami n aron aei i bukina ngke a m'aiti ami bure ao a rangi ni korakora ami buakaka.

Ieremia 50:28

A urua au Tembora ana taanga ni buaka B'aburon, ma N na irantaanga n te tai ae e aki maan. Ao i mwiina, a na taetaekinna i Tion taan rawei maiuia mai B'aburon.

Ieremia 8:16

A a tia ni roko ara kairiribai ni kaawan Taan ake i meang, ao ti a maaku n tangitangin ikeiken aia aoti. A na kamaunaa Ierutarem ma ara botannaomata ni kabane ara kairiribai. Bon akea temanna ae e na reke maiuna.”

B'aeb'aeti 1:21

“Ongora n au b'aeb'aeti; bon akea temanna ae na kabebeteai. A rangi ni kukurei au kairiribai ngkai Ko karokoa te kaanganga i aou. Karokoa te bong are Ko a tia ni berita iai; ao manga karokoa te kaangaanga i aoia au kairiribai n ai aron are e roko irou.

B'aeb'aeti 1:22

“Baairei taekaia i bukin aia m'akuri aika a buakaka; Katuuaia, n ai arom ngke Ko katuaaira naba i bukin ara bure. I tang ni korakai, ao e a aoraki nanou.”

Etekiera 29:6

Ao i mwiina, a na ataia kaain Aikubita ni kabane b'a bon te UEA Ngai. Ko rawa ngkoe ma am botannaomata ni buokiia Iteraera ao bon ti te bo ngkoe ma te m'akoro ni kai ae e m'aotoua.

Etekiera 35:5

Kaain Etom, kam aki ti riki b'a ana kairiribai Iteraera n te tai ae e maan, ma kam bon tarataraia naba ngkana a kamaunaaki nako aomatana n te kabuanib'ai i bukin aia bure nako.

Ioera 3:8

N na anga natim m'aane ma natim aine nakoia kaain Iuta, ao a na kabonakoia nakoia Tebean, aika a maeka i Kiraroa. Bon aei au taeka Ngai ae te UEA!

Mika 4:11

A bootaki botannaomata aika a m'aiti b'a a na buakaniko. A kaangai, “E na riai ni kamaunaaki Ierutarem! Ti na noora te kaawa b'a e na bon urubekebeke raoi.”

Mika 7:10

Ao a na boni b'aib'ainrang ara kairiribai ngkana a noora aei. E taetae ni kantiab'ai ngkoa te kairiribai ni kaangai, “E ngaa Te UEA ae Atuam?” Ti na ngareakiniia ngkana a konaaki, ma ni b'aka i aon te bokaboka i nanon kawain te kaawa.

Naum 1:8

E kamaunaia ana kairiribai n ai aron rokon te ieka. E kamateia ake a kakaitaraa.

Ab'akuka 2:16

E na manga okiriko te mamaa n onea mwin te karineaki. Ko na mooi man tatatata. E na kamoiko te UEA ni bon oin m'angkon oream, ao karineam e na onikaki nakon te b'ainrang.

Teb'ania 2:8

E taku te UEA ae E m'aaka, “I a tia n ongo aia taeka I-Moaba ma I-Ammon ngke a tataboraaia man kaenaenaia au aomata, ao a kamoamoa b'a a na anaa abaia.

Tekaria 1:14

Ma ngaia are, e tuangai te anera b'a N na katanoata: I rangi n kakaawakina Ierutarem Ngai ae te UEA ae Moan te M'aaka.

Tekaria 1:15

N taai aika a nako I un ma botannaomata, ma ngkai E a rangi ni maraki nanou b'a a tia ni karaoi riki b'aai aika a buakaka nakon are mai m'aaina i bukin Ierutarem ao bon akea teuana tabetaben nanoia iai.

Tekaria 12:2

I a tia ni iangoia b'a e na riki Ierutarem b'a te boora ni wain ae e na kamangingia botannaomata nako akana i rarikina. Ao ngkana e roko buakanakin Ierutarem, e na buakanaki naba Iuta.

Tekaria 14:2

Ma te moan b'ai ae e na karaoaki, E na karokoia moa botannaomata nako b'a a na buakana Ierutarem-a na iraeaki b'ain nako te mwenga, a na tauaki aine, ao a na katikitikaki iteran te botannaomata, e ngae ngke iai tabeman ake a na kariaiakaki n tiku.

Tekaria 2:12

Ao ane e na riki Iuta b'a m'akoron te aba are e tabu, ao Ierutarem e na manga riki b'a Ana kaawa ae rineaki.

Tekaria 2:8

Ao i mwiin anne, e tuangai te UEA ae Moan te M'aaka ae e mimitong b'a N na taetae ni kaangai nakoia botannaomata ake a tia ni kurib'aia ma ni kimoaa Tion: E tamaroa Tion iroun te UEA ae kaanga matana. Ngkana iai te b'ai ae kam karaoia nakon Tion kam na boni karaoia naba nakoina.

Te Tua-Kaua 30:7

Ao i mwiina. E na kanakoa te maraia te UEA ae Atuami mai i aomi ma ni manga kab'aka i aoia ami kairiribai aika riribaingkami ma ni buakaningkami.

Te Kaotioti 13:10

Ngkana iai ane katauaki b'a te taenikai, ao ke e nako b'a te taenikai; ao ngkana iai ane kamatea te aomata n te kabaang, ao e na kamateaki naba n te kabaang. Nanona ngkanne, b'a ake a itiaki a riai n teimatoa n aia onimaki.”

1.Tamuera 17:53

Ao ngke a oki Iteraera man kakioakiia kaain Biritia, ao a anai b'aai ake a tangiri man aia kaemb'a aia kairiribai.