Ieremia 30:14 - Te B'aib'ara

¹⁴ A bane ni m'aninga taekami raraomi; a aki manga tabe ma ngkami. I a tia ni buakaningkami kaanga te kairiribai; ao e rangi ni kamaraki katuaaeami i bukina ngkai a m'aiti ami bure ao a rangi ni korakora buakakami.

Ieremia 30:14 Iomraidhean Croise

Iobi 16:9

E raebitiai n unna, ao E ribaai; ao e kangengei wiina nako iu, ao e katokai matana au kairiribai nako iu.

Iobi 19:11

E un te Atua ao E rangin korakora unna nako iu; ao ni karikai b'a ana kairiribai ae moan te buakaka

Iobi 30:21

Ko karaoa te m'akuri ni iowawa, Ko kabanea korakoram ni b'ainikiriinai.

Taian Areru 107:17

A karawaawataaki tem'angina i bukin nanobabaia: B'a a bure ao a bubuaka aroia.

Itaia 57:13

Ko na bubutiia am bouannanti akanne b'a a na buokiko ngkana ko a reke n te kangaanga. Taratara raoi, e ti ukaki teutana n angin te wii ao e a ubaranako naba. Ma ngkana ko nako mai nako iu ni kamanoko irou, ao e na riki te aba aei ao au Maunga ae e Tabu aei b'a am b'ai n aki toki.

Ieremia 14:17

Ieremia, naako tuangiia aomata am namakin i aon te b'ai aei. Ma ngaia are, I tuangiia ni kaangai: “E na taonako rannimatau n te ngaina ma te bong, i bukina b'a a mate au botannaomata n te ikoaki ae e korakora.

Ieremia 2:36

Ngke a kab'akaingkami kaain Aturia, ao kam biri nako Aikubita, ma e aki reke buokami ikekei,

Ieremia 22:20

Kaain Ierutarem, a a tia ni kamanatuaaki botannaomata nako ake ko onimakiniia. Ko na nako Reb'anon n tang; taang n te aba are Batian ao i Moaba.

Ieremia 22:22

Ngkai ko nang kab'ainrangaki i bukin am bure nako. A na kamaunaaki nako am taan kairiiri n te ang, ao botannaomata ake ko onimakiniia a nang kataenikaiaki ma ni katikitikaki nako abaia ianena.

Ieremia 30:15

Katoki ngurenguremi i bukin ikoakimi; bon akea b'ainaorakiami. N na katuaaingkami n aron aei i bukina ngke a m'aiti ami bure ao a rangi ni korakora ami buakaka.

Ieremia 32:29

A a kaman buakana te kaawa kaain B'aburon, ao ane a na taua ma ni kaurarakea. E a tia ni kaunai kaain Ierutarem ngke a aki toki n tatam'arake nako taubukin aia auti ma ni kabuoka te b'ai ni kaboiarara nakon B'aara ao a anga te wain nako ia anti ake tabem'aang. Ao ngkai a nang kabuokaki auti aikai ni kab'akaaki!

Ieremia 32:30

N rongorongoia Iteraera ma kaain Iuta mai moana, a bon aki kakukureiai ao a kaunai n te b'ai are a tia karaoia.

Ieremia 32:34

A a tia ni katei taian bouananti i nanon au Tembora, ao ngkai e a aki tau i bukin taromauriau.

Ieremia 32:35

Ao a kairiia kaain Iuta nakon te bure ngke a manga karaoi taabo i bukin taromaurian B'aara n te M'arua are Innom, ike a karean iai natiia mm'aane ma natiia aine nakon Moreka. I bon tuai man tuangiia b'a a na karaoi buure aika a rangi n ribaaki aikai.

Ieremia 38:22

ao ane a na uotaki nako ainen am bareti b'a taenikai irouia ana mataniwi Nebukaneta. Ao ane a na kaangai aine aikai nakoim: A kairiko nako raoraom aika ko onimakiniia. Ao ngkai ko a m'ane n te bokaboka, ao a tia n rairaki ni kiitaniko raoraom ake ko onimakiniia.

Ieremia 4:30

Ierutarem, e a tia ni kamaunaaki abam Ma kam riki b'a kaanga ainen mataawa ao kam kataia ni manga kaokiia ami tangira, are a ribaingkami ngkai. Ko konaa ni karina te kunnikai ae e uraura, te b'ai ni katamaroa, ao karooroan te mata, ma ai bon akea manenaia A a oti nako am tangira b'a a na tiringko!

Ieremia 44:22

Ao ngkana E aki konai moan ami bure te UEA aika a ribaaki, ao E kamaraiaa te aba ao E onikia nakon te rereua, n aron ae e riki n te bong aei.

Ieremia 5:5

N na nako n taetae ma taan kairiiri. A na ataa te b'ai ae e tangiria te UEA.” Ma a bon rawa naba n ongotaeka i roun te UEA.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

Ieremia 50:42

A mena i nanoni baiia taiani kainikatebe ao kanoanikatebe ao taiani kabaang. A iowawa tautia ao akea aia nanoanga. A eeko rebwerebwen waeia aia aoti kaanga naoni marawa aika a rebwe i mataniwiin te bike. A tei n te rain ana taanga ni buaka n tataninga te buaka ao a roko b'a a na buakaningkami, kaain B'aburon!

Ieremia 6:23

A iowawa ana taanga ni buaka aika a toamau ni b'aai ni buaka ao bon akea aia nanoanga. Ti te bo tangitangin aia aoti ma rurungaan naon marawa ngkana a rebwe i aon te bike. A na buakaningkami te taanga ni buaka aei, ngkoe ae Ierutarem ae ko tangiraki.”

B'aeb'aeti 1:19

I weteia au itabon n tautaeka ma a rawa ni buokai. A mate taian ibonga ma taan kairiiri i nanon kawain nuukan te kaawa, i bukin kakaean kanaia are a na maiu iai.

B'aeb'aeti 1:2

E tangi ni korakai n te tairiki koraki, ma ranni matana i aon tabana. akea temanna i buakoia raoraona ae kona ni karaua nanona; Aaba ake a itabon ngkoa ma ngaia a manga riki b'a ana kairiribai.

B'aeb'aeti 2:1

E karokoa te rootongitong ae korakora te UEA i aon Tion i bukin unna. E onika mimitongina are b'aka mai karawa nakon te urubekebeke. E na bon aki rin naba n ana Tembora n te bong are E un iai.

Etekiera 23:22

E taku te UEA ae te Atua: Oorib'a, e ngae ngke ko a aki tangiria ni mena i rarikiia am tangira, ma a na bon katobibiiko kaanga kairiribai, ngkana I eekiko nako.

Etekiera 23:9

Ma ngaia are, I anga Nei Oora nakoia ana tangira ake kaain Aturia ake e rangi n baba n tangiriia.

Taniera 9:11

A bane n urua am Tua Iteraera, ao a rawa n ongo nakon te b'ai are Ko taekinna. Ti bure nakoim, ma ngaia ae Ko karokoa taian maraia i aora ake a koreaki n ana tua Moote are am toro.

Taniera 9:13

Ao ko anganiira taian rekenikai ake a kamatataaki n ana tua Moote. Ma e ngae n anne, ao ti bon tuai mani kakukureiko te Atua ae te UEA ni kitan ara bure, ke ni ira am koaua.

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Otea 2:5

E aki kakaonimaki tinam. E rangi ni b'ainrang ao e taku, “N na biri n rimwiia au tangira A bane n roko b'aai mairouia kanau ma nimau, kunnikaiu te riinen ao te burae n tiibu, au b'a n oriwa ao te wain.”

Otea 5:14

Ma ngaia are, N na riki b'a te raian ae e tiritiri ni buakana Iteraera ao Iuta. N na buribaiia ma n uota nako te b'ai ae I tangiria, ao bon akea temanna ae e konaa ni katokai.

Ob'aria 1:7

E a tia ni kam'aneko am itabon; a tia ni karekea te anga are ko na kitana iai abam. Aomata aika ko iraorao ma ngaia, bon ngaia aika a na ekinakoko. Raraom aika ko itabon am'arake ma ngaiia, bon ngaiia aika a na kam'aneko; A kakanikoko ao a kaangai, ‘E ngaa te baere rabakaum?’