Ieremia 3:6 - Te B'aib'ara

⁶ Ngke e uea Iotia ao E taku te UEA: Ieremia, te abanuea are Iteraera ma te ainenum'a ae e aki kakaonimaki are e a manga riki b'a te aine ae ainen matawa i aon taian tabuki ao i aan nuun taiani kai aika a korakora.

Ieremia 3:6 Iomraidhean Croise

1.Uea 14:23

A boni karaoi naba oin aia baangota, ma taamnein anti Ianena n taian atiibu, ao a katei bouannanti i bukin taromaurian te anti are Nei Aatera i aon taian tabuki ao i aan nuun kaai aika a korakora.

2.Rongorongo 34:1

Ai tib'a wanua ana ririki ni maiu Iotia ngke e riki b'a te uea i aon Iuta, ao e tautaeka i nanon tenibwi ma teuana te ririki mai Ierutarem.

Taian Areru 106:39

A kam'araeaki n aia m'akuri, ao a aki kakaonimaki nakon te Atua.

Itaia 57:3

Aomata ngkami aika kam aki kakaonimaki! Kam nako ia taani kaiwa ao kam taromauri bouannanti. Kakauongo raoi irou ngkai!

Itaia 57:7

Kam a tia n taakin ami kainiwene i aon taubukin maunga aika a rietaata, ike kam angakarea iai nakon taian bouannanti.

Ieremia 1:2

E moana taetaena te UEA nako iu n ana katebwi ma tenua n ririki Iotia are natin Amon te mm'aane n uea i aon Iuta,

Ieremia 11:10

A a bon tia naba ni bure n aroia aia bakatibu, n aroia ngke a rairakinako mairou ao a manga taromauriia anti tabem'aang. E a tia te abanuea meang are Iteraera n urua te boraraoi are I karaoia ngkoa ma aia bakatibu, ao ngkai e a manga karaoa naba anne te abanuea maiaki are Iuta.

Ieremia 17:2

A a tia ni katei taian baonikarea ni beekan te roro teuana i mwiin te roro teuana ao a taromauriia te anti are Nei Atera n taabo nako i aon abami, i aon taian tabuki ao taiani maunga, ao i aan aroka aika a korakora.

Ieremia 3:8

ma e ngae n anne, ao I bon tangiria naba b'a e na okirai. Ma e aki, ngaia are I a kaakiia ma ni kanakoa. E noora te b'ai ae e riki tarina are te abanuea are Iuta, ma e bon aki tabe naba iai, ao I tarataraia ngke e a manga moana naba ana aki kakaonimaki kaanga tarina.

Ieremia 31:22

Tera ngke kam teimatoa ni kakaonimaki? N na bon kakoauaa b'a n te tai teuana ao a na manga kaokoro b'aai nako, kaanga kaokoron te aine ae e kaawakina te mm'aane.

Ieremia 5:11

A a tia n aki kakaonimaki nako iu kaain Iuta ma Iteraera n aaro aika a bati,

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

Etekiera 16:31

Ko wene ni bure ni kawain nako nuukan te kaawa, ao ko rawa ni butim'aea te m'ane ngkana ko tia. Ma ko kaokoro ma ainen matawa nako ake a tangira te m'ane.

Etekiera 16:35

Ao ngkai, Ierutarem, ainen mataawa! Ongora te b'ai ae e taekinna te UEA.

Etekiera 20:28

ngke a anga karea ni kaboiarara, ao te wain nakoia anti i aon te tabuki ao i aan aroka aika korakora. I bon rangi n un, i bukina b'a a karaoi b'aai aikai n te aba are I a tia n anganiia!

Etekiera 23:11

E noori baikai ni kabane Nei Oorib'a, ma e riki rake riki maiuakinan te wene ni bure i rouna nakon are e a tia ni karaoia tarina are Nei Oora.

Etekiera 23:4

Aran are te ikawai bon Nei Oora, are e bon tei i bukin Tamaria; ao are te ataei arana bon Nei Oorib'a, are e tei i bukin Ierutarem. A manga riki b'a buu ao a bungia natiu.

Otea 11:7

A tia n iangoia Au aomata b'a a na katinanikuai i bukin te anti ae a taku b'a e korakora riki, ma e bon aki konaa ni buokiia.

Otea 4:13

Kam anga karea i aon taubukin maunga ma tabuki, i aan aroka aika taian oke, ao taabo nako ike a tamaroa nuuia. Oin natim aika aine ao aika ai natim aine a kaboonakoi rab'ataia i bukin te wene ni bure.

Tani Motiki-taeka 2:17

N ririki ake a nako, ao a kakaonimaki Iteraera nakon te UEA, ma a manga waekoa n aki kakaonimaki man rawa n ongo irouia taani moti aikai. A na aki ongotaeka Iteraera iroun te UEA, ao ane a na manga taromauriia atua riki tabeman n onea mwiin taromauriana.