Ieremia 3:3 - Te B'aib'ara

³ Ma ngaia are, I rawa Ngai ae te UEA ni kab'aka te karau n te aumeaang. Ma ko aki mamaa naba n te b'ai ae ko a tia ni karaoia kaanga te aine ae ainen matawa.

Ieremia 3:3 Iomraidhean Croise

Karikani B'aai 19:34

Ao n te bong are i mwiina, ao e taku neiere te karimoa nakon tarina, “I a tia ni wene ma ngaia ngke tairiki, ao ngkai ti na manga kamooia riki nakon te tairiki, ao ko na manga wene ma ngaia. Ao e na reke natira mairoun tamara.”

Neemia 9:17

Ma Ko bon nanoanga ngkoe Atuara ao Ko waekoa ni kab'arai buure; Ko tangira, Ko nanoanga, ao Ko nanorinano. Ma ngaia are, Ko aki konaa n tannako mairouia

Taeka n Rabakau 21:29

A bakan atai kawaia aomata aika a buakaka, ma a iango ana aomata te Atua i m'aain eutakin waeia.

Itaia 5:6

E na onikaki nakon te rereua, e na aki kaitiakaki m'aanga ma aroka aika karib'aa; E na onrake ni kaai aika a kateketeke ao akanta. N na tuangiia taian nang b'a a na aki karokoa te karau.

Ieremia 14:1

Ao ngke e maan te karau n aki b'ab'aka, ao E tuangai te UEA b'a n na kangai nako ia aomata:

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 14:3

A kanako ia aia taani m'akuri taan tautaeka nakon taabo ike a kaawakinaki iai taian ran. Ma bon akea naba iai; ao a okirikaaki ma te b'arannano ao aia tiaeki aika bon akea naba kanoaia.

Ieremia 14:4

E a maan te tai ae e aki iai b'aka te karau, ao a aoraki taan ununiki ngke a matakuakina tabwenabwenan aon te aba i aon te tano ae m'auteretere.

Ieremia 36:2

I a kaman taetae nakoim i bukin Iteraera, ma Iuta, ao botannaomata ake tabeua man ana tai Iotia ni uea. Ngkai ko na anaa te niira ni boki ao koroi i aona b'aai ni kabane aika I tuangko,

Ieremia 5:24

Kam rawa ni kaangai, “Ti a taromauria te UEA! Boni Ngaia ae e karoorokoa te karau n te aumeaang ma te aumaiaki. ma n anganiira uaan te tai ae e tamaroa.”

Ieremia 5:25

Ao bon anne bukina ngkai I aki konaa ni kakab'aiaingkami!

Ieremia 5:3

Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

Ieremia 6:15

A riai ni mamaa n aia bure ae moan te ribaaki, ao a aki roko naba n te mainarake moaia. Ai ngaia are ngkana I katuaaea Iuta, ao a na bane n toki i aon aontano, ni mate kaanga aekaia aomata nako. Bon aei au taeka Ngai ae te UEA.

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

Ieremia 9:12

I taku nakon te UEA, “Bon akea mairoura ae e ataia b'a e aera ngkai e a riki te aba b'a te rereua ae e aki totouaki. Ko aki kab'arab'ara b'a tera bukina?”

Etekiera 3:7

Ma ane a na rawa n ongo iroum Iteraera, i bukina b'a a rawa n ongo i Rou. A bane n taningabono ao a matoatoa atuuia,

Nakoaia Ibonga 26:19

ni karokoa e baabane raoi ami kamoamoa ni kamanatuaaki. N na aki kab'aka te karau, ao e na riki karawa i aomi b'a kaanga te biti, ao te tano ane i aani waemi b'a kaanga te buraonti.

Amota 4:7

I taua naba te karau b'a e na aki b'ab'aka i aon arokami. I kab'aka te karau nakon aon te kaawa teuana ao I aki kab'aka nakon te kawa teuana. E b'aka te karau n te tawaana teuana ao a mate arokan te tawaana teuana.

Amota 4:8

A bora n taka aomata, ao a nako kain te kaawa teuana ni kakaea te ran n te kaawa are a taku b'a iai te ran iai ma e aki tau nakoia. Ma kam bon teimatoa naba n aki onimakinai.

Teb'ania 2:1

Te botannaomata ae ko aki kukuba karekea nanom ae e raoiroi

Teb'ania 3:5

Ma E bon mena te UEA i nanon te kaawa. E karaoa ae e eti ao E aki karaoa ae e bure. Ma aomata aika buakaka a bon teimatoa ni kakaraoa ae e bure ma te aki mamaa.

Akai 1:11

Ma ngaia are, a na bane n rereua b'aai nako n Au taeka-abami ao ami tabo n uteute, ami nne ni kureebe ao nnen arokami te oriwa, ami man ao ai boni ngkami. A na akea manenan ami m'akuri korakora.

Te Tua-Kaua 28:23

E na karika karawa are i etan atuura kaanga taraan taubuki ae te buraati are na totokoa b'akan te karau, ao e na kamatoa te tano are i aani waemi kaanga ai aron matoatoan te biti. Ao a na m'auteretere ma ni matoatoa taiani uita ma taiani b'aare n te angimainiku ae kabuebue ke a na mate n aorakin taian aroka.

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!