Ieremia 3:2 - Te B'aib'ara

² Kam na ti kataia ni kakaaea tabukin te tabuki teuana ike kam a tia n nako iai n taromaurii anti tabem'aang n aromi ni wene ni bure. Kam tekateka i rarikin te kawai kaanga te tia kimoa ae e karaoa te bakairaa, bon ti ngkoe ae ko angaanga rab'atam nako ia aomata aika a m'ananga. E kabuakaka te aba ami bure n aki kakaonimaki.

Ieremia 3:2 Iomraidhean Croise

Karikani B'aai 38:14

Ma ngaia are, e buuta kunnikaina are kunnikaia aine aika mate buuia, ao e rabuna matana n te rabuna ni mata, ao e nako n tekateka i matan mataroan te kawai nako Enaim, te kaawa are e mena n te kawai nako Timna. E a tia n ataia neiei b'a e a bon ikawai Teera are natin Iuta te mm'aane are te bina, ao e tuai mani kaieinaki ma ngaia.

1.Uea 11:3

Itibubua buuna aika taian natinuea aine, ma e boni mare naba ma 300 riki aine.

2.Uea 23:13

I mwiin anne, e kaini taiani baangota ake e karaoia ngkoa Toromon i mainikun Ierutarem ao i meangin te Tabuki are Mate i bukin karinean Nei Atiterota are antiia kaain Titon ae e rangi n ribaaki, ao Kemoti are antiia kaain Moaaba ae e rangi n ribaaki, ao Mirekom are antiia kaain Ammon ae e rangi n ribaaki.

Taian Areru 106:38

A kamateia natiia aika akea aia bure, ao e kam'araeaki aon te aba i bukini m'akuri n tiritiri aikai.

Taeka n Rabakau 23:28

a tatauraoi nakon buakanakim kaanga aroia te koraki ni kimoa n raweia konaia temanna i mwiin temanna.

Taeka n Rabakau 7:11

Bon temanna ngaia mai buakoia aine aika a mautakarara man aki rau ao a aki konaa n tiku ni mwengaia,

Ieremia 12:12

A m'ananga n te kawai are e ri rarikin mataniwiin te rereua tautia ake taan tiritiri ao a buaka n taabo nako. Bon au kabaang ngaiia aika a tiritiri; ao bon akea temanna ae e konaa ni maiu irouia.

Ieremia 2:20

Kam kiitanai n taai ake ngkoa ao kam urui taiani kabae ni kabane ake i marenara, kam rawa n riki b'a Au taani m'akuri. Ao ngkai kam a taromaurii anti tabem'aang n aromi ni wene ni bure i aon taian tabuki ke i aan nuuni kaai aika a korakora.

Ieremia 2:23

Kam kakewei ami bure ao kam taku, “Ti itiaki. ti aki taromauria B'aara.” Ma kam na iangoa te b'ai ae kam karaoia n te M'arua are Innom. Ao kam biriaitua kaanga kaamero aika ataei, ni kawaekoaingkami n taromauria te bouananti teuana i mwiin teuana.

Ieremia 2:7

I uotingkami nako ikai nako abau, ike e tiraua te am'arake iai, ma kam kabuakaka te aba n ami bure.

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Ieremia 3:13

Kam na ti kaotia raoi b'a kam bon kamangao ao kam taromaurii antiia ianena i aan kaai aika a korakora n taabo n aki akaaka.

Ieremia 3:21

Kakauongo nakon taian karongoa mai aon taian tabuki! Bon aomatan Iteraera aika a tang ma ni buubutiai b'a N na kaekai aia tataro. A m'aninga taekau ao a rinea te kawai ae e kaairua.

Ieremia 3:9

E bon aki raraoma te abanuea are Iuta ngkai e riki b'a ainen matawa, ao e aki tabe naba ngkai e kabuakaka rab'atana ao te aba n ana m'akuri n taromaurii taian bouananti aika a karaoaki n taian atiibu ao taian kai.

Ieremia 7:29

Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

Etekiera 16:16

Ko karaoa oin am baangota ao ko katamaroa ni kunnikaim tabeua. Ao bon anne te tabo ike ko anaia iai taan roko b'a a na wene ni bure ma ngaiia. A na bon aki manga riki b'aai aikai!

Etekiera 20:28

ngke a anga karea ni kaboiarara, ao te wain nakoia anti i aon te tabuki ao i aan aroka aika korakora. I bon rangi n un, i bukina b'a a karaoi b'aai aikai n te aba are I a tia n anganiia!

Otea 2:5

E aki kakaonimaki tinam. E rangi ni b'ainrang ao e taku, “N na biri n rimwiia au tangira A bane n roko b'aai mairouia kanau ma nimau, kunnikaiu te riinen ao te burae n tiibu, au b'a n oriwa ao te wain.”

Ruka 16:23

ao ni menana i Eriti, ngke e taonaki n te maraki ae korakora, ao e tararake; ao e nora Aberaam b'a e mena i kiraroa ma Rataro i rarikina.

Te Tua-Kaua 12:2

Ma a taromaurii atuaia tabeman botannaomata ake a maeka ikekei. Ma ngaia are, ngkana kam tia n taua te aba, ao kam na kamaunai ni kabane aia tabo n taromauri--ake i aoni maunga ao taian tabuki, ke ake i aan nuun kaai aika korakora.