Ieremia 3:19 - Te B'aib'ara

¹⁹ I aki toki n tangiria b'a N na karaoingkami b'a kaanga bon au ataei ma n anganingkami te aba ae te kabanea n tamaroa, te aba ae te kabane n tikiraoi i aon te aonnaba. I tangiringkami b'a kam aranai b'a “Tamami” ao kam na aki rairaki nako mairou.

Ieremia 3:19 Iomraidhean Croise

Taian Areru 106:24

A riba te aba are a na anganaki, b'a a aki kakoaua ana taeka ni bau te Atua;

Taian Areru 16:6

Ai tamaroara aron am b'aintangira nako iu a bane n raoiroi aroia ni kabane;

Taian Areru 89:26

Ane e na kaangai nako iu, ‘Bon Tamau ao Atuau Ngkoe; te tia katanai ao te tia kamaiuai.’

Taeka n Rabakau 3:35

Kam na neboaki ngkana kam rabakau ma kam na kamamaaeaki ngkana kam nanobaba man taningabono.

Itaia 63:16

A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Ieremia 12:10

E a urubekebeke abau ae moan te tamaroa kaanga te tawaana ke te nne n aroka ni kureebe ae e kamanatuaaki irouia te nanai n tiibu ma ni kaboraaki aona irouia te nanai ni kao.

Ieremia 3:17

E na riki te kaawa ni kabane ae Ierutarem b'a au kaintokanuea. A na bane n nakomai botannaomata n taromauriai, ao a na aki manga iri nanon taningamatoaia ao nanoia aika a buakaka.

Ieremia 3:4

Kam aranai b'a tamami ke raoraomi ae e a tia ni m'arua n te tai ae e maan;

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Ieremia 5:7

Kaain Iuta, N na kangaa ni kab'ara ami bure? I anganingkami b'aai nako, ma kam kiitanai ao kam taromauri bouannanti. Ngkami aika mm'aane kam nako ni kawariia ainen matawa ao kam aki kakaonimaki nako ia buumi.

Etekiera 20:6

I tuea b'a N na kamaiuia mai Aikubita ma ni kairiia nakon te aba are I a kaman rineia. E mari te aba n te miriki ao ana karewe te manibeeru ao bon te aba ae te kabanea n tamaroa.

Taniera 11:16

Ao tautian Tuuria a na karaoa are a bon taku nakoia, ao akea totokoaia. E na tei i aon te aba ni berita ma n taua ni kabane i aani m'aakana.

Taniera 11:41

Ao e na ekaanako man taua naba te Aba ni Berita, ao n tiringiia tebwina tengaa, ma a na biri nako kaain te aba are Etom, Moaaba ao nikiraia kaain Ammon.

Taniera 11:45

Ane e na katea ana um'anrianna n uea ae e korakora i marenan taari ma te maunga n te tabo are e tei iai te Tembora. Ma ane e na mate, ao bon akea temanna ae e na buokia.”

Taniera 8:9

Ao e a manga kaoti te koro teuana i aon te koro teuana mai buakon kooro ake aua, ao e taona maiaki ma mainiku m'aakana ni karokoa te Aba ni Berita.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

I-Karatia 3:26

B'a kam a riki b'a natin te Atua ngkami ni kabaneingkami n onimakinan Kristo Iesu.

I-Ebeto 1:5

E a kaman tia ni baireia, n ai aroni kukurein nanona, b'a ti na natinaki i rouna iroun Iesu Kristo.

Te Tua-Kaua 14:1

Kaain Iteraera, bon Ana ataei te UEA ngkami, ma ngaia are, ngkana kam tang i bukin te mate, ao kam na aki korokoroi rab'atami, ke ni koromarai moan atuumi.

Ebera 10:39

Ma tiaki ngaira kaain te kerikaki nakon te mate, ma kaain te onimaki nakon te maiu.

1.Betero 1:17

Ao ngkana kam atonga Teuare motiki taekaia aomata nako b'a Tamami n ami tataro, are Teuare aki nanonano b'a E motika taekan te aomata ni kaeti ma aron te baere e karaoia, ao kam na kabane ami bongi ni maiu i aon te aba aei ni maku.