Ieremia 3:18 - Te B'aib'ara

¹⁸ Ao i mwiina, n aaba aika i meang, ngkami aika kaain Iuta ao Iteraera kam na manga ikotaki, ao kam na oki nakon te aba are I anganiia ami bakatibu.

Ieremia 3:18 Iomraidhean Croise

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Itaia 43:5

Ko na aki maaku b'a I raoniko. N na ikotingkami mai mainiku ao maeao.

Itaia 43:6

N na kaangai nakon meang ao maiaki, “Kainaomataia natiu m'aane ma natiu aine! kaokiia man aaba aika a raroa.

Ieremia 16:15

Ma n onea mwiin anne, kam na aranai b'a te Atua ae E Maiu are e kamaiungkami mai meang ao man aaba tabeua ake I kairoroingkami iai b'a kam na nako. N te bong teuana N na manga kaokingkami nakon te aba aei are I anganiia ami bakatibu.

Ieremia 23:8

Ma kam nang aranai, b'a te Atua ae e Maiu are e kamaiungkami man te aba are i meang ao man aaba nako ake tabeua ake I a tia ni kairoroingkami b'a kam na nako iai. Ao kam na manga maeka riki ni bon oin abami.

Ieremia 3:12

Ieremia, ko na takaarua nako meang: Iteraera, bon ami UEA Ngai okirai! Kam aki kakaonimaki ao kam rangi ni kaunai, ma I bon nanoanga, ma ngaia ae, I kab'arai ami bure.

Ieremia 30:3

N te bong teuana ao a na oki Au aomata aika uakoraki aika Iteraera ma Iuta nakon abaia are I anganiia aia bakatibu.”

Ieremia 31:8

Boni Ngai ae te UEA, ae N na kairiia Au aomata b'a a na oki mai B'aburon ao man taabo nako n te aonnaba. A na mena ikekei te mataki ma te m'auku. Aine aika i aon kawaia n riki b'a tiina ao aine aika a na bung a na roko naba ma n riki b'a kaain te koraki n aomata ae e korakora.

Ieremia 50:20

N na kamaiuia ti tabeman mai Iteraera ao Iuta. N na kab'ara raoi aia bure n te aro ae a na bon mauna nako raoi aia bure ma aia kaairua, ao a na aki manga nooraki.

Ieremia 50:4

E taku te UEA: Kaain Iteraera ma Iuta, Ngkana a riki baikai ao kam na tang, ao kam na kaai n okira abami n taromauriai, Ngai ae te UEA ae Atuami.

Ieremia 50:5

Ane kam na titiraki i bukin te kawai nako Tion ao i mwiina kam na roko ao kam na raonai ni karaoa te boraraoi ae kam aki urua ke ni m'aninga.

Ieremia 7:7

Ao i mwiina, N na kakukureingkami ni maiu n te aba aei ae I anganiia ami bakatibu.

Etekiera 11:17

Ao n te bong teuana, N na ikotingkami mai buakoia botannaomata nako ake kam maaenako i buakoia ma ni manga kamaekaingkami riki i Iteraera.

Otea 1:11

A na manga ikotaki Iteraera ma Iuta ao a na rinea aia tia kairiiri ti temanna. Ao i mwiina, a na kaoki abaia, ao e na riki te bong aei b'a ana bong Ietireera ae e kakannato.

Otea 11:12

E b'anga ni kewe Iteraera nako iu, Ngai ae Atuaia ae kakaonimaki ma n tabu; a otab'aniniai n aia kewe, ao e taromauri anti tabem'aang Iuta.

Otea 2:2

Bukinna! Bukina tinam! Ai tiaaki buu, ao ai tiaki buuna Ngai ae te UEA. Butiia b'a e na katoka arona n riki b'a ainen matawa ma ana aki kakaonimaki nakon buuna,

Amota 9:15

N na unikia Au aomata i aon te aba are I a tia n anganiia, ao a na aki manga taekaki nako.” Bon Ana taeka te UEA ae Atuami.

Tekaria 10:6

N na kakorakoraa te abanuea are Iuta ao Iteraera. Ao N na kaota te akoi i bukina b'a bon te UEA Ngai ae Atuaia. N na kaekai aia tataro ma ni kaokiia nakon mwengaia. Ao e na taraa n ae I tuai man katinanikuia.

Tekaria 2:6

E taku te UEA nakoia ana aomata, “Biiri! Biri nako man te aba are i meaang, ike I kamaaenakoingkami iai nakon taian ang ake aua.