Ieremia 3:17 - Te B'aib'ara

¹⁷ E na riki te kaawa ni kabane ae Ierutarem b'a au kaintokanuea. A na bane n nakomai botannaomata n taromauriai, ao a na aki manga iri nanon taningamatoaia ao nanoia aika a buakaka.

Ieremia 3:17 Iomraidhean Croise

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

1.Uea 8:41

Ao i bukin te iabatera ae tiaki raoia kaain am botannaomata ae Iteraera ae e roko ni maeka n te aba i bukin aram,

Taian Areru 102:23

E kamamaraai n au ririki ni maiu ae I riai ni matoatoa iai; E kakimototoa maiu.

Taian Areru 78:8

A na aki katotongiia aia bakatibu, ake te roro n aki ongotaeka ma n rawa ni kan aan-taeka, Ake a tuai man nene onimakinan te Atua irouia, Ao a tuai naba n teimatoa ni kakaonimaki nakoina.

Taian Areru 87:3

Ana kaawa te Atua, ko na ongora n taekam aika kamimii mai Rouna:

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Itaia 56:6

Ane a na irai ianena. A na tangirai ao a na taromauri n arau; a na karinea te Taabati ao a na kaawakina ara booraraoi.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Itaia 6:1

N te ririki are e mate iai te uea are Utia, ao I noora te kaotioti i bukin te UEA. E tekateka i aon te kaintokanuea i eta, ao e kaona nanon te Tembora niiniirana.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Itaia 66:20

A na uotiia mai ami koraki man taiani botannaomata b'a taian karea nako iu, Ngai ae te UEA. A na roko i aon taian aoti, taian kaanibuaka ao kaani m'am'ananga, miure ao taiani kaamero nako Ierutarem, ae Au maunga ae e tabu. A na riki b'a kaanga Iteraera aika a uoti taian karea nakon au Tembora.

Ieremia 11:8

ngkami ma ami bakatibu. Kam a tia n rawa n ongo, ao kam onea mwiina ni karaoi b'aai aika a tangiri nanomi aika a onrake n te bure. Kam a tia n aki kaawakina te boraraoi are I a tia ni karaoia ma ngkami, ma ngaia ae N na kamarakingkami n taiani maraia ake a reke mai iai.

Ieremia 12:15

Ma N na manga nanoangaiia botannaomata aikai n te tai teuana ma ni manga kaokiia nako oin abaia nako.

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Ieremia 14:21

Ngkana Ko kamaiura, ao ane e na kaota aron korakoram. Ko na aki kariaia am kairiribai b'a e na kam'araea am Tembora, are Am kaintokanuea ae e tamaroa. Ko na aki m'aninga are Ko a tia ni berita b'a Ko na kamaiura.

Ieremia 16:12

Ao ngkami kam a tia ni karaoa ae moan te buakaka riki! Kam taningabono, ao kam karaoi b'aai aika a buakaka ake a reke n ami iango, ngke kam bon riai n ongotaeka.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Ieremia 17:12

Ara UEA, bon te kaintokanuea ae e mimitong am Tembora ae e tei i aon te maunga ngke e moan tia.

Ieremia 18:12

Ma I ataia b'a kam aki ongo. Ao kam na bon kaangai naba, “Ti aki tabe ma te b'ai ae Ko taekinna. Ti a tia n iangoia b'a ti na karaoa te bure, ao ti taningamatoa ma ni karaoa te b'ai ae ti bon tangiria!”

Ieremia 3:19

I aki toki n tangiria b'a N na karaoingkami b'a kaanga bon au ataei ma n anganingkami te aba ae te kabanea n tamaroa, te aba ae te kabane n tikiraoi i aon te aonnaba. I tangiringkami b'a kam aranai b'a “Tamami” ao kam na aki rairaki nako mairou.

Ieremia 31:23

E taku te UEA ae Moan te M'aaka ae Atuaia Iteraera: I berita b'a N na kainaomataia kaain Iuta ma ni kairiia rikaaki nakon aia kaawa ni koaua. Ao ngkana I karaoa aei, a na manga taetae riki ni kaangai, “Ti tataro b'a E na kakab'aia mwengana te UEA, te maunga ae e tabu i Ierutarem ike e tei iai ana Tembora.”

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

Ieremia 9:14

A taningabono ao a taromauria B'aara, n ai aron are a karaoia ngkoa aia bakatibu.

Etekiera 1:26

Ao i mwiina, I noora te b'ai ae kaanga taraan te kaintokanuea ae karaoaki man tabeiro, ao i aon te kaintokanuea anne bon te b'ai ae buraburan te aomata.

Etekiera 43:7

Etekiera ae natin te aomata, bon Au kaintokanuea te Tembora i aon te aba. N na maeka i buakoia Iteraera ikai n aki toki. A na aki manga oki ni kamatauningaai ngaiia ma aia uea n taromauri taian bouannanti ni baangotan te aba ke ni katei taian kanuringa i bukiia aia uea aika a tia ni mate.

Etekiera 48:35

Ao aran te kaawa ae e boou bon “E mena ikai te UEA.”

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Tekaria 8:8

ao N na uotiia ni kamaekaia i Ierutarem. A na riki b'a au aomata, ao N na riki b'a Atuaia, ae E kakaonimaki ni karaoa te eti.

Warekaia Iteraera 15:39

E na kauringngkami baikai b'a kam na riai n ongotaeka nakon Au tua ma Au reirei.

I-Rom 1:21

A ata te Atua, ma a aki anganna neboana ngkai te Atua Ngaia, ao a aki kaitaua; ma a riki aia iango b'a baika akea bonganaia, ao a karooaki nanoia aika aki wanawana.

I-Rom 6:14

B'a e na aki uea te bure i aomi; b'a kam aki mena i aan te tua, ma kam mena i aan te akoi.

I-Karatia 4:26

Ma te Ierutarem are i Karawa e inaomata, ao bon tinara.

Te Tua-Kaua 29:29

E a tia ni kaota ana Tua te UEA ae Atuara nakoira, ao ti na riai n ongotaeka iai n taai nako ma kanoara, ma bon iai naba b'aai aika E tuai kaoti nakoira.

Tani Motiki-taeka 2:19

Ma rimwi riki, a na rikirake ni bure Iteraera nakoia aia bakatibu. A tangingabono Iteraera, a aki katoka aroia n tataromauria atua riki tabeman ke n ongo aia reirei aaro tabeua.