Ieremia 3:13 - Te B'aib'ara

¹³ Kam na ti kaotia raoi b'a kam bon kamangao ao kam taromaurii antiia ianena i aan kaai aika a korakora n taabo n aki akaaka.

Ieremia 3:13 Iomraidhean Croise

Neemia 9:2

A kanakoia taian iruwa b'a a na aki iriia, ngke a ikotaki i bukin kab'araan aia bure ma aia bure aia bakatibu.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Itaia 57:5

Ti te b'ai ae kam iaiangoia bon te wene ni bure i aan taian aroka aika a mawaawa aikai ike a mena iai ami bouannanti aika kam taataromauri. Kam kareaniia natimi i aon taiani baonikarea ake a karaoaki i nanon taian m'arua i aan nanganangan b'aa.

Ieremia 14:10

Au aomata, kam tangiria n tiotio nako, Bon akea naba ami keiaki ni kan kaaningkami ma Ngai. Ma ngaia are, N nang katinanikuingkami ngkai ma ni katuaaingkami i bukin ami bure. Bon aio au taeka Ngai ae te UEA.

Ieremia 14:20

Ti a tia ni bure nakoim ma ara bakatibu.

Ieremia 2:20

Kam kiitanai n taai ake ngkoa ao kam urui taiani kabae ni kabane ake i marenara, kam rawa n riki b'a Au taani m'akuri. Ao ngkai kam a taromaurii anti tabem'aang n aromi ni wene ni bure i aon taian tabuki ke i aan nuuni kaai aika a korakora.

Ieremia 2:25

A a mangaingai ami kauniwae, e a m'autakataka buami man te biriaitua n aki akaaka i bukin taromauriakiia antiia aika ianena. Ao I takaarua ni kaangai, “Katokia!” ma kam kaeka ni kaangai, “Ti aki! Ti rangi n tangiri taian anti aikai.”

Ieremia 3:2

Kam na ti kataia ni kakaaea tabukin te tabuki teuana ike kam a tia n nako iai n taromaurii anti tabem'aang n aromi ni wene ni bure. Kam tekateka i rarikin te kawai kaanga te tia kimoa ae e karaoa te bakairaa, bon ti ngkoe ae ko angaanga rab'atam nako ia aomata aika a m'ananga. E kabuakaka te aba ami bure n aki kakaonimaki.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 3:6

Ngke e uea Iotia ao E taku te UEA: Ieremia, te abanuea are Iteraera ma te ainenum'a ae e aki kakaonimaki are e a manga riki b'a te aine ae ainen matawa i aon taian tabuki ao i aan nuun taiani kai aika a korakora.

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

Ieremia 7:26

Ma kam aki kubarai ao kam karikirakea riki taningabonomi ao karaoan te bure nakon are a karaoia ami bakatibu!

Etekiera 16:15

Ko ataia b'a ko konaa n anaa nanoia m'aane nako akana ko tangiriia, ma ngaia are, ko anga rab'atam nakoia akana a rirarikim ni kabane.

Otea 5:15

Ao i mwiina, N na rairaki nakon Au tembora ni karokoa a kaota aia kaairua ma n taromauriai, ni karokoa a korakai nanoia ma ni buubuti buokaia.

Te Tua-Kaua 12:2

Ma a taromaurii atuaia tabeman botannaomata ake a maeka ikekei. Ma ngaia are, ngkana kam tia n taua te aba, ao kam na kamaunai ni kabane aia tabo n taromauri--ake i aoni maunga ao taian tabuki, ke ake i aan nuun kaai aika korakora.