Ieremia 3:12 - Te B'aib'ara

¹² Ieremia, ko na takaarua nako meang: Iteraera, bon ami UEA Ngai okirai! Kam aki kakaonimaki ao kam rangi ni kaunai, ma I bon nanoanga, ma ngaia ae, I kab'arai ami bure.

Ieremia 3:12 Iomraidhean Croise

Karikani B'aai 4:7

Tiaki ko na boni kukurei ngke ko boni karaoa ae e raoiroi? Ma i bukina ngke ko a tia ni karaoa ae buakaka, ao e aoraia te bure i matan am mataroa. E kan tautaekaniko, ma ko riai n tokanikai i aona.”

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 17:23

ni karokoa te tai are E katuaaia iai te UEA, n aron are E a tia ni kauring iai rinanoia ana toro ake burabeti. Ao bon anne bukina are a uotaki nako iai Iteraera b'a taenikai i Aturia, ao ikanne ike a tiku iai.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 18:1

E a manga riki b'a uean Iuta Etekia are natin Aati te m'aane i nanon ana katenua n ririki ni uea Otea n tautaekana Iteraera.

2.Rongorongo 29:10

Ma ngaia are, I a tia n baaireia b'a ti na manga kabooua ara boraraoi ma te UEA ae Atuan Iteraera. E na mena ngkoa ao e a ti toki naba iai unna iroura.

2.Rongorongo 30:9

ane a na kaota te nanoanga ami kairiribai ake a tauia ami utu ao ane a na kaokiia nakon mwengaia. E akoi te UEA ae te Atua ao e nanoanga, ngkana kam tanrikaaki nako ina, ao E na bon aki tannako mairoumi.

Taian Areru 103:17

E teimatoa ana ataataiaomata te UEA nakoia akana karinea; Ao E teimatoa arona n raoiroi nakon te rorona ma te rorona

Taian Areru 103:8

E nanoanga te UEA ao E tatangira; E iremwe n un ao E on n te Tangira ae Teimatoa.

Taian Areru 103:9

Tiaki n ae E na teimatoa arona ni boaa te aba, Ke e na reiti nako unna n akea tokina.

Taian Areru 145:8

E akoi te UEA ao E nanoanga, E aki kakai un ao E bati ana tangira.

Taian Areru 79:5

Te UEA, e na reiti nako unim iroura? E na reiti nako uran unim n ai aron uran te ai?

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Itaia 31:6

Kaain Iteraera, ooki! Ko a tia n rairaki nako mai roun te UEA.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Ieremia 11:6

Ao i mwiin anne, e a manga tuangai te UEA b'a N na kaangai nako ia aomata ni kabane ake a mena i nanon kaawain Ierutarem ao i nanon kaawan nako Iuta: Kam na karaoa raoi nanon te boraraoi are I karaoia ngkoa ma ngkami.

Ieremia 12:15

Ma N na manga nanoangaiia botannaomata aikai n te tai teuana ma ni manga kaokiia nako oin abaia nako.

Ieremia 23:8

Ma kam nang aranai, b'a te Atua ae e Maiu are e kamaiungkami man te aba are i meang ao man aaba nako ake tabeua ake I a tia ni kairoroingkami b'a kam na nako iai. Ao kam na manga maeka riki ni bon oin abami.

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Ieremia 3:14

Bon ataei ngkami aika kam aki kakaonimaki, ma bon au b'ai ngkami. Okira mwengami! N na anaa temanna ke uoman man ami kaawa n tatabeua nako ao ami kaainga ao N na uotiia nako Tion.

Ieremia 3:18

Ao i mwiina, n aaba aika i meang, ngkami aika kaain Iuta ao Iteraera kam na manga ikotaki, ao kam na oki nakon te aba are I anganiia ami bakatibu.

Ieremia 3:22

N na kaangai nako ia, “Okirai, N na kamaiungkami man ami aki kakaonimaki.” Ao a kaeka ni kaangai, “Ti na okiriko, b'a bon ngkoe ara UEA ao Atuara.

Ieremia 3:5

kam butiai b'a N na katoka uniu, ma kam aki katoka karaoan te bure.

Ieremia 3:7

I ataia b'a e a tia n aki kakaonimaki te abanuea meang ao e a tia ni karaoi buure aika a m'aiti,

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Ieremia 31:21

Au aomata aika kam tangiraki, kam na kanikinaea kawaimi n okira mwengami n taiani b'ariko n atiibu ma boua aika kanikina. Bon te kawai naba are kam kiitana naba iai mwengami.

Ieremia 31:8

Boni Ngai ae te UEA, ae N na kairiia Au aomata b'a a na oki mai B'aburon ao man taabo nako n te aonnaba. A na mena ikekei te mataki ma te m'auku. Aine aika i aon kawaia n riki b'a tiina ao aine aika a na bung a na roko naba ma n riki b'a kaain te koraki n aomata ae e korakora.

Ieremia 33:26

Ao N na bon karaoa naba aron anne; b'a N na aki katinanikuia naba ana kariki nako Aberaam, Itaaka, ao Iakob'a ke n urua Au berita are a na teimatoa n riki ana kariki Tawita b'a aia Uea. N na akoia Au aomata aika Iteraera, ao a na manga okira aroia n teetekeraoi.

Ieremia 4:1

E taku te UEA: Ngkana kam bon tangiria n oki nako iu, ao iangoi aroia taian bouananti aika a ribaaki aikai.

B'aeb'aeti 3:22

Ana akoi ma Ana tangira te UEA ae teimatoa n taai nako.

Etekiera 11:17

Ao n te bong teuana, N na ikotingkami mai buakoia botannaomata nako ake kam maaenako i buakoia ma ni manga kamaekaingkami riki i Iteraera.

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Etekiera 39:25

Ngkai N nang kaota Au nanoanga nakoia Iteraera ma ni kaokiia mairouia ianena ake a maeka i buakoia. Bon kanoan Iakob'a ngaiia, ma ngaia ae, N na kakab'aiaia ma ni kaotia b'a I tabu.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Nakoaia Ibonga 26:40

I mwiina, ao aongkoa kam a ataia ae I a eekinakoingkami ma n uotingkami nakon abaia ami kairiribai i bukin are ngkami ma ami bakatibu kam a tia n rangi ni kamatoaingkami ma ni bure nako Iu.

Tekaria 1:4

Kam na aki taningabono n aroia ami bakatibu. A kauringaki irouia burabeti ake mai m'aaina b'a a na kaaki aia m'akuri aika a buakaka ma n okirai, ma a bon aki kan tabe.

Te Tua-Kaua 30:2

ao okirikaaki nakoina ma nanomi ao tamneimi ni kabane, ma ni manga ongotaeka nakon ana Tua aika I a tia n anganingkami n te bong aei.