Ieremia 28:11 - Te B'aib'ara

¹¹ Ao e manga taku, “E taku te UEA b'a aio aron te b'ai ae N na karaoia nakon te m'aaka are i roun Nebukaneta i aoia botannaomata nako, e na korobukin aei i nanon te maan ae e aki raka riki nakon uoua te ririki.” Ao I kiitana te Tembora,

Ieremia 28:11 Iomraidhean Croise

1.Uea 13:18

Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

1.Uea 22:6

Ao e weteia 400 burabeti ao e titirakiniia ni kaangai, “N na buakaniia kaain Turia i Ramota ke N na aki?” Ao a taku taiani burabeti, “Eng, ko na buakanna, ao E na buokiko te UEA ni kataenikaiia.?”

2.Rongorongo 18:10

Temanna mai buakoia burabeti akekei bon Kenaana are natin Tetekia te m'aane. E a tia ni karaoi taiani koro ni man te biti ao e takaarua ni kaangai, “Aaba, E taku te UEA b'a ko na buakana Turia n ai aron te kao ae iai korona aika taiani biti ma n tiringiia ni kabane!”

Taeka n Rabakau 14:7

Kararoaingkami mairouia nanobaba, b'a kam kaawa n aki rabakau te b'ai teuana.

Ieremia 14:14

Ao E kaeka te UEA ni kaangai: A taku b'a a taetae i buku, ma a kewe! I bon aki taetae naba nako ia teutana, ao I bon aki rineia b'a au burabeti. A taetae ma ni miia aika akea manenaia, ao taeka ni kaiwa aika akea manenaia, ao oin aia iango.

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 28:15

Ao i mwiina, I tuanga Anania te baei, ao I a manga taku, “Ongora, Anania! E aki kanakoko te UEA, ao ko karaoia aomata aikai b'a a na kakoaua te kewe.

Ieremia 29:9

A taetae ni kewe nako imi n arau. I bon aki nako ia. Bon aei Au taeka Ngai ae te UEA.

Etekiera 13:7

A taku b'a a kab'arab'ara au rongorongo, ma a onrake n taiani kewe-I bon aki taetae nakoia!