Ieremia 27:11 - Te B'aib'ara

¹¹ Ma ngkana kam kukurei n ongotaeka ngkoe ma am botannaomata nakon Nebukaneta, ao N na kariaia b'a kam na tiku i abami, ao a na teimatoa ni maiu ami aomata ma ni m'akuri n aia oonaroka nako.

Ieremia 27:11 Iomraidhean Croise

Ieremia 21:9

A tia kaain B'aburon ni katobibia Ierutarem, ma ngaia are, ngkana kam kani maiu ao kam na otinako nako ia n taenikai irouia. Ma ngkana kam tangiria ni mate n te baki, ke te aoraki, ke te buaka, ao kam na tiku ikai i nanon te kaawa.

Ieremia 27:12

I mwiin taetaeu nako ia mataniwiin abanuea ake i rarikira, ao I a nakon te uea are Tetekia ma n tuangnga te b'ai naba arei. Ao i mwiina, I taku: Tetekia, ngkana kam tangiria ni maiu ngkoe ma kaain Iuta, ao kam riai n ongotaeka nakon Nebukaneta ao kaain B'aburon.

Ieremia 27:2

b'a N na karaoa amou man kunin te man ao kaai aika a matoatoa ma ni katoka i aon roroau.

Ieremia 27:8

E tei te amo i bukin m'aakan te uea are Nebukaneta, ao N na uruan aroia botannaomata ni kabane akana a rawa n ongotaeka i rouna. E na buakanaki i roun Nebukaneta, ao a na m'aiti akana ana mate n te buaka ke te baki ao te aoraki.

Ieremia 38:2

Ana taeka te UEA ae e kaangai, “E na mate n te buaka ke n te baki ke te aoraki te aomata ane e tiku i nanon te kaawa. A na bon aki tiringaki koraki aika otinako n taenikai nako ia kaain B'aburon; a na tiringaki ngkana a biri nako n rawei maiuia.”

Etekiera 28:25

E taku te UEA ae te Atua: N te bong teuana N na ikotiia Iteraera mani botannaomata nako ake e uamaae nako i buakoia, ao a na bane n nooria botannaomata b'a I tabu. A na manga maeka riki Iteraera n te aba are I angan Au toro ngkoa are Iakob'a.