Ieremia 26:5 - Te B'aib'ara

⁵ I aki toki ni kaakanakoia Au burabeti b'a a na kab'arab'ara nako imi, ma kam bon aki kubariia naba. Ao ngkai I a kauringkami b'a ngkana kam aki moana ongotaekami i Rou,

Ieremia 26:5 Iomraidhean Croise

2.Uea 17:13

Ma ngaia are, E tuangiia burabeti te UEA b'a a na bon riai ni kauringiia Iteraera ao Iuta n taeka aikai, Boni Ngai ae te UEA, ao I tuangkami b'a kam na katoka karaoan taiani bure, ma ni manga moana te ongotaeka nakon Au tua ma au reirei. I anganiia ngkoa ami bakatibu, ao I a manga tuangiia Au taani m'akuri ake burabeti b'a a na manga kaoki n taekini nakoimi.

2.Uea 17:23

ni karokoa te tai are E katuaaia iai te UEA, n aron are E a tia ni kauring iai rinanoia ana toro ake burabeti. Ao bon anne bukina are a uotaki nako iai Iteraera b'a taenikai i Aturia, ao ikanne ike a tiku iai.

2.Uea 24:2

N te tai anne, ao E a kanakoia tautia te UEA b'a a na iraea ma ni kamaunaa kaawan nako Iuta. Tabeman mai buakon te taanga ni buaka aei bon mai B'aburon, ao tabeman mai Turia, ma Moaaba, ao Ammon. E a tia te UEA ni kanakoa ana toro are te burabeti ni kauringa Iuta i bukin aei,

2.Uea 9:7

I tangiriko b'a ko na kamaunaiia ana utu Aaba, b'a e aonga n katuaaeaki Ietebera i bukin tiringakiia burabeti, ao au taani m'akuri ake tabeman.

Etira 9:11

ake ti anganaki mairouia am toro ake burabeti. A taku b'a e onrake te aba are ko anganiira irouia aomata aika a buakaka ma ni buubure, aika a teimatoa ni kaakaraoi b'aai aika a bati n ribaaki.

Ieremia 11:7

I a kaman tuangiia ami aomata man te tai are I kaotinakoa ami bakatibu mai Aikubita, b'a a na ongotaeka i Rou. Ma kam a tia n taningabono

Ieremia 29:19

E na riki aei nako ia i bukina ngke a aki ongotaeka nakon te rongorongo ae I teimatoa ni kanakoa nako ia rinanoia Au taani m'akuri aika burabeti. A rawa n ongo.

Ieremia 32:33

A tinanikuai; e ngae ngke I teimatoa n reireiniia, a bon aki kan ongo ke n reireiniia aroia ae e raoiroi.

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 35:17

Ngai ae Atuami. Bon te UEA Ngai ae Moan te M'aaka, ao I kauringkami ni b'aai aika a kakamaaku aika a na riki nako imi ngkana kam aki ongo i Rou. Kam a tia katinanikuai, ma ngaia are, e a oroiko te kabuanib'ai. Bon aei Au taeka Ngai ae te UEA.

Ieremia 44:4

I aki toki ni kakanakoa Au burabeti ae Au tia m'akuri b'a e na taetae nako ia kaain Iuta ni kaota ribaakin aia bure aika a buakaka. A kauringaki irouia burabeti b'a a na katoka karaoan te bure,

Ieremia 7:13

I kataia n taetae nako imi ngke kam tabe ni karaoa te bure, ma kam aki kan ongo.

Ieremia 7:25

Man te tai are a kiitana iai Aikubita ami bakatibu, I kanako ia au taani m'akuri aika burabeti b'a a na taetae i buku.

Etekiera 38:17

Ao e taku te UEA nakon Koka: N taai ake ngkoa I tuangiia Au burabeti b'a a na kauringiia Iteraera b'a n te bong teuana N na kanakoa te kairiribai b'a e na buakaniia. Boni ngkoe Koka te kairiribai, ao e a roko te bong anne.

Amota 3:7

E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”

Te Kaotioti 10:7

Ma ngkana e katanga ana bu te anera are te kaitiman, ao te Atua E na kakororaoa ana kaantaninga are raba, n ai aron are E taekinna nakoia ana toro ake burabeti.

Te Kaotioti 11:18

A un botannaomata aika aki onimakina te Atua, ma e a roko unim ao te tai i bukiia maate ni motikaki taekaia. ma te tai are a na anganaki iai boon aia m'akuri am toro ake burabeti ma ake a maka aram, ake te koraki ake a mangori ma ake a kakannato; ao te tai ae a na tiringaki iai akana urua aon te aba!”