Ieremia 26:2 - Te B'aib'ara

² Ieremia, iai Au rongorongo nako ia aomata nako aika a roko mai Iuta b'a a na taromauri n au Tembora. Ko na nako nakon katawanangin te Tembora ao taekin b'aai ni kabane ake I taekin nakoim.

Ieremia 26:2 Iomraidhean Croise

Ieremia 1:17

Katauraoiko Ieremia! Naako tuangiia aomata te b'ai are I mwiokoiko b'a ko na taekinna. Ko na aki maakuia, b'a I kaawa ni kakamaakuko i mataia.

Ieremia 1:7

Ao e taku te UEA, “Ko na tai taku b'a ko rangi ni uarereke. Ngkana I tuangko b'a ko na nako n taetae nakon temanna, ao ko na nako! Ao ngkana I tuangko te b'ai ae ko na taekinna, ao kona taekin b'aai nako aika I tuangko!

Ieremia 19:14

Ao I nako Tobeta, ao I tuangiia aomata te b'ai are E taekinna te UEA. Ao i mwiina, I nako n rin ni katawanangin te Tembora ao I takaarua nako ia aomata ni kaangai,

Ieremia 23:28

Ti te bo kaokoron miia ma au koaua ae kanga te uteute ao te uita. Ma ngkana a taetae burabeti i buku a na ti taekina te b'ai are I tuangiia.

Ieremia 25:2

Ao I taku nako ia kaain Iuta ma Ierutarem,

Ieremia 28:5

Ao a bon tei naba ibonga ma aomata tabeman n te tabo arei, ai ngaia are I taetae ni kaangai:

Ieremia 36:10

Ao i mwiina, ngke a bane n ongora aomata, ao e a wareki b'aai ni kabane ake I a tia n taekin B'aruka man te niira ni boki. E karaoa aei i nanon te Tembora, man ana ruu Kemaraia are natin Tiaban te mm'aane, are te tia koroboki n bowi ni kaburebure. E mena ana ruu n te katawanang are ieta i rarikin te tabo n rin nakon Mataroan te Tembora are e Boou.

Ieremia 42:4

Ao I taku, “E tamaroa, N na tataro nakon te UEA ae Atuami, ao N na manga tuangkami te b'ai are E taekinna.”

Ieremia 7:2

ao n tuangiia aomata ake a na nako n rin te b'ai are E taekinna te UEA

Ieremia 7:27

Ieremia, e ngae ngkana tao tera ae ko karaoia, ma a na bon aki ongo naba aomata.

Etekiera 3:10

Kakauongo raoi nakon b'aai ni kabane ao karaua iangoia.

Etekiera 33:7

I a tia n rineiko Etekiera b'a kona taratara i bukiia Iteraera. Ma ngaia ae ko na kakauongo nakon te b'ai ae I taekinna, ao i mwiina, ko na kauringiia i buku.

Etekiera 40:4

E taku te m'aane arei, “Etekiera, ae natin te aomata, karekea raoi matam ni b'aai nako aika N na kaoti nakoim, bon anne bukina ngkai ko kairaki nako ikai. Kakauongo raoi, i bukina b'a ko na manga tuangiia aomata te b'ai ae ko nooria.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Ruka 19:47

Ao E reirei Iesu n te um'antabu n te bong ae koraki. A ukoukora aroni kamateana ibonga ake mataniwi ma taani koroboki ao mataniwiia aomata,

Ioane 18:20

E kaeka Iesu ao E taku, “I a tia n taetae n aki karabaai nakon te aba; I aki toki n reirei ni m'aneabaia nako I-Iutaia ao i nanon te Tembora, ao a bane n roroko I-Iutaia; ao I aki atonga te b'ai teuana ni karabaa.

Ioane 8:2

Ngke e a tib'a moa n ingabong, ao E a manga oki nakon te Tembora. A bane nakoina aomata, ao Ngaia E tekateka ao E reireiia.

M'akuri 20:20

Bon akea naba te b'ai teuana ae manena ae I taua n aki kaotia nakoimi, ma n aki reireingkami iai i mataia aomata ao n auti nako.

M'akuri 20:27

B'a akea te b'ai teuana n ana kaantaninga te Atua ae I taua n aki taekinna nakoimi.

M'akuri 5:25

Ao e roko temanna, ao e tuangiia, ni kaangai, “Noria! Aomata ake kam kaakiia i nanon te karabuuti a tei i nanon te Tembora n reireiia aomata!”

M'akuri 5:42

Ao a aki toki n reirei n te bong ae koraki, ma n atoatonga Iesu b'a te Kristo n te Tembora, ao n te auti teuana ma teuana.

Te Tua-Kaua 12:32

Ongotaeka nakon taian tua ma reirei aika I anganingkami. Tai manga karakai riki tabeua nakon aikai, ao tai kaaki naba tabeua man aikai.

Te Tua-Kaua 12:5

Kam nang ri nanon te Karaanga are te Ioretan n te tai ae e aki maan, ao E na buokingkami te UEA ni kataenikaia ami kairiribai,

Te Tua-Kaua 4:2

ao ngkai E a manga riki b'a Atuami. I taekin nakoimi tuua ni kabane ake E tuangai, ma ngaia are, kam na aki karakai ke ni kanakoi b'aai tabeua man tuua akanne.

Iotua 8:35

Bon akea te tua teuana ae aki warekia Iotua nakoia aomatan Iteraera ni kabane, m'aane, aine, ataei, ao iruwa naba ake a maeka i buakoia.

Te Kaotioti 22:19

ao ngkana iai te bae e kamaunaa te aomata man taeka ni burabeti n te nira ni boki aei, ao te Atua E na anaa mai rouna tib'angana n te kai ni maiu ao man te kaawa are tabu, ake a koreaki taekaia n te niira ni boki aei.