Ieremia 25:3 - Te B'aib'ara

³ “Ai 23 te ririki ngkai man te moan tai are e uea iai Iotia, ao I a kaman tuangkami te b'ai are e tuangai te UEA. Ma kam tuai mani kan ongo.

Ieremia 25:3 Iomraidhean Croise

Karikani B'aai 22:3

Ao n te karangaina are i mwiina, ao e korokoroi ana aia Aberaam i bukin te karea, e katokai i aon te aati, ao e kaira Itaaka ma uoman ana toro. Ao a m'ananga nakon te tabo are E a tia n tuangnga te Atua.

1.Uea 22:3

Ao e titirakiniia ana taani kairiiri Aaba ni kaangai, “E aera ngkai ti tuai ni kataia ni kaoka Ramota Kireata mairouia kaain Turia? Bon abara.”

2.Uea 17:13

Ma ngaia are, E tuangiia burabeti te UEA b'a a na bon riai ni kauringiia Iteraera ao Iuta n taeka aikai, Boni Ngai ae te UEA, ao I tuangkami b'a kam na katoka karaoan taiani bure, ma ni manga moana te ongotaeka nakon Au tua ma au reirei. I anganiia ngkoa ami bakatibu, ao I a manga tuangiia Au taani m'akuri ake burabeti b'a a na manga kaoki n taekini nakoimi.

2.Rongorongo 24:19

ma E bon teimatoa naba ni kananakoia burabeti ake a na kauringiia b'a a na rairaki nako ina. Ma a aki kan ongo aomata.

2.Rongorongo 34:1

Ai tib'a wanua ana ririki ni maiu Iotia ngke e riki b'a te uea i aon Iuta, ao e tautaeka i nanon tenibwi ma teuana te ririki mai Ierutarem.

2.Rongorongo 34:3

Ngke ai tib'a tebwi ma onoua ana ririki ni maiu Iotia ao e a moana taromaurian te Atua, n aron are e a tia ni karaoia ana bakatibu are Tawita. Aua te ririki i mwiina, e a baaireia b'a e na urui baangotan te aba i Iuta ao i Ierutarem, ao ai uana naba ma taian boua aika a tabu i bukin taromaurian te anti te aine are Nei Atera ao bouanantin antiia ianena.

2.Rongorongo 34:8

N ana katebwi ma wanua n nam'akaina n tautaeka Iotia i aon Iuta, ngke e a tia ni kamaunai b'aai ni kabane aika a buakaka mai aon te aba ao man ana Tembora te UEA, ao e a kanakoia teniman ana mataniwi b'a a na onob'aia ana Tembora te UEA. Aomata aikanne bon Tiaban are natin Ataria te m'aane, te kowana i Ierutarem are Maateia, ao Ioa are natin Ioati te m'aane, are e kaawakini rongorongon te tautaeka.

2.Rongorongo 36:15

Ma e nanoangaiia ana aomata te UEA ae te Atua, ao e aki uruaka te Tembora, ma e a kanakoia taiani burabeti are e aki toki ni kauringiia aomata i bukin aia bure.

Taian Areru 81:13

Bon au kaantaninga b'a a bia ongo irou au botannaomata! A bia ongotaeka irou!

Te Otinako 8:20

E taku te UEA nakon Moote: N te moaningabong n ningabong, ngkana e tabe ni m'ananga te uea nakon te karaanga, ko na nako ni kaangai nako ina, ‘E taku te UEA b'a ko na kanakoia Ana aomata, b'a a aonga ni konaa n taromauriia.

Itaia 55:2

E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

Ieremia 1:2

E moana taetaena te UEA nako iu n ana katebwi ma tenua n ririki Iotia are natin Amon te mm'aane n uea i aon Iuta,

Ieremia 11:7

I a kaman tuangiia ami aomata man te tai are I kaotinakoa ami bakatibu mai Aikubita, b'a a na ongotaeka i Rou. Ma kam a tia n taningabono

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 22:21

I kauringko, i nanon taai aika a raoiroi. Ma ko katinanikuai, n aron are ko a tia ni karaoia naba ngkoa ngke e uarereke Iteraera.

Ieremia 25:4

E a tia ni kanako ia burabeti nako imi te UEA man te tai teuana nakon te tai teuana, ma kam rawa n ongo.

Ieremia 26:5

I aki toki ni kaakanakoia Au burabeti b'a a na kab'arab'ara nako imi, ma kam bon aki kubariia naba. Ao ngkai I a kauringkami b'a ngkana kam aki moana ongotaekami i Rou,

Ieremia 29:19

E na riki aei nako ia i bukina ngke a aki ongotaeka nakon te rongorongo ae I teimatoa ni kanakoa nako ia rinanoia Au taani m'akuri aika burabeti. A rawa n ongo.

Ieremia 32:33

A tinanikuai; e ngae ngke I teimatoa n reireiniia, a bon aki kan ongo ke n reireiniia aroia ae e raoiroi.

Ieremia 35:14

man ana kaainga kanoan Rekaba. E tuangiia ana kariki Ionataba b'a a na aki momooi n te wain, ao a ongotaeka iai ni karokoa te bong aei. Ma I aki toki n taetae nako imi, ao kam aki ongotaeka i Rou!

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 36:1

I nanon ana kaua n ririki Ieoiakim are natin Iotia te mm'aane ni uea i aon Iuta, ao E taetae te UEA nako iu ni kaangai, “Ieremia,

Ieremia 36:2

I a kaman taetae nakoim i bukin Iteraera, ma Iuta, ao botannaomata ake tabeua man ana tai Iotia ni uea. Ngkai ko na anaa te niira ni boki ao koroi i aona b'aai ni kabane aika I tuangko,

Ieremia 44:4

I aki toki ni kakanakoa Au burabeti ae Au tia m'akuri b'a e na taetae nako ia kaain Iuta ni kaota ribaakin aia bure aika a buakaka. A kauringaki irouia burabeti b'a a na katoka karaoan te bure,

Ieremia 7:13

I kataia n taetae nako imi ngke kam tabe ni karaoa te bure, ma kam aki kan ongo.

Ieremia 7:25

Man te tai are a kiitana iai Aikubita ami bakatibu, I kanako ia au taani m'akuri aika burabeti b'a a na taetae i buku.

Etekiera 33:4

Ngkana e ongo temanna ma n aki tabe iai ao e a roko te kairiribai n tiritiri, ao e akea ae e na bukinna i bukin matena.

Tekaria 1:4

Kam na aki taningabono n aroia ami bakatibu. A kauringaki irouia burabeti ake mai m'aaina b'a a na kaaki aia m'akuri aika a buakaka ma n okirai, ma a bon aki kan tabe.

Mareko 1:35

N te bong are i mwina, n te tai ae boni maan i m'ain otin taai, ao E uti, ao E oti nako, ao E nako n te tabo ae akea te maeka iai, ao E tataro iai.

Ioane 8:2

Ngke e a tib'a moa n ingabong, ao E a manga oki nakon te Tembora. A bane nakoina aomata, ao Ngaia E tekateka ao E reireiia.

Ioane 8:47

Ane mairoun te Atua, ao e ongo ana taeka te Atua; ma tiaki mairoun te Atua ngkami, ma ngaia ae kam aki kan ongo.”

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.