Ieremia 25:1 - Te B'aib'ara

¹ I nanon ana kaaua n ririki n uea Ieoiakim are natin Iotia te mm'aane n uea i aon Iuta, ao e reke irou te rongorongo mai roun te UEA ae taekaia kaain Iuta.

Ieremia 25:1 Iomraidhean Croise

2.Rongorongo 36:4

Ao i mwiina, e rinea tarin Ieoaati are Eriakim te uea are Neko b'a e na uea i aon Iuta ao e kab'aka arana nakon Ieoiakim. Ao e kaira nako Ieoaati nako Aikubita b'a te taenikai.

2.Rongorongo 36:6

I nanon ana tai n tautaeka Ieoiakim, ao e buakana Iuta uean B'aburon are Nebukaneta. E katika Ieoiakim ao e kabaea n taian tiein, ao e uotia nakon ana kaawa n tautaeka are ae e buubura are B'aburon.

Ieremia 1:3

ao E teimatoa n taetae nako iu i nanon ana tai n tautaeka natin Iotia are Ieoiakim te mm'aane. Ana kabanea n taetae te UEA nako iu bon n te kanimaua n nam'akaina n ana katebwi ma teuana n ririki Tetekia are natin Iotia te mm'aane n uea. Bon anne naba te tai are a uotaki nako iai kaain Ierutarem b'a taenikai.

Ieremia 32:1

E taetae te UEA nako iu n ana katebwina n ririki te uea are Tetekia i aon Iuta, are bon ana katebwi ma wanua n ririki te uea are Nebukaneta n uea i aon B'aburon.

Ieremia 35:1

Ngke e uea Ieoiakim i aon Iuta, E taetae te UEA ni kaangai,

Ieremia 36:1

I nanon ana kaua n ririki Ieoiakim are natin Iotia te mm'aane ni uea i aon Iuta, ao E taetae te UEA nako iu ni kaangai, “Ieremia,

Ieremia 45:1

N ana kaaua n ririki Ieoiakim i aon Iuta, ao e koroi b'aai ni kabane B'aruka ake I tuangnga.

Ieremia 46:2

N ana kaaua n ririki ni uea Ieoiakim i aon Iuta, e a taenikai uean Aikubita are Neko i roun Uean B'aburon are Nebukaneta n te buaka n te kaawa are Kakemiti i rarikin te Karaanga are Iuberetiti. Ao aei are E tuangai te UEA b'a N na taekinna i bukin ana taanga ni buaka Aikubita:

Ieremia 7:1

E tuangai te UEA b'a N na tei i rarikin mataroan te Tembora

Taniera 1:1

I nanon ana katenua n ririki ni uea teuare Ieoiakim i aon Iuta, ao e m'aati uean B'aburon are Nebukaneta ma ana taanga ni buaka b'a e na taua Ierutarem. Ma ngaia are, a katobibia te kaawa b'a a na taua.

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.

Taniera 2:1

Ao e mii te uea are Nebukaneta i nanon ana kauoua n ririki n uea, ao e rangi n tabetabe nanona ni miina arei n te aro are e aki reke matuuna iai,