Ieremia 23:21 - Te B'aib'ara

²¹ I bon aki kanako ia burabeti aikai ke n tuangiia b'a a na taetae nako imi, ma a biri ni kakaeingkami ma n tataekina aia rongorongo nako imi.

Ieremia 23:21 Iomraidhean Croise

Itaia 6:8

Ao i mwiin aei, ao I ongo ana taeka te UEA ae e kaangai, “Iai ae e konaa n nako? Iai ae e na nako i bukira?” Ao I kaeka ni kaangai, “N na nako, kanakoai!”

Ieremia 14:14

Ao E kaeka te UEA ni kaangai: A taku b'a a taetae i buku, ma a kewe! I bon aki taetae naba nako ia teutana, ao I bon aki rineia b'a au burabeti. A taetae ma ni miia aika akea manenaia, ao taeka ni kaiwa aika akea manenaia, ao oin aia iango.

Ieremia 23:32

Kakauongo nakon te b'ai ae N na taekinna Ngai are te UEA! I kaaitaraia burabeti aika a taekin miia aika a on n taian kewe. A taekin taian mii aikai ao a kairiia aomata nako n aia kewe ma aia kainikatonga. I bon aki kanako ia ke n tuangiia b'a a na nako, ao bon akea te buoka ae e konaa n reke mairouia. Bon aei Au taeka Ngai ae te UEA.”

Ieremia 27:14

A a tia n tuangngkami ami burabeti b'a akea manenan te ongotaeka i roun Nebukaneta, ma kam na aki ongo n aia kewe.

Ieremia 27:15

A taku burabeti aikai b'a a taetae i bukin te UEA, ma E bon aki kanako ia te UEA. A kewe! Ngkana kam karaoa ane a taku, ao kam na kaai n uaakinaki ma ngaia nakon te aba teuana ma n tiringaki. Bon anne Ana taeka te UEA.

Ieremia 28:15

Ao i mwiina, I tuanga Anania te baei, ao I a manga taku, “Ongora, Anania! E aki kanakoko te UEA, ao ko karaoia aomata aikai b'a a na kakoaua te kewe.

Ieremia 29:31

nako ia kaain Iuta ake a uotaki nako B'aburon. I koreia i nanon te reta aei te b'ai are e taekinna te UEA: Bon te UEA Ngai ae I aki rinea Temaia b'a e na riki b'a temanna te burabeti, ao e kam'aneingkami ngke e keweingkami n arau.

Ieremia 29:8

Bon te UEA Ngai ae Atuaia Iteraera, ae I kauringkami b'a kam na aki kam'aneaki irouia burabeti akana a maeka i buakomi ke naake te koraki ake a taku b'a a konaa n taetae ni burabeti i bukin boong aika a na roko. Kam na bon aki tabe ma miia.

Ieremia 29:9

A taetae ni kewe nako imi n arau. I bon aki nako ia. Bon aei Au taeka Ngai ae te UEA.

Ioane 20:21

E a manga taku ngkanne Iesu nakoia, “E na mena te rau iroumi. I kanakoingkami n ai aron Tamau ngke E kanakomaiai.”

M'akuri 13:4

Ao ngaiia, ngke a kanakoaki iroun te Tamnei are Raoiroi, ao a nako Terukia ao a borau mai iai nako Kubero.

I-Rom 10:15

Ao a na kanga n tataekinna ngkana a aki kanakoaki? N ai aron are koreaki ni kaangai, “Ai tamaroa ra waeia ake a roko n uoti rongorongoni baika raraoi!”