Ieremia 23:17 - Te B'aib'ara

¹⁷ A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 23:17 Iomraidhean Croise

2.Tamuera 12:10

Ngkai ko aki ongotaeka irou ao ko anaa buun Uria b'a buum, ao e na aki konaa n reke te rau i nanon am utu.

Itaia 30:10

ao a tia n taetae ni kaangai nako ia ana tia uarongorongo nako ma ana burabeti nako: Kam na aki tuangiira te b'ai ae e a tia ni kaotia te Atua nakoimi ao kam na aki kab'arab'araa te koaua. Kam na ti taekina ae ti tangiria b'a ti na ongo, e aoria ngkana e kaairua.

Itaia 57:21

Ma I a tia ni berita Ngai ae te UEA b'a bon akea temanna ae e buakaka ae na maiu n te rau.

Ieremia 13:10

A buakaka kaain Iuta ao a taningabono. Ma ngaia are, ngkai a aki kakauongo i Rou, ma a karaoi b'aai aika a bon tangiria, ao a bon taromauri naba anti tabem'aang. Ngkana e tia te b'ai ae N na karaoia nako ia aomata aikai, ao a na riki b'a te b'ai ae akea manenana, a na riki b'a kaanga te kawaerake te kororo aei.

Ieremia 18:12

Ma I ataia b'a kam aki ongo. Ao kam na bon kaangai naba, “Ti aki tabe ma te b'ai ae Ko taekinna. Ti a tia n iangoia b'a ti na karaoa te bure, ao ti taningamatoa ma ni karaoa te b'ai ae ti bon tangiria!”

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 3:17

E na riki te kaawa ni kabane ae Ierutarem b'a au kaintokanuea. A na bane n nakomai botannaomata n taromauriai, ao a na aki manga iri nanon taningamatoaia ao nanoia aika a buakaka.

Ieremia 4:10

I taku, “Bon te UEA Ngkoe ae te Atua. Ko a tia n kam'aneia raoi kaain Ierutarem! Ko a tia n taekinna b'a e na roko te rau, ma e a roko te kabaang i roroaia?

Ieremia 5:12

A b'anganikewe aia burabeti ao a taku, “E aki konaa ni katuaaira te UEA. Ti na maeka ma te rau ao a na m'aiti karara.”

Ieremia 6:14

Ti te b'ai ae a konaa n anga nako ia au aomata aika a rangi n ikoaki kantaningaan te rau ae akea nanona.

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

Ieremia 8:11

Ti te b'ai ae a anga nako ia Au aomata aika ikoaki kaakaiaki bon kantaningaan te raoi ae akea nanona.

Ieremia 9:14

A taningabono ao a taromauria B'aara, n ai aron are a karaoia ngkoa aia bakatibu.

B'aeb'aeti 2:14

Akea riki te b'ai ae a kona n taekinna am burabeti, b'a ti te kewe aroia. A kam'anei ngkami n aia kab'arab'ara b'a aki kona ni kaoti ami bure nakoimi. A anganiko te koaua ae aongkoa ko aki kainanoa te raira n nano.

Etekiera 13:10

A rawa burabeti aika ni karaoa ae e raoiroi. A tuangiia aomata b'a e na reke te rau, e ngae ngke bon akea te rau ae e nooraki. Bon taani m'akuri ngaiia aika a taku b'a a konaa ni katoka ieien te oo ae e aki matoa ngkana a beniia.

Etekiera 13:19

A tuangiia aomata b'a a na uoti rekenibaia tabeua te abuta te b'are ao uoua taiani kariki, ao ngaiia a na anganiia taian rongorongo aika a kamamaaeai. A kabongana te kewe ni motikitaekaia aika a akea aia bure nakon te mate ao a buokiia taani bure n anganiia te inaomata. Ao a kakoauaaki irouia aia aomata!

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

Amota 9:10

A na bane ni mate taani bure aikai i buakoia Au aomata n te buaka, ma ai moaraara riki aomata ake a kaangai, ‘E na bon aki karokoa te kamamate te Atua i rarikira.’ ”

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Mika 3:5

A tia ni keweaki au aomata irouia burabeti ake a taetae ni burabetiia te rau nakoia ake a reke booia mairouia, ao te buaka nakoia ake a aki reke booia mairouia.

Teb'ania 1:12

“N te tai arei, N na anaa te taura mani kibeea nanon Ierutarem. N na oroia ake akea raraoman nanoia, man onimakiniia i bon irouia, man taku, “Akea te b'ai ae E kona ni karaoia te Atua nakoira, ni kakab'aiara ke ni karekekaira.”

Tekaria 10:2

Kam aki konaa n onimakini taian bouananti ma taani kaiwa, ke ni mwiokoa te kaantaninga ae kam karekea mairouia taan tabunea ma taani kab'ara mii. Ma kam a tia ni katai baikai ni kabane, ao kam a riki ngkai b'a kaanga taian tiibu aika akea te tia kaawakiniia.

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Warekaia Iteraera 11:20

A ngurengure nako iu, ao a tangiria n okira Aikubita. Ao ngkai a nang kang iriko ni karokoa marakin birotoia.

Ruka 10:16

“Ane ongo i roumi, ao e ongo naba i Rou; ao ane e ribaingkami, ao e ribaai naba; ao ane ribaai, ao e ribaa naba Teuare E kanakomaiai.”

Te Tua-Kaua 29:18

Ma ngaia are, kam riai ni kakoaua raoi b'a a bon kakaonimaki kaain ami baronga nako nakon te UEA ma n aki tataromauri bouanantin botannaomata tabeua. Ngkana iai mai roumi ae taromauri taian bouananti, ao kam na riki b'a kaanga wakaan te aroka ae rangi ni mao, ma ni kamaamate uaana.

Te Tua-Kaua 29:19

E ngae ngkana bon Iteraera ngkoe ae ko atai ni kabane kanoan te boraraoi ma te UEA, ma E na bon aki naba kakab'aiako ngkana ko kakaitaraa. Ko na taku i nanom b'a ko kona ni karaoia ao akea tuaam, ma ko na karika te kangaanga nakoia Iteraera ni kabane b'a a na katuaaeaki naba ma ngkoe.

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.