Ieremia 23:16 - Te B'aib'ara

¹⁶ Kam na aki ongo nakon aia kewe burabeti ni kewe aikai, ngkami aika kaain Iuta! Te rongorongo ae a tataekinna bon ti aia iango; e bon aki nako mairou, Ngai ae te UEA ae Moan te M'aaka.

Ieremia 23:16 Iomraidhean Croise

1.Uea 22:11

Ao Tetekia are natin Kenaana are temanna mai buakoia burabeti, e karaoa te koro man te biti, ao e takaarua ni kaangai, “Aaba, E taku te UEA b'a ko na buakaniia kaain Turia n aron te kaom'aane ma korona aika biiti mani kamaunai mataia.”

2.Uea 17:15

A katinanikua ana taeka ni kauring te UEA ma ana babaaire, ao a kaaki taekan te boraraoi are e a tia ni karaoia ma aia bakatibu. A taromauri bouananti ake akea maneia, ao a boni kakeai manenaia. E a tia n tuangiia b'a a na aki katotoongia botannaomata ianena ake i rarikiia ni b'aai aika a karaoi, ma a aki ongo Iteraera b'a a boni katotoongia naba.

2.Rongorongo 18:5

Ao e kawaekoaia abubua taiani burabeti te uea are Aaba ao e titirakiniia ni kaangai, “E riai b'a n na buakana te kaawa are e buubura are Ramota?” Ao e taku te burabeti, “Eng! E na buokiko te UEA n taua te kaawa anne.”

Taeka n Rabakau 19:27

Ngkana kam katoka te reirei, ao kam na m'aninga te b'ai ae kam a tia n ataia.

Ieremia 14:14

Ao E kaeka te UEA ni kaangai: A taku b'a a taetae i buku, ma a kewe! I bon aki taetae naba nako ia teutana, ao I bon aki rineia b'a au burabeti. A taetae ma ni miia aika akea manenaia, ao taeka ni kaiwa aika akea manenaia, ao oin aia iango.

Ieremia 2:5

ao N na taetae Ngai ae te UEA. I aki roko n te karaoa ae e buakaka nako ia ami bakatibu, ma a kiitanai ao a riki n aki manena ngke a iriia bouananti aika akea manenaia.

Ieremia 23:21

I bon aki kanako ia burabeti aikai ke n tuangiia b'a a na taetae nako imi, ma a biri ni kakaeingkami ma n tataekina aia rongorongo nako imi.

Ieremia 23:26

A nako b'aai ni kabane ake a taekin man nanoia aika a b'aoua. E na maanra aron te waaki aei?

Ieremia 29:23

Bon aei tokiia i bukina ngke a tia ni karaoa te bure ae e rangini buakaka—a tia ni wenenibure ao a tia n taekin taiani kewe n aran te UEA. E bon kaaitaraa nanon te UEA te aro aei, E ataa te b'ai are a tia ni karaoia, ao E bon riki b'a te tia kakoaua ni kaaitaraia. Bon aei au taeka Ngai te UEA.”

Ieremia 29:8

Bon te UEA Ngai ae Atuaia Iteraera, ae I kauringkami b'a kam na aki kam'aneaki irouia burabeti akana a maeka i buakomi ke naake te koraki ake a taku b'a a konaa n taetae ni burabeti i bukin boong aika a na roko. Kam na bon aki tabe ma miia.

Ieremia 9:12

I taku nakon te UEA, “Bon akea mairoura ae e ataia b'a e aera ngkai e a riki te aba b'a te rereua ae e aki totouaki. Ko aki kab'arab'ara b'a tera bukina?”

Ieremia 9:20

“Ti butingkami aine b'a kam na kakauongo raoi nakon te b'ai ae E taekinna te UEA. Ti na reireiningkami te anene ni mate are kam konaa ni manga reireiniia natimi aine ma raoraomi:

B'aeb'aeti 2:9

A na m'akoroua ma n inako atiibun mataroana n te tano, E na otouai kaai ake b'ain kainan te mataroa. A uotaki nako ngkai b'a taenikai uea ma aomata ake a kakannato. Akea te reirei n te tua, ao akea naba te kaotioti mai iroun te UEA nakoia Ana burabeti.

Etekiera 13:16

i bukina ngke a berita nakoia au aomata b'a e na reke te rau. Bon aei au taeka Ngai ae te UEA.

Etekiera 13:23

N na bon aki manga kariaia aine aikai b'a a na anga te rongorongo ae a kaairua ma ni kamanenai taiani tabunea, ao N na kainaomataia au aomata man aia babaaire. Ao ane a na ataia iai b'a boni Ngai ae te UEA ae I karaoi baikai.

Etekiera 13:3

Boni Ngai ae te UEA ae te Atua ae I taekinna b'a e a roko te kangaanga i aoia burabeti aikai! A bon aki noori taian mii ni burabeti-a bon otoi aia rongorongo i bon irouia!

Etekiera 13:6

A taekina te kewe burabeti aikai ngke a taku b'a a taetae i buku, ma I bon tuai rineia b'a au burabeti. A taku b'a e na koro bukin aia taeka.

Etekiera 22:28

Ao e a manga taorimwiia burabetin Iteraera ni karabaa ni buure aikai n ana kaotioti ni kewe. I bon tuai man taetae nakoia, ma a kewe b'a a taku b'a iai te rongorongo ae I anganiia.

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Mataio 7:15

Kam na kawakiningkami mairouia burabeti ni kewe, akana nako imi ni bakaaea te nimamannei kaanga ai aroia tiibu, ma bon aroia kameanti aika tiritiri ni koaua uakekei.

I-Rom 1:21

A ata te Atua, ma a aki anganna neboana ngkai te Atua Ngaia, ao a aki kaitaua; ma a riki aia iango b'a baika akea bonganaia, ao a karooaki nanoia aika aki wanawana.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.