Ieremia 23:15 - Te B'aib'ara

¹⁵ Kam a tia ngkami aika burabetin Ierutarem ni kabutaa nako te aoraki nakon taabo nako. Ao bon anne bukina ngkai I berita Ngai ae te UEA b'a N na anganingkami te boitin ae moan te korakora b'a kam na kanna ma n nimma.

Ieremia 23:15 Iomraidhean Croise

Taian Areru 69:21

Ngke I baki, ao a anganai te am'arake ae kanga e kaboitinaki; Ngke I taka, ao a anganai te moi ae mao ae kamangingi.

Ieremia 14:15

A taku burabeti ni kewe aikai b'a e na reke te rau ma te am'arake ae e m'aiti. Ma I tuangngkami b'a bon burabeti naba aikai aika a na mate n te buaka ao te baki.

Ieremia 8:14

A taku i bon irouia kaain Iuta, “Ao tera ae ti a tataningaia? Ti riai ni biri rikaaki nakon kaawa ake iai ooia ma ni mate ikekei. Ti a tia ni kakaitaraa te UEA, ao motikan taekara bon te tiringaki ni kamooaki n te boitin.

Ieremia 9:14

A taningabono ao a taromauria B'aara, n ai aron are a karaoia ngkoa aia bakatibu.

Ieremia 9:15

Ma ngaia are, I berita Ngai ae te UEA ae Moan te M'aaka, ae Atuaia Iteraera, b'a N na kaboitiniia ni kaam'arakeia ma ni kamooia.

B'aeb'aeti 3:15

Bon akea riki kanau mai rouna b'a ti te rawaawata ao te maraki.

B'aeb'aeti 3:19

Te b'ai ae kamaamate irou, ururingan marakiu ma tiotionakou.

B'aeb'aeti 3:5

E kainai i nanon karabuutin te kananoanga ma te rawaawata.

Tekaria 13:2

E taku te UEA ae Moan te M'aaka: N na kamaunai ni kabane taian bouannanti mai aon te aba ngkana e roko te tai arei, ao e na m'aninga te aba taekaia n aki toki. N na bon kamaunaiia naba aia burabeti nako ma tamnei aika a kam'araa akana a tautaekaniia.

Mataio 27:34

Ao a angan Iesu te wain, ae renganaki ma te b'ai ae mao. Ma ngke E katongnga teutana, ao E aki kan nimma.

Te Tua-Kaua 29:18

Ma ngaia are, kam riai ni kakoaua raoi b'a a bon kakaonimaki kaain ami baronga nako nakon te UEA ma n aki tataromauri bouanantin botannaomata tabeua. Ngkana iai mai roumi ae taromauri taian bouananti, ao kam na riki b'a kaanga wakaan te aroka ae rangi ni mao, ma ni kamaamate uaana.

Te Kaotioti 8:11

Ao aran te itoi arei e atongaki b'a Mao: ao e riki ni mao kateni-m'akoron raan; ao a bati aomata ake a mate ngke a moi n raan akekei, i bukina ngke a riki ni mao.