Ieremia 23:13 - Te B'aib'ara

¹³ A rangi n ribaaki irou burabetin Tamaria, i bukina ngkai a kab'arab'ara n aran B'aara ao a kairiia nako aomata.

Ieremia 23:13 Iomraidhean Croise

1.Uea 18:40

Ao e taku Eria, “Tauia ana burabeti B'aara! Tai kabiri nakoa naba temanna.” Ma ngaia are, a raweia ana burabeti B'aara aomata ao a uotiia nakon te Karaanga are Kition, ike e a tiringiia iai Eria ni kabaneia.

2.Rongorongo 33:9

Ma a ongo kaain Iuta ma Ierutarem iroun Manate ao a karaoi riki taian bure aika a rangi ni buakaka nakon are a karaoia taiani botannaomata ake e kakioia nako ngkoa te UEA.

Itaia 9:16

A tia ni kairiia ni kab'akaia botannaomata n te kawai ae e kaairua, ao a mangaongao aomata irouia.

Ieremia 2:8

A aki kan ataai taian ibonga ake a reireiniia aomata au tua nako. A kakaitaraai ami taani kairiiri; ao ami burabeti a tataekina ana taeka B'aara ao a taromauriia atua ni kewe.

Ieremia 23:32

Kakauongo nakon te b'ai ae N na taekinna Ngai are te UEA! I kaaitaraia burabeti aika a taekin miia aika a on n taian kewe. A taekin taian mii aikai ao a kairiia aomata nako n aia kewe ma aia kainikatonga. I bon aki kanako ia ke n tuangiia b'a a na nako, ao bon akea te buoka ae e konaa n reke mairouia. Bon aei Au taeka Ngai ae te UEA.”

Ieremia 36:2

I a kaman taetae nakoim i bukin Iteraera, ma Iuta, ao botannaomata ake tabeua man ana tai Iotia ni uea. Ngkai ko na anaa te niira ni boki ao koroi i aona b'aai ni kabane aika I tuangko,

Otea 4:11

ao a tia n aki kakaonimaki nako iu, Ngai ae aia UEA. Kam nanobaba Au aomata b'a kam rangi ni kam'aita iangoan te kukurei ma iangoan te wain.

Otea 4:12

Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.

Mika 1:5

A riki baikai i bukina ngkai a tia ni bure, ao n aki ongotaeka Iteraera nakon te Atua. Tiaki bon Tamaria ae e riai ni bukinaki i bukin ana aki ongeaba Iteraera, ngkai boni ngaia te kaawa ae atuun Iteraera? Antai ae e na bukinaki n ana bure Ierutarem ngkai boni ngaia te kaawa ae atuun Iuta?