Ieremia 23:11 - Te B'aib'ara

¹¹ E taku te UEA b'a N na taetae ni kaangai: E bon rangi n uarereke iangoakiu Ngai ae te UEA iroumi ngkami aika burabeti ma ibonga, n te aro are kam bure naba nakon oin au Tembora!

Ieremia 23:11 Iomraidhean Croise

2.Rongorongo 33:5

tataromauriaki iai te UEA. E katikui taian baonikarea aikai ni katawanangin te Tembora ake uoua

2.Rongorongo 33:7

e kakawaria taan kaiwa i bukin buokana ao e anga natina te m'aane b'a a na karea n te M'arua are Innom. E bon karaoi naba taiani bure aika a rangi ni buakaka ake tabeua ao e rangi ni kauna te UEA. N ririki aika a nako, e a tia n tuanga Tawita ma Toromon te UEA: Ierutarem bon te tabo are I tangiria nakon taabo ni kabane i aon Iteraera. Bon au b'ai, ao n na taromauriaki i nanon te Tembora n aki toki.

2.Rongorongo 36:14

Ao a rikirake n aki rangi ni kakaonimaki riki kaain Iuta ao bon taian ibonga naba ake taan kairiiri. A katotoongaia botannaomata ake i rarikiia ni karaoi m'akuri aika a rangi n ribaaki ao a karika ana Tembora te UEA b'a e na aki raoiroi i bukin te taromauri.

Etira 10:18

Ao aikai araia ibonga ake a tia ni kariaia n raure ma buuia aika Ianena ma n kareana te tiibu te m'aane b'a te karea ni kab'arabure: Maateia, Erietera, Iariba, ao Ketaria man ana utu Iotua are natin Iotataka ma tarina m'aane;

Ieremia 11:15

Ao i mwiina, e tuangai te UEA b'a n na taetae ni kaangai nako ia kaain Iuta: Bon Au aomata ngkami aika kam rineaki, ma bon akea riaimi ni mena ikai i nanon au Tembora, ni karaoi m'akuri aika a buakaka. A na bon aki konaa ni kamanoingkami man taian kabuanib'ai ami karea akana kam anga nako iu, ma ngaia are, kam riai ni katoka karaoan ami bootaki.

Ieremia 23:15

Kam a tia ngkami aika burabetin Ierutarem ni kabutaa nako te aoraki nakon taabo nako. Ao bon anne bukina ngkai I berita Ngai ae te UEA b'a N na anganingkami te boitin ae moan te korakora b'a kam na kanna ma n nimma.

Ieremia 32:34

A a tia ni katei taian bouananti i nanon au Tembora, ao ngkai e a aki tau i bukin taromauriau.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 50:6

Au aomata, bon atiibu ngkami aika kam m'arua nako aika a kiitanaki i roun aia tia kaawakintiibu. i aoni maunga. Kam bon aki ururinga naba ami tabo ni motirawa.

Ieremia 6:13

A bane aomata n nanonrang ma ni buakaka, te kaub'ai ma te kainano. Ni karokoa naba taian burabeti ao ibonga bon akea naba onimakinaia.

Ieremia 7:30

Kam a tia n aki ongotaeka i Rou ngke kam karin taiani bouannanti aika a rangi n ribaaki i nanon au Tembora, ao ngkai e a rangi n ribaaki te Tembora i Rou.

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

B'aeb'aeti 2:20

Taraia Atuau! E aera ngkai Ko katuaaira n aron aei? A manga bon kang rab'ataia aia ataei aika a tangiriia tiina! A bon tiringaki ibonga ma burabeti n te Tembora!

Etekiera 23:39

A kabuakaka au Tembora ni bon te bong are a anga iai natiu b'a aia karea nakon taiani bouannanti!

Etekiera 44:10

Iai tabeman kanoan Rewi aika a tannako mairou ao a raoniia Iteraera tabem'aang ake a taromauri taian bouannanti. Ma ngaia are, a na riai ni katuaaeaki kanoan Rewi aikai!

Etekiera 7:20

Kam na rangi ni kainikatonga ni kamanenaakin ami b'ai ni katamaroa ni karaoa iai te bouannanti i bukin antiia ianena aika a rangi n ribaaki. Ma ngaia ae, N na karika ami b'ai ni katamaroa b'a baika a akea manenaia.

Etekiera 8:11

A tei ikekei itingaun taani kairiiri mai Iteraera, n reitaki ma Iaatania are natin Tiaban te m'aane. A bane taani kairiiri n taui b'ain kabuokan taiani b'ai ni kaboiarara n tatabemaniia nako, ao e onrake nanon te ruu arei n te boiarara.

Etekiera 8:16

Ao I a manga kairaki nakon katawanangin te Tembora, ike a noori uangaun ma niiman aika a tei i rarikin te mataroa n rin, i marenan te b'aranta ao te baonikarea. A akuuna ana Tembora te UEA, ao a boobaraaki nakon otin taai.

Teb'ania 3:3

A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.

Teb'ania 3:4

A akea onimakinaia burabeti, b'a a aki kakaonimaki: Ibonga a kabaarekai baike a tabu ao a minota ana tua te Atua nakon oin nanoia.