Ieremia 23:1 - Te B'aib'ara

¹ Ngkami aika taan kairiia Au aomata, ti te bo ngkami ma taan kaawakintiibu aika kam tiringiia tiibu ma ni kamaaenako ia.

Ieremia 23:1 Iomraidhean Croise

Ieremia 10:21

Ma I kaangai nako ia, “Bon taian nanobaba ara taani kairiiri i bukina b'a a rawa n ongo i roun te UEA. Ai ngaia ae ti a maae nako kaanga tiibu.

Ieremia 12:10

E a urubekebeke abau ae moan te tamaroa kaanga te tawaana ke te nne n aroka ni kureebe ae e kamanatuaaki irouia te nanai n tiibu ma ni kaboraaki aona irouia te nanai ni kao.

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Ieremia 2:26

Kam rangi ni kamaamaaeaki riki ngkami ma ami taani kairiiri nako ia aomata aika a kimoatoo kam taromauri bouananti aika atiibu ao boua aika a tabu

Ieremia 2:8

A aki kan ataai taian ibonga ake a reireiniia aomata au tua nako. A kakaitaraai ami taani kairiiri; ao ami burabeti a tataekina ana taeka B'aara ao a taromauriia atua ni kewe.

Ieremia 22:22

Ngkai ko nang kab'ainrangaki i bukin am bure nako. A na kamaunaaki nako am taan kairiiri n te ang, ao botannaomata ake ko onimakiniia a nang kataenikaiaki ma ni katikitikaki nako abaia ianena.

Ieremia 23:2

Kam kaantaningaaki b'a kam na kaawakiniia Au aomata, ma ngaia kam a manga kakionako ia. Ma ngaia are, N na katuaaingkami n te tuua ae korakora ngkai, ni kabooa mwiin te kaairua ae kam a tia ni karaoia.

Ieremia 50:6

Au aomata, bon atiibu ngkami aika kam m'arua nako aika a kiitanaki i roun aia tia kaawakintiibu. i aoni maunga. Kam bon aki ururinga naba ami tabo ni motirawa.

Etekiera 13:3

Boni Ngai ae te UEA ae te Atua ae I taekinna b'a e a roko te kangaanga i aoia burabeti aikai! A bon aki noori taian mii ni burabeti-a bon otoi aia rongorongo i bon irouia!

Etekiera 34:1

E taku te UEA:

Etekiera 34:21

Kam a tia ni kamanenai koromi aika a korakora ngkami aika kam korakora ni kakioia nako aika a mamaara,

Etekiera 34:31

Bon Au tiibu ngaiia; ao Ngai Atuaia, ao boni Ngai ae I kaawakiniia.

Etekiera 36:38

A na manga kaonaki taiani kaawa aika a wene n uruaki n taian aomata, n aron Ierutarem ngkoa ngke e onrake n taian tiibu ake a na kareanaki i bukin te toa. Ao ane kam na ataia iai b'a bon te UEA Ngai.

Tekaria 10:3

I rangi n un Ngai ae te UEA ae Moan te M'aaka iroumi ngkami aika taani kairiiri ao N na katuaaingkami. I tararuaia Au aomata, ae te botannaomata ae Iuta, ao N na bita te nanai n tiibu aei nakon te taanga ni buaka aika toka i aoia aoti.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Mataio 9:36

Ngke E noriia aomata aika rangi ni bati, ao E nanoangaiia: kaanga ai aroia tiibu aika tiku n akea te tia kawakinia.

Ioane 10:10

Bukin rokon te tia iraa bon ti te iraa, te kamaamate ao te urub'ai; ma I roko b'a e aonga n reke i rouia te maiu ae koro raoi arona.

Ioane 10:12

Te aomata ane kaboaki ana m'akuri, ane tiaki te tia kawakin tiibu ao tiaki ana man tiibu, ngkana e nora te man ae tiritiri b'a e roko, ao e biri nako ni kitaniia tiibu; e rawea temanna te tiibu te man are tiritiri n tenaia, ao e kauamaaei ake nikiraia.

Ioane 10:8

Taan iraa ao taani kam'arua te koraki ni kabaneia ake a roko i m'aiu; ma a aki ongo tiibu i rouia.