Ieremia 22:9 - Te B'aib'ara

⁹ Ao ane a na kaeka tabem'aang ni kaangai, “I bukina ngke a taromauriia antiia ianena aomata ma n urua aia boraraoi ma te UEA ae Atuaia are e a tia ni karaoia ngkoa ma ngaiia.”

Ieremia 22:9 Iomraidhean Croise

1.Uea 9:8

E na riki te Tembora aei b'a te b'ariko n atiibu. A na tiaoki akana a nakonako i rarikina, ao a na titiraki ni kaangai, E aera ngkai E karaoa te b'ai ae e kakamaaku aei nakoia ana Aomata ma ana Tembora?

2.Uea 22:17

A tia kaain Iuta ni katinanikuai. A tia n angakarea nakon antiia Ianena ao a tia naba n taromauriia oin aia bouananti. I a bon aki konaa n taotaona nanou mai iai. E a rangi ni maraki nanou.’ ”

2.Rongorongo 34:25

A tia kaain Iuta ao Iteraera n aki kubarai. A tia n anga karea nakoia antiia ianena ao a tia naba n taromauriia aia bouannanti ake bon aia b'ai. I a bon aki konaa aroia aei. I a rangi n un irouia.

Ieremia 11:10

A a bon tia naba ni bure n aroia aia bakatibu, n aroia ngke a rairakinako mairou ao a manga taromauriia anti tabem'aang. E a tia te abanuea meang are Iteraera n urua te boraraoi are I karaoia ngkoa ma aia bakatibu, ao ngkai e a manga karaoa naba anne te abanuea maiaki are Iuta.

Ieremia 16:11

Ao i mwiina, ko na tuangiia te b'ai ae I a tia n taekinna: Kaain Iuta, a tannako ngkoa ami bakatibu ma i Rou, a katinanikui Au tua ao Au reirei ao a manga moana taromaurian anti tabem'aang.

Ieremia 50:7

Boni Ngai ami tabo n uteute, te tabo teuana are e anga te kaantaninga nako ia ami bakatibu. Ma kam kiitanai, ma ngaia are, ngkana kam reke irouia ami kairiribai, ao bon akea aia bure iai ngkana a kab'autingkami.

Ieremia 9:13

E taku te UEA: I kamaunaa te aba i bukina b'a a aki ongotaeka aomata i Rou ao a katinanikui au Tua nako ma au Taeka n reirei nako.

Etekiera 12:16

Iai tabeman aika a na reke maiuia i mwiin te buaka, te mate ni baki, ao man te aoraki ae e kamaamate. Anne aroia are a na konaa iai n tuangiia iai ianena korakoran ribaakin aia bure, ao bon te UEA ae E katuaaia n aron aei.

Etekiera 14:23

Ane ko na kakoauaa b'a boni Ngai ae te UEA ae te Atua ae riai ngkai I karaoa aei.

Etekiera 39:23

A na ataia botannaomata aika ianena b'a a kairoroaki Iteraera b'a a na kiitana oin abaia i bukina ngkai a bure nako iu. I tannako mairouia Au aomata ao I kariaia taiani kairiribai b'a a na buakaniia ma n tiringiia.

Etekiera 5:15

botannaomata ianena ma ni b'ainingareingkami, ma a na bon tiaoki naba ao ni maaku n te b'ai are I karaoia n uniu.

Te Tua-Kaua 29:24

Ao ane a na titiraki aomatan botannaomata tabeua ni kaangai, E aera ngkai E kamaunaa te aba aei te UEA? Tera ae E a rangi n un iai?