Ieremia 22:5 - Te B'aib'ara

⁵ Ma ngkana kam aki katinanikuai, ao I berita ni bon arau b'a e na wene n uruaki te bareti aei.

Ieremia 22:5 Iomraidhean Croise

Karikani B'aai 22:16

“N na karaoa te berita i bon irou, bon Ana taeka te UEA, N na boni kabatia kakab'aiakim. I bukina ngkai ko a tia n aki taua natim te mm'aane ae am rikitemanna nako iu,

2.Rongorongo 7:19

Ma ngkana ko aki ongotaeka ngkoe ke temanna mai rouia Iteraera ke ni manga waakina taromauriakiia anti ianena,

2.Rongorongo 7:21

E rangi n tamaroa ngkai te Tembora, ma ngkana iai te b'ai ae e riki, ao aomata akana a nakonako i rarikin te Tembora, a na mimi, ao a na titiraki ni kaangai, “E aera ngkai E a karaoa te b'ai ae moan te kakamaaku aei nakoia ana aomata ao te Tembora aei?”

2.Rongorongo 7:22

Ao ane a na kaeka ni kaangai, “I bukina b'a a aki kubara te UEA ae Atuaia Iteraera, are e a tia ni kamaiuia aia bakatibu mai Aikubita, ao a manga moana taromauriakiia anti tem'angina.”

Taian Areru 95:11

Ma ngaia are I taetae n un ao I kab'aka au berita ‘kam na bon aki kona n rin n te aba are N na kaman tia n anganingkami iai te motirawa.’ ”

Itaia 1:20

Ma ngkana kam katei nako iu, ao kam na tiringaki irouia ami kairiribai. Bon aei au taeka Ngai ae te UEA.

Ieremia 12:7

I tangiriia Au aomata ao I rineia b'a bon Au b'ai ni koaua. Ma ngkai N nang katinanikuia ma n anga ngaiia nako ia aia kairiribai nako.

Ieremia 17:27

Ma ngkana kam teimatoa n uouoti b'aai i nanon mataroan te kaawa akanne n te Kaitibong ao n teimatoa n karaoia b'a te bong n aki akaaka, ao N na kaurai taian mataroa aikai ma ni kab'aka te kaawa, n reitaki ma nonona nako.

Ieremia 26:4

Kam a tia n rawa n ongo i Rou ma n aki ongotaeka nakon Au tua nako ma Au taeka n reirei nako.

Ieremia 39:8

Inanon te tai anne, a tia ni kabuoki taian auti ana taanga ni buaka B'aburon i Ierutarem, n reitaki ma ana bareti te uea, ao a tia naba ni kab'akai nonon te kaawa.

Ieremia 44:26

Kaawakin taiani berita aikai! Ma N na ti tuangkami te b'ai ae e na riki. Ngkai bon te UEA Ngai ae te Atua, I tuea b'a N na aki manga butim'aai ami berita ake kam karaoi n arau.

Amota 6:8

E a tia n anga te kauring te UEA ae rietaata ae moan te m'aaka ni kaangai, “I bati n ribaai aia kamoamoa Iteraera: I bati n ribaai naba mwengaia aika a raraoi, ao N na anga aia kaawa ae atuun aia tautaeka nakoia aia kairiribai.”

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Mataio 23:38

Noria, e nang kitanaki ami um'antabu, ao a nang akea kaaina.

Ebera 3:18

Ao antai ake E taetae n tuea nako ia b'a a na aki rin i nanon ana motirawa? Tiaki ake a aki ongeaba?

Ebera 6:13

Ngke e anganaki Aberaam te taeka n akoi iroun te Atua, ao E tuea i bon i Rouna, ngke akea riki temanna ae kakannato riki nako Ina are E kona ni kamanena arana ngkana E tuea;

Ebera 6:17

Ma ngaia aei, b'a te Atua ngke E kani kaota raoi nakoia taani b'aib'ai n te taeka n akoi b'a E aki kona ni bita nanona are iai, ao E kamatoa ana taeka n akoi n te taeka ni berita,