Ieremia 22:21 - Te B'aib'ara

²¹ I kauringko, i nanon taai aika a raoiroi. Ma ko katinanikuai, n aron are ko a tia ni karaoia naba ngkoa ngke e uarereke Iteraera.

Ieremia 22:21 Iomraidhean Croise

2.Rongorongo 33:10

E kataia te UEA ni kauringa Manate ao aomata i bukin aia bure, ma aki tabeakina ana kauring.

Taian Areru 129:1

Iteraera, tuangiira aroia am kairiribai ni b'ainikiriniko ma ngke ko moa n riki b'a te botannaomata ngkoe.

Taeka n Rabakau 30:9

Ngkana e a manga rangi n rawata kanau, ao ane n na manga m'aninga taekam; ao ngkana e a manga aki tau, ao ane n na manga kimoa ma ni kamamaaea aram.

Itaia 48:8

Kam tuai mani kan kakauongo nakon te b'ai ae I taekinna; man te tai are kam bungiaki iai, I ataia b'a kam na kaaitaraa.

Ieremia 13:10

A buakaka kaain Iuta ao a taningabono. Ma ngaia are, ngkai a aki kakauongo i Rou, ma a karaoi b'aai aika a bon tangiria, ao a bon taromauri naba anti tabem'aang. Ngkana e tia te b'ai ae N na karaoia nako ia aomata aikai, ao a na riki b'a te b'ai ae akea manenana, a na riki b'a kaanga te kawaerake te kororo aei.

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 2:25

A a mangaingai ami kauniwae, e a m'autakataka buami man te biriaitua n aki akaaka i bukin taromauriakiia antiia aika ianena. Ao I takaarua ni kaangai, “Katokia!” ma kam kaeka ni kaangai, “Ti aki! Ti rangi n tangiri taian anti aikai.”

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Ieremia 25:3

“Ai 23 te ririki ngkai man te moan tai are e uea iai Iotia, ao I a kaman tuangkami te b'ai are e tuangai te UEA. Ma kam tuai mani kan ongo.

Ieremia 25:4

E a tia ni kanako ia burabeti nako imi te UEA man te tai teuana nakon te tai teuana, ma kam rawa n ongo.

Ieremia 25:7

Ma kam rawa n ongo irouia burabeti. Ma ngaia are Ngai ae te UEA ae I taekinna b'a kam a tia ni kamaraka nanou n taromauriia bouannanti, ao bon ngkami aika kam maraki n te b'ai are kam karaoia.

Ieremia 25:8

Kam rawa n ongo irou,

Ieremia 3:24

Ni moa man aia bong ara bakatibu ngke te botannaomata ngaira ae e uarereke, e a tia n anai ara uita ara nanai ni man ma natira mm'aane ao natira aine B'aara are te kananoanga.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 32:30

N rongorongoia Iteraera ma kaain Iuta mai moana, a bon aki kakukureiai ao a kaunai n te b'ai are a tia karaoia.

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 48:11

Moaba, ti te bo ngkoe ma te wain ae e tiku n arona n aki kumekumeaki, n aki kaakab'aroaki man te tiaeki teuana nakon te tiaeki teuana.

Ieremia 6:16

E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

Etekiera 20:13

Ma a kakaitaraai Iteraera i nanon te rereua. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. Ao I a baaireia b'a N na kamaunaia Iteraera n te rereua ae Au moan tai ni kamaunaia ao ai Au kabanea naba.

Etekiera 20:21

Ma a bon kamangao naba naati nako iu. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. E a rangi ni maraki nanou ao I a baaireia b'a N na katuaaia i nanon te rereua.

Etekiera 20:28

ngke a anga karea ni kaboiarara, ao te wain nakoia anti i aon te tabuki ao i aan aroka aika korakora. I bon rangi n un, i bukina b'a a karaoi b'aai aikai n te aba are I a tia n anganiia!

Etekiera 20:8

ma a bon kamangao naba nako iu. A rawa n ongo ao a teimatoa n taromauriia taiani bouannanti ao antiia ianena. Ao I baaireia b'a N na katuaaia Iteraera i Aikubita i bukin marakin nanou.

Teb'ania 3:2

E a tia n aki kan ongo iroun te UEA, ke n aki kan karin ana rerei. E a tia n aki onimakina te UEA, ma n rawa ni bubutiia buokana.

Tekaria 7:7

Bon ti te bo naba au rongorongo n te bong aei ma are I tuangiia burabeti ake mai m'aaina b'a a na taetae nakon Ierutarem ma kaawana nako ngkana e maiu raoi, ao ngkana e bane Iuta, n reitaki ma te Rereua are i Maiaki ao te aba are e tabukibuki, n onrake irouia aomata.

Te Tua-Kaua 31:27

Ao I bon atai taningabonomi ma ami kamangao ma Iteraera ni kabane. Kam a tia n kakaitaraa te UEA ngkai I boni maiu i rarikimi, ao ane kam na rangi ni buakaka riki ngkana I a kiitaningkami.

Te Tua-Kaua 9:24

Ni koauana raoi, ao kam kakaitaraa te UEA ni moa man te tai are E a tia ni kinaingkami iai.

Te Tua-Kaua 9:7

Kam na aki m'am'aninga aromi ngkoa ni kakaitaraa te UEA ma ni kakaunna n taai nako ngke kam mena i nanon te rereua. Kam a boni kakaitaraa naba ni moa mangke kam kiitana Aikubita ni karokoa te tai are kam roko iai ikai.