Ieremia 22:2 - Te B'aib'ara

² E tuangai te UEA b'a N na kaangai: Bon te UEA Ngai ma ngaia ae kam na kakauongo raoi! Kam a tia ni kariaia aomata b'a a na kewe, ma ni kimoa, ao n aonikaia aine aika a tia ni mate buuia, ataei aika akea aia karo, ao iruwa aika a maiu ikai.

Ieremia 22:2 Iomraidhean Croise

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

Itaia 1:10

Bon ti te bo ngkami ma taani kairiiri irouia kaain Tootom ma Komora! Ma ngaia are, kam na ongora iroun te Atua:

Itaia 28:14

Bon akea te b'ai ae kam karaoia b'a ti te b'ab'ainingare; ao ngkai kam a riai ni kakauongo n te b'ai ae e taekinna te UEA.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 13:18

E tuangai te UEA b'a N na tuangko b'a a na riai n anga aia kaintokanuea ami uea ma tinana ao ni kanakoi aia baunuea.

Ieremia 19:3

Bon te UEA Ngai ae Moan te M'aaka, ae Atuan Iteraera, ao kam riai ni kakauongo raoi ngkami aika uean Iuta ma kaain Ierutarem. N na karokoa te kangaanga ae moan te korakora i aon te m'arua aei n te aro are a na tiaoki akana a ongo taekana.

Ieremia 22:1

E kanakoai te UEA b'a N na nako nakon ana bareti Uean Iuta b'a N na taetae nakon te uea, ma ana mataniwi ao aomata ni kabane ake a mena ikekei.

Ieremia 22:4

A na teimatoa n tautaekana Iuta ma te bareti aei uea man ana utu Tawita ngkana kam ongotaeka i Rou. Ane a na waaki n rin ao n otinako ngaiia ma aia mataniwi i aon aia aoti ke aia kaanibuaka.

Ieremia 29:20

Ngkami ni kabane aika I kanakoingkami nakon te kataenikaiaki i B'aburon, ongora nakon te b'ai ae I taekinna Ngai ae te UEA,’

Ieremia 34:2

b'a N na taetae nakon Tetekia ni kaangai: Boni Ngai ae te UEA ae N nang kam'ananga Nebukaneta b'a e na taua te kaawa are e buubura arei ma ni kabuokia ni kab'aka.

Ieremia 36:30

Ma ngaia are, boni Ngai ae te UEA ae I berita b'a ko na tiringaki ao e na karenakoaki rab'atam i aon te tano. E na ruonna kabuebuen taai n te ngaina, ao te kam'aitoro n te tairiki. Ao akea mai buakoia am kariki ae a na manga uea i aon Iuta.

Ieremia 7:2

ao n tuangiia aomata ake a na nako n rin te b'ai are E taekinna te UEA

Etekiera 34:7

Ngkai, kam na ongora ngkami aika taani kaawakin tiibu nakon te b'ai ae N na taekinna Ngai ae te UEA nakoimi.

Amota 7:16

Ma ngaia ae kam na ongora n Ana taeka te UEA, kam tuangai b'a n na aki taetae ni burabeti ao n na aki eekinakoi ngkami.

Ruka 1:32

Ane E na kakannato, ao E na aranaki b'a Natin te Atua are Moan te Rietaata; ao te Uea ae te Atua, E na anganna te nakoa n uea n ai aron are e a tia n reke ngkoa iroun Tawita are ana bakatibu;