Ieremia 22:19 - Te B'aib'ara

¹⁹ Ko na taunaki n ai aron taunakin te aati; e na aeaeaki rab'atam nako tinanikun mataroan te kaawa ma n tewenakoaki i buakon te baareka. Bon aio au taeka Ngai ae te UEA.

Ieremia 22:19 Iomraidhean Croise

1.Uea 14:10

Ao i bukin aei, ao N na kamaunaa am utu n tiringiia m'anena ni kabane ma ataei ni m'anena, aika tooro ke aika inaomata. N na kamaunaa am utu, n aron te ai ngkana e kabuoka te maange.

2.Uea 23:36

Ai tib'a 25 ana ririki ni maiu Ieoiakim ngke e rineaki b'a te uea, ao e tautaeka i nanon 11 te ririki mai Ierutarem. Tinana bon Nei Tebita are natin Betaia te aine are kaain Ruma.

2.Uea 24:6

E mate Ieoiakim, ao e a manga uea natina te m'aane are Ieoiakin.

2.Uea 9:35

Ma ngke a otinako b'a a na tauna rab'atana, ao a kunea b'a ai ti tab'anouna n tiku, ao riini baina ake uaai ma waena ake uaai.

2.Rongorongo 36:6

I nanon ana tai n tautaeka Ieoiakim, ao e buakana Iuta uean B'aburon are Nebukaneta. E katika Ieoiakim ao e kabaea n taian tiein, ao e uotia nakon ana kaawa n tautaeka are ae e buubura are B'aburon.

Te Minita 6:3

E konaa n rangi n ab'ab'aki maium, ao ni karikiia natim iai aika tebubua m'aitiia. Ma e raoiroi riki nakoim te ataei ae e bungiaki ni mate, ti ngkana ko kukurei n te maiu, ao ko taunaki raoi ni matem.

Ieremia 15:3

N na katuaaingkami ni kawai aika aua aika a kakaokoro. Ane kam na mate n te buaka ao a na katitikaki nako rab'atami irouia kamea, a na kanaki irikomi irouia mannikiba, ao a na kam'akeruaki riimi irouia maan aika a aki manana.

Ieremia 36:30

Ma ngaia are, boni Ngai ae te UEA ae I berita b'a ko na tiringaki ao e na karenakoaki rab'atam i aon te tano. E na ruonna kabuebuen taai n te ngaina, ao te kam'aitoro n te tairiki. Ao akea mai buakoia am kariki ae a na manga uea i aon Iuta.

Ieremia 36:6

ma ngaia are, ko na onea mwiiu n nako. Ko na taningaa te bong ae e tabu are i mwiina are a na bane n roko iai kaain Iuta n tataro ma n aki am'aam'arake. Ao i mwiina, ko uota te niira ni boki aei nakon te Tembora ni warekia ni kaom'akaa b'anaam.

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Etekiera 19:8

A iangoa aron matena botannaomata, ao a roko aomata man taabo nako b'a a na taakina aia karaun ma ni kam'anea i nanon aia b'ai ni kam'ane.

Etekiera 39:5

rab'atamii aika a mate aika a tiku ni wene i nanon taian rereua aika a tangaina. Bon aei Au taeka Ngai ae te UEA.