Ieremia 22:10 - Te B'aib'ara

¹⁰ E a mate te Uea are Iotia, ma kam na aki tang i bukina. Ma kam na tang i bukin natina te mm'aane are te Uea are Ioati are e katikitikaki nakon te kaawa teuana, ao e aki manga oki.

Ieremia 22:10 Iomraidhean Croise

2.Uea 22:20

Ma ngaia are, N na karaoiko b'a ko na mate ma te rau, i m'aain kamaunaan te tabo aei. Ao a nako m'aane akekei ao a uota rikaaki ana rongorongo Ureta nakon Iotia.

2.Uea 23:29

E kam'anangaa ana taanga ni buaka Neko are uean Aikubita nako meangin te Karaanga are Iuberetiti i nanon ana tai ni uea Iotia b'a e na buoka uean Aturia. E kairiia ana taanga ni buaka Iotia nako meang b'a a na buakana Neko ma ngke a kaaitibo ni buaka i Mekito, ao e a mate Iotia.

2.Rongorongo 36:4

Ao i mwiina, e rinea tarin Ieoaati are Eriakim te uea are Neko b'a e na uea i aon Iuta ao e kab'aka arana nakon Ieoiakim. Ao e kaira nako Ieoaati nako Aikubita b'a te taenikai.

Te Minita 4:2

I taku inanou, “A raoiroi riki aika a mate nakoia aika a maiu.

Itaia 57:1

A uaakinaki nako ma n tiringaki ana Aomata te Atua aika a kakaonimaki, ao bon akea temanna ae e tabe iai. A kamaunaaki n te buakaka,

Ieremia 16:7

Bon akea ae e na uota te am'arake ao te wain ni buokiia ni karaui nanoia akana tang i bukin mateia tamaia ma tinaia.

Ieremia 22:11

E riki b'a te uea Ieoaati i aon Iuta i mwiin maten tamana are te Uea are Ioati.

Ieremia 22:18

Ieoiakim, bon akea temanna ae e na tang ngkana ko mate. A na bon aki rairaki n titiraki aomata ni kaangai, “E aera ngkai e konaa ni mate ara uea ae e kakannato?”

Ieremia 22:27

ma n tangitangira okiran mwengami.

Ieremia 25:27

E a tia n tuangai ngkoa te UEA b'a N na riai n tuangiia ueea n tatabemaniia nako ni kaangai, “E tuangkami te UEA ae Atuaia Iteraera b'a kam na mooi man m'angkon te wain ae e on n unna. N na kamangingkami ao kam na mumuta. Ao ngkana e kanako ia taani buaka te UEA nako ia botannaomata nako, ao kam na bon konaaki n te kakoaua.”

Ieremia 28:4

A na kariaiakaki te uea are Ieoiakin ma aomata ake tabeman ake a uotaki nako B'aburon b'a a na oki naba nako ikai. A riki b'aai aikai ni kabane i bukina ngke I urua m'aakan uean B'aburon!

Ieremia 42:18

I un Ngai ae te UEA irouia kaain Ierutarem ao I katuaaia. Ngkana kam nako Aikubita, ao N na bon un ao N na katuaaingkami n te aro naba anne. Kam na bon aki manga noora abami. Ane a na maaku aomata n te b'ai ae N nang karaoia nako imi, ao ane a na kabonganaa aran ami kaawa ae e buubura aei b'a te taeka ni kamaraia.

Ieremia 44:14

Bon akea iroumi ae e na reke maiuna. Ane kam na iaiangoa okiran Iuta n te bong teuana, ma bon ti tabeman maibuakomi aika a na reke birinako ia man te mate ma n reke okiia.

B'aeb'aeti 4:9

E raoiroi riki mateia ake a mate n te buaka nakon mateia ake a mate n te baki, b'a akea kanaia are a na maiu iai.

Etekiera 24:16

“Etekiera ae natin te aomata, N na anaa maiun te aomata ae ko rangi n tangiria n te tai ae e waekoa. Ma I aki tangiriko b'a ko na ngurengure ke n tang.

Ruka 23:28

Ao E rairaki Iesu nako ia ao E taku, Natin Ierutarem aika aine, tai tang i buku! Ma kam na tang i bukimi ao i bukiia natimi.