Ieremia 21:9 - Te B'aib'ara

⁹ A tia kaain B'aburon ni katobibia Ierutarem, ma ngaia are, ngkana kam kani maiu ao kam na otinako nako ia n taenikai irouia. Ma ngkana kam tangiria ni mate n te baki, ke te aoraki, ke te buaka, ao kam na tiku ikai i nanon te kaawa.

Ieremia 21:9 Iomraidhean Croise

Ieremia 14:12

Ane a na bae n aki am'aam'arake Ma ngkana a tangira buokaia, N na bon aki ongo, N aki butim'aai aia karea nako. Ao N na onea mwiin anne ni karokoa te buaka, te baki, ao te aoraki are e na kamaunanako ia.”

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 24:10

A na oreaki n taiani buaka ma te baki ao taian aoraki, ni karokoa a mauna nako man te aba are I anganiia aia bakatibu.

Ieremia 27:11

Ma ngkana kam kukurei n ongotaeka ngkoe ma am botannaomata nakon Nebukaneta, ao N na kariaia b'a kam na tiku i abami, ao a na teimatoa ni maiu ami aomata ma ni m'akuri n aia oonaroka nako.

Ieremia 27:12

I mwiin taetaeu nako ia mataniwiin abanuea ake i rarikira, ao I a nakon te uea are Tetekia ma n tuangnga te b'ai naba arei. Ao i mwiina, I taku: Tetekia, ngkana kam tangiria ni maiu ngkoe ma kaain Iuta, ao kam riai n ongotaeka nakon Nebukaneta ao kaain B'aburon.

Ieremia 27:13

Ma ngkana kam rawa, ao ko na mate ma ami aomata n te buaka, te baki, ao te aoraki, n aron e a tia ni kauringngkami iai te UEA.

Ieremia 38:2

Ana taeka te UEA ae e kaangai, “E na mate n te buaka ke n te baki ke te aoraki te aomata ane e tiku i nanon te kaawa. A na bon aki tiringaki koraki aika otinako n taenikai nako ia kaain B'aburon; a na tiringaki ngkana a biri nako n rawei maiuia.”

Ieremia 38:3

I tuangiia te b'ai are E taekinna te UEA, “N na anga te kaawa nako ia ana taanga ni buaka B'aburon.”

Ieremia 39:18

N na kamanoingkami, ao kam na aki tiringaki. E na reke birinakomi n rawei maiumi i bukina ngkai kam onimakinai. Bon aei Au taeka Ngai ae te UEA.

Ieremia 45:5

N nang karokoa te kabuanib'ai n taabo nako, ma ngaia are, kam na aki kabanea ami tai ni iangoa te b'ai teuana ma teuana. I berita b'a N na kaawakiningkami man te mate. Bon aei Au taeka Ngai ae te UEA.

Etekiera 5:12

A na mate katenim'akoromi i nanon Ierutarem ikai n te aoraki ke te baki. Katenim'akoromi a na mate n te buaka. Ao N na kamaaenakoia kabanean katenim'akoromi n aki akaaka, ao i mwiina, N na manga rimwi ngkami n tiringkami.