Ieremia 21:7 - Te B'aib'ara

⁷ Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 21:7 Iomraidhean Croise

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 47:6

I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Ieremia 14:12

Ane a na bae n aki am'aam'arake Ma ngkana a tangira buokaia, N na bon aki ongo, N aki butim'aai aia karea nako. Ao N na onea mwiin anne ni karokoa te buaka, te baki, ao te aoraki are e na kamaunanako ia.”

Ieremia 15:5

Kaain Ierutarem, antai ae e na nanoangaingkami? Iai ae e na titirakiningkami b'a kam uara?

Ieremia 15:9

E rawaawata nanon te tina ao e nikobuaka. A tia n onikaki ana bong aika a oota nakon te rootongitong i bukin mateia natina mm'aane aika a itiman. N na tiringiia ni kabane taian nikira ni maiu. Bon aei au taeka Ngai ae te UEA.

Ieremia 19:7

Bon iai ami babaaire aika a rangi ni korakora ngkami aika kaain Iuta ma Ierutarem, ma N na urui taian babaire akanne i nanon te m'arua aei. N na karaoia ami kairiribai b'a a na tiringkami, ao N na tuangiia taiani mannikiba ao maan aika a aki manana b'a a na kang rab'atami ngkana a mate.

Ieremia 20:4

Ane ko na maaku, ao ko na manga kakamaakuia raom. Ane ko na nooria kairiribai aika a tiringaki n te buaka. Ao i mwina, N na karaoa uean B'aburon b'a e na anai aomata ni kabane mai Iuta b'a taenikai, e na tiringiia tabem'aang ao e na katikitikiia tabem'aang nako B'aburon.

Ieremia 22:25

N anga ngkoe nakon te kairiribai are ko maakua, nakon te Uea are Nebukaneta ma ana taanga ni buaka, ake a tangiria n tiringko.

Ieremia 27:6

Boni Ngai ae I baaireia botannaomata aikai ni kabane nako aan m'aakan Au toro, ae Nebukaneta ae Uean B'aburon, ao I bon karaoia naba maan aika a aki manana b'a a na m'akuri i bukina.

Ieremia 32:4

E na tauaki te uea are Tetekia ao e na uotaki nakon te Uea are Nebukaneta, are e na i taramata n taetae ma ngaia.

Ieremia 34:3

Ao ko na anaaki b'a te bure ma ni uotaki nakon Nebukaneta, ao e na itaramata ma ngkoe n taetaenikawai. Ao i mwiina, ko na uotaki nako B'aburon.

Ieremia 36:29

Ao i mwiina, e tuangai b'a N na taetae ni kaangai nakon te uea are Ieoiakim: Ko aki ti kabuoka ana niira ni boki Ieremia, ma iai naba iroum te kan ataia b'a e aera ngkai e koreaki b'a e na roko uean B'aburon ni buakana ma n urua te aba, tiringiia aomata ni kabane ao ai uana naba ma taiani man.

Ieremia 37:17

I mwiina riki, ao e kanaanako weteau te uea are Tetekia n te aro ni karaba, ao I anaaki nakon te bareti, ike I a titirakina iai ni kaangai, “Iai te rongorongo nakoira mai roun te UEA?” Ao I kaeka ni kaangai, “Eng teuae ko karineaki, iai. E taku te UEA b'a E nang karokoa uean B'aburon b'a e na kataenikaiko.”

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

B'aeb'aeti 2:20

Taraia Atuau! E aera ngkai Ko katuaaira n aron aei? A manga bon kang rab'ataia aia ataei aika a tangiriia tiina! A bon tiringaki ibonga ma burabeti n te Tembora!

B'aeb'aeti 2:22

Ko kaoiia kairiribai nakon te bootaki, ao a taua aron te bootaki ma n karikia b'a te tai ae kakamaaku., Ao bon akea ae konaa ni birinako man bongin unim. A tiringiia natiu, aika i tangiriia b'a i bon kaikawaia.

Etekiera 23:28

Boni Ngai ae te UEA ae te Atua ae I tauraoi n anga ngkoe nakoia kairiribai aika a rangi ni buakaka are ko na nooriia b'a a rangi n ribaaki.

Etekiera 7:9

A rangi ni kakamaaku ami bure, n te aro are e na bon aki reke nanoangaami irou. Ao ane kam na ataia iai b'a bon Ngai ae te UEA ae I katuuaingkami.

Etekiera 8:18

Ma ngaia ae, N na katuaaia n uniu ae moan te korakora, ao N na bon aki manga nanoangaia ao N na rawa ni buokiia ngkana a tangira buokaia mai Rou.”

Etekiera 9:10

Ma ngaia ae N na aki nanoangaiia ke ni kab'araa aia bure. A na riai ni katuaaeaki i bukin te b'ai ae a tia ni karaoia.”

Te Tua-Kaua 28:50

A na bon aki nanoanga naba teutana, ao a na bon akea naba karineaia aomata aika a kara ke n nanoangaia ataei.