Ieremia 21:10 - Te B'aib'ara

¹⁰ I a tia n baaireia b'a N na aki kamaiuia Ierutarem. Ma N na kariaia uean B'aburon b'a e na kabuokia ni kamannangnga. Bon aio au taeka Ngai ae te UEA.

Ieremia 21:10 Iomraidhean Croise

2.Rongorongo 36:19

A kabuoka te Tembora ana taanga ni buaka Nebukaneta ao a urui b'aai ni kabane kateitei aika a kakaawaki ake i nanon oon te kaawa are e buubura arei.

Taian Areru 34:16

Ma E ekianako nako akana buakaka, b'a ngkana a mate, ana bon akea naba ururingakiia teutana.

Ieremia 17:27

Ma ngkana kam teimatoa n uouoti b'aai i nanon mataroan te kaawa akanne n te Kaitibong ao n teimatoa n karaoia b'a te bong n aki akaaka, ao N na kaurai taian mataroa aikai ma ni kab'aka te kaawa, n reitaki ma nonona nako.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 33:5

Iai tabeman aika a na buakana B'aburon, are e na kaon auti nako n taian mate ake aomata ake N nang oroia n uniu ma bononnanou. I tannako man te kaawa ae e buubura aei i bukin m'akuri aika a buakaka aika a tia ni karaoaki irouia kaaina.

Ieremia 34:2

b'a N na taetae nakon Tetekia ni kaangai: Boni Ngai ae te UEA ae N nang kam'ananga Nebukaneta b'a e na taua te kaawa are e buubura arei ma ni kabuokia ni kab'aka.

Ieremia 34:22

N na anga te babaaire, ao a na manga oki nakon te kaawa ae e buubura aei. A na buakanna, a na taua, ao a na kabuokia ni kab'aka. N na karika aia kaawa aika a buubura b'a kaanga taian rereua aika akea aika a maeka iai. Bon aei Au taeka Ngai ae te UEA.

Ieremia 38:17

Ao i mwiina, I tuangnga ana taeka te UEA ae e kaangai: “Tetekia, bon te UEA Ngai ae Moan te M'aaka ae Atuaia Iteraera. I berita b'a ngkana ko taenikai irouia ana aobitia Nebukaneta, ao a na aki tiringaki am utu, ao e na aki kabuokaki ni kab'akaaki Ierutarem.

Ieremia 38:18

Ma ngkana ko aki taenikai, ao N na karokoa ana taanga ni buaka B'aburon b'a e na taua Ierutarem ma ni kabuokia ni kab'aka, ao ngkoe ko na uotaki nako b'a te taenikai.”

Ieremia 38:23

A na anaia buum ma natim kaain B'aburon b'a taenikai, ao ko na anaaki nakon uean B'aburon b'a te taenikai, ao e na kabuokaki ni kab'akaaki Ierutarem.”

Ieremia 38:3

I tuangiia te b'ai are E taekinna te UEA, “N na anga te kaawa nako ia ana taanga ni buaka B'aburon.”

Ieremia 39:16

nakon Ebetemereka are mai Itiobia ni kaangai: Bon te UEA Ngai ae Moan te M'aaka, ae Atuaia Iteraera. I kauringiia aomata ni kabane b'a N na karokoa te kabuanib'ai, ao tiaki te teetekeraoi nakon te kaawa ae e buubura aei. N na karaoa ngkai te b'ai ae I taekinna n te tai ae e waekoa, ao kam na nooria ngkana e koro bukina.

Ieremia 39:8

Inanon te tai anne, a tia ni kabuoki taian auti ana taanga ni buaka B'aburon i Ierutarem, n reitaki ma ana bareti te uea, ao a tia naba ni kab'akai nonon te kaawa.

Ieremia 44:11

Bon te UEA Ngai ae Moan te M'aaka, ae I baaireia b'a N na kamaunaingkami n taiani kabuanib'ai.

Ieremia 44:27

N onea mwiin arou ngkoa are te tararuaingkami nakon tarataraan te tai are N na karaoa iai te kamaraki nako imi. Iai i buakomi aika a na mate n te buaka, ao tabem'aang a na mate ni baki.

Ieremia 52:13

E kabuoka Ana Tembora te UEA, ao ana bareti te uea, ao auti ni kabane aika a kakannato i nanon te kaawa.

Etekiera 15:7

kaanga kain te kureebe ae e kabuokaki b'a te aia. Iai tabeman ake a reke birinakoia man te kabuanib'ai teuana, ma i mwiina, a na manga bane ni bue n te tai ae e aki maan. Ngkana e riki anne, ao ko na ataia ngkoe Etekiera b'a bon te UEA Ngai.

Etekiera 24:11

Ao i mwiina, ko kanakoa kanoan nako aon taiani kooro aika kabuebue ni karokoa e a takarokaro. E na itiaki te b'aata n te aro anne ma ni kabueka te raraa ni kanakoa.

Nakoaia Ibonga 17:10

Ngkana iai Iteraera ke iruwa i nanon te maeka aika kana te iriko ma raraana. E na katannakoa matana te UEA mai rouia, ao E na aki araniia b'a ana aomata.

Nakoaia Ibonga 26:17

ao N na tannako mai roumi, ao N na kariai ngkami b'a kam na kamaunaaki irouia taan eekinakoingkami. Ane kam na biritakaka n ongotaomi te bo ni buaka ngke bon tiaki te bo ni buaka.

Amota 2:5

Ngaia are N na kab'aka te ai i aon Iuta, ao N na kabuoki nonon Ierutarem.”

Amota 9:4

Ngkana a kairaki nako b'a taenikai irouia aia kairiribai, ao N na tua b'a a na bane n tiringaki. I a tia ni motika nanou b'a N na tiringiia, ao N na bon aki manga buokiia.”

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”