Ieremia 20:4 - Te B'aib'ara

⁴ Ane ko na maaku, ao ko na manga kakamaakuia raom. Ane ko na nooria kairiribai aika a tiringaki n te buaka. Ao i mwina, N na karaoa uean B'aburon b'a e na anai aomata ni kabane mai Iuta b'a taenikai, e na tiringiia tabem'aang ao e na katikitikiia tabem'aang nako B'aburon.

Ieremia 20:4 Iomraidhean Croise

2.Uea 25:7

A tiringaki natin Tetekia bon i matana. A autaki kanoani matana ni karebenakoaki, ao e kabaeaki n taurekereke ma ni uaakinaki nako B'aburon.

Taian Areru 73:19

A mate nabangkekei; A roko n tokiia ae kakamaaku.

Ieremia 13:10

A buakaka kaain Iuta ao a taningabono. Ma ngaia are, ngkai a aki kakauongo i Rou, ma a karaoi b'aai aika a bon tangiria, ao a bon taromauri naba anti tabem'aang. Ngkana e tia te b'ai ae N na karaoia nako ia aomata aikai, ao a na riki b'a te b'ai ae akea manenana, a na riki b'a kaanga te kawaerake te kororo aei.

Ieremia 13:19

A a katobibiaki kaawan nako Rereuan Maiaki; ao bon akea temanna ae e kona n rin ke n otinako. A na uotaki nako kaain Iuta ni kabane.

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 20:6

Batura, ko bure ni kewe ao n taekinna b'a taian rongorongo mairou. Ao anne bukina ngkai I kanakoa B'aburon b'a e na anaiko, ma am utu, ao raoraom b'a buure nako B'aburon, ike ko na bane ni mate iai ma n taunaki iai.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 29:21

E a tia n taetae te UEA ae Atuaia Iteraera, i bukin Aaba are natin Koraia te mm'aane ao Tetekia are natin Maateia te mm'aane, are e taetaekina te kewe nako imi n arau. E a tia n taekinna b'a e na anga ngaiia nakon m'aakan te Uea are Nebukaneta are uean B'aburon, are e na kamateia i matami.

Ieremia 46:5

I konaa n noora te buaka ngkai kam a taenikai ao kam biri nako, n aki manga tatanrikaaki. E otab'aniniingkami te maaku.

Ieremia 52:24

I mwiina, a katiki Teraia are te mataniwi ni ibonga ma te tia buokia are Teb'ania, ao mataniwiin te Tembora aika teniman i roun Nebutaratan

Ieremia 52:27

n te aba are Amata. Ao e a anaaki i roun te uea ikekei ma n oreaki ni karokoa matena. A uotaki nako kaain Iuta mai abaia nakon te kataenikaiaki.

Ieremia 6:25

E taku te UEA, “Kam na aki m'akuri i nanon ami tawaana nako ke n nakonako i nanon te kawai. E rangi ni kamaamate. A rangi toamau kairiribai ni b'aai ni buaka

1.Tamuera 2:33

Ngkana I karika temanna man ami utu b'a te ibonga, ao e na onrake maiuna n te nanokawaki ma te rawawata. Ma a na mate angiia m'aanen ami utu n te mate ae kakamaaku!