Ieremia 20:18 - Te B'aib'ara

¹⁸ E aera ngke I bungiaki? Tiaki ti i bukin te kamarakaki ao ni mate ma te kakamamaaeaki?

Ieremia 20:18 Iomraidhean Croise

1.Uea 19:4

ao e a manga m'ananga i nanon teuana te bong nakon te rereua. Ni karokoa e a roko n te buakoako teuana ae korakora ao e a tekateka i aan nuuna. E a tataro ni buubutii nakon te UEA ni kaangai, “E a bati n tau. An tiringai. A kakab'aiaki riki au bakatibu nako iu.”

Iobi 14:1

Ti bane ni bungiaki ni mamaara. A kimototo, ao a kangaanga maiura ngaira aikai ni kabane.

Iobi 14:13

Tera ngke Ko karabaai i abaia maate, are Ko na karabaai iai ni karokoa tokin unim, ma ni manga karekea te bong teuana are Ko na manga uringai iai ikekei.

Iobi 3:20

Bukin tera ngkai n na maiuakina te maiu ae kangaanga mani kammaraki?

Iobi 5:7

E bon aki! E bon karika te kangaanga te aomata i bon i rouna, kaanga ai aron te m'aakaro n ai ae e kibanako mai nanon te ai.

Taian Areru 102:3

E tabe ni mauna maiu kanga ai aroni bubun te ai; Ao e kabuebue rab'atau kanga ai aron ae I mena n te tabo ni kanaiai.

Taian Areru 69:19

Ko ataa arou n taetaebuakaki, ao arou naba ni kamangoraki ma ni kamatauningaaki; Ko noriia taan ribaai.

Itaia 1:6

Bon akea taraan te maiu mai taubukin atuum nako taboni waem. A bon aoriia kunikunin rab'atam, m'akorokorona, ao manekana n aki tararuaaki, ke ni kabiraki n te b'a ni katokaki marakina.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Ieremia 15:10

Tera ngke I aki bungiaki! I aki toki n reke n te kangaanga ma kaain Iuta ni kabane. I aki taatangoa te m'ane ke n taarau. ma a bane ni kamaraiaai aomata nako n te aro ae ti te arona.

Ieremia 15:18

I ikoaki kaakaiaki ao e aki tootoki marakiu. Ko nang kab'araa nanou kaanga te raanga n ran ae e a m'auteretere i nanon tain te aumaiaki ae e kabuebue?

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 8:18

I taonaki n te rawaawata kaanga e a b'ara nanou.

B'aeb'aeti 1:12

E tang nakoia ake a ri rarikina, “Bon akea katotongan te rawaawata ae irou, ae E anganai te UEA b'a oreau.”

B'aeb'aeti 3:1

Bon ti ngai ae i atai aron baikai, ao ni karawawataaki iroun te UEA n unna.

Ab'akuka 1:3

Bukin tera ngkai ko karikai b'a n na noori kangaanga aikai? Ko na kanga ni kan noori m'akuri aika a buakaka aikai? E katobibiai te urub'ai ma te kabuanib'ai, ao e a bo te un ma te ngurengure n aki-akaaka.

Ioane 16:20

Bon te koaua ni koaua ae I a tuangngkami b'a ane kam na tang ma n tanginiwenei, ma ane e na kim'areirei te aba; ane kam na nanokawaki, ma ane e na oneaki nanokawakimi nakon te kim'areirei.

M'akuri 5:41

Ma ngaia are, a nako man te Tanirim ma te kim'areirei, b'a a kona n atongaki b'a a tau ni kamaamaaeaki i bukin te ara ae Iesu.

2.Timoteo 1:12

ao aei bukin ae I maraki iai i bukini baikai. Ma I aki mamaa, b'a I ata Teuare I onimakinna, ao I aki nanokokoraki b'a E boni kona ni kawakina te baere E a tia ni mwiokoai iai ni karokoa te bong arei.

Ebera 10:36

E riai b'a kam na nanom'aka, b'a kam aonga ni karaoa nanon te Atua ao e na reke i roumi iai te baere e taekinaki n te taeka n akoi.

Ebera 11:36

A kataaki tem'angina ni kakanikoaia ao ni kataereaia, ao tem'angina ni kabaeaia n taurekereke ao ni kainakiia n te karabuuti.

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Ebera 13:13

Ma ngaia ae ti na nako Ina i tinanikun te nne ni maeka n rianna, n uaia n uataboa ma Ngaia kamamaaeana.